|
|
 |
|
|
|
Sunday, June 25, 2006
جس سر کو غرور آج ہے ياں تاج وري کا کل اس پر يہيں شور ہے پھر نوحہ گري کا آفاق کي منزل سے گيا کون سلامت اسباب لٹا راہ ميں ياں ہر سفري کا زنداں ميں بھي شورش نہ گئ اپنے جنوں کي اب سنگ مداوا ہے اس آشفتہ سري کا لے سانس بھي آہستہ کہ نازک ہے بہت کام آفاق کي اس کار گہ شيشہ گري کا ٹک مير جگر سوختہ کي جلد خبر لے کيا يار بھروسہ ہے چراغ سحري کا
میرا پاکستان نے
6/25/2006 11:05:00 PM
پر پوسٹ کیا
0 تبصرہ جات
Wednesday, June 14, 2006پروفیسر محمد ایوب قادری ایک محقق آدمی ہیں۔ شجرہِ نسب مانگ رہے تھے۔ ہمارے ہاں کہاں سے آتا؟ ہم نے کہا کہ بزرگوں میں ہمیں اپنے والد کا نام یاد ہے یا ایک اور مورثِ اعلٰی کا کہ اپنے زمانے کے مشہور پیغمبر تھے۔ بولے کون؟ ہم نے حضرت آدم علیہ السلام کا نام بتایا تو عقیدت سے ادھ موئے ہو گئے۔ ۔۔۔ ابنِ انشاء ۔ “خمار گندم“ ۔۔۔
Asma نے
6/14/2006 01:01:00 AM
پر پوسٹ کیا
4 تبصرہ جات
!گزرتے لمحوں مجھے بتاؤ زندگی کا اصول کیا ہے تمام ہاتھوں میں آئینے ہیں کون کس سے چھپتا ہے اگر صدا کا وجود کانوں سے منسلک ہے تو کون خوشبو بن کر بولتا ہے اگر سمندر کی حد ساحل ہے تو کون آنکھوں میں پھیلتا ہے تمام چیزیں اگر ملتی ہیں تو کون چیزوں سے ماورا ہے کِسے خبر ۔۔۔ بدلتی رُت نے پرانے پتوں سے کیا کہا یہ کون بادل سے پوچھے کہ اتنے سال کہاں رہا یہ جو آج دیکھا ہے وہ کل نہ ہوگا کوئی لمحہ اٹل نہ ہوگا !گزرتے ہوئے لمحوں مجھے بتاؤ زندگی کا اصول کیا ہے ۔۔۔ امجد اسلام امجد ۔۔۔
Asma نے
6/14/2006 12:42:00 AM
پر پوسٹ کیا
0 تبصرہ جات
Tuesday, June 13, 2006میں خیال ہوں کسی اور کا مجھے سوچتا کوئی اور ہے سرِ آئینہ میرا عکس ہے ، پسِ آئینہ کوئی اور ہے (سلیم کوثر) جسے چاہا نہیں تھا وہ مقدر بن گیا اپنا کہاں بنیاد رکھی تھی کہاں گھر بن گیا اپنا (اعتماد صدیقی) جسے چاہا تھا وہ ملا نہیں جو مجھے ملا وہ مرا نہیں مرا ہمسفر کوئی اور تھا کوئی دوسرا مرے ساتھ ہے (احمد کمال حشمی)
باذوق نے
6/13/2006 10:19:00 AM
پر پوسٹ کیا
3 تبصرہ جات
Monday, June 12, 2006بارش کی آواز کو سن کر ,پیڑوں کی آغوش میں سہمی شاخیں جھومنے لگتی ہیں گردِ ملال میں لپٹے پتے، جاگ اٹھتے ہیں اور ہوا کی پینگوں میں سرگوشیاں جھولنے لگتی ہیں کھڑکی کی شیشوں پر جس دم پہلی بوندیں پڑتی ہیں تو بارش کی آواز گھروں میں خوشبو بن کر در آتی ہے دنیا کے بے انت دکھ اور اندیشوں کی اُڑتی مٹی بیٹھتی ہے اور بجھے دلوں کی اقلیموں میں شمعیں جلنے لگتی ہیں راہیں چلنے لگتی ہیں بارش کی آواز کو سن کر سینے کے آنگن میں رکھے بوجھ کی ڈھیری ہولے ہولے گھٹتی ہے تو سانسیں ہلکی ہوجاتی ہیں رم جھم کی آواز میں جیسے سب آوازیں کھو جاتی ہیں بارش کی آواز کو سن کر جاگتی آنکھیں سپنوں کی دہلیز سے اپنے ریزہ ریزہ خواب اٹھائے اور انہیں ترتیب میں لانے لگتی ہیں مٹتی بنتی تصویریں، پھر دھیان میں آنے لگتی ہیں !بارش کی آواز کو سن کر ۔۔۔ امجد اسلام امجد ۔۔۔
Asma نے
6/12/2006 02:10:00 AM
پر پوسٹ کیا
0 تبصرہ جات
تم نے بھی کونسا چاہا تھا مجھے میری باتیں بھی غلط، میرے ارادے بھی غلط بے وفائی کا یہ خعد ساختہ بہتان بھی تسلیم مجھے یہ بھی مانا کہ غم دہرجواں تھا‘ تو غم جواں کو مری آنکھ کے آنسو نہ ملے جب زمانوں کی یہ بے مہر ہوائیں مری سوچوں کو جلا دیتی ہیں میں سوچتا ہوں جب غم دہر کی پلکیں تری جانب مری شدت کو گھٹا دیتی ہیں میں سوچتا ہوں جب کبھی اپنی جفائیں مجھے خود اپنی نگاہوں میں گرا دیتی ہیں میں سوچتا ہوں تم نے بھی کون سا چاہا تھا مجھے ۔۔۔ خالد شریف ۔۔۔
Asma نے
6/12/2006 02:10:00 AM
پر پوسٹ کیا
2 تبصرہ جات
Wednesday, June 07, 2006موت کی تلاش میں ابھی اور جینا ہے ,زندگی سے ابھی روح کشید کرنی ہے ! ابھی مجھے جینا ہے اسی جینے کی کشمکش میں مجھے پِھر مرنا ہے میں کون ہوں؟ راہِ زیست کی طلب کیا ہے؟ ابھی مجھے یہ جاننا ہے اور اس کے لئیے خوف کو آنسوؤوں سے مٹانا ہے ماضی کو مٹا کر اپنا کَل چمکانا ہے موت کی تلاش میں ابھی اور جینا ہے اسی جینے کی کشمکش میں !مجھے پِھر مرنا ہے اسماء translated "In search of death".
Talha Masood نے
6/07/2006 06:15:00 AM
پر پوسٹ کیا
0 تبصرہ جات
|
بیاض کیا ہے؟بیاض اردو شاعری اور ادب کا نچوڑ ہے اراکینِ بیاضبیاض میں شمولیت؟دیکھنے میں دشواری؟اردو کو بغیر دشواری کے دیکھنے کے لیے یہاں سے فونٹ حاصل کریں۔ گذشتہ تحریرات:خزینہ گم گشتہ:
بلاگ ڈیزائن: حنا امان |
|
|
© تمام حقوق بحق ناشران محفوظ ہیں 2005-2006 |
