Thursday, November 17, 2005

یہ آج اچانک کیا ہوا ہر نظارہ کیوں بدل گیا ہر سہارا کیوں بچھڑ گیا وہ ایک لمحہ ایسا تھا کہ سب کچھ ہی تو بکھر گیا اور وہ ایک لمحہ بس میری آنکھوں میں ہی ٹھہر گیا میں کیسے خوف سے بھاگا تھا میں دوڑا تھا کہ اپنی امی کی بانہوں میں، گود میں سمٹ جاؤں اور ہر خوف سے، دکھ سے اور درد سے نکل جاؤں پر گھر آیا تو نہ دَر تھا نہ دیوار تھی نہ اس میں رہنے والا کوئی مکیں تھا باقی ہاں بس حسرت و یاس و اداسی تھی باقی میں خوف کے مارے دبکا کھڑا تھا اور حیرت کا پتلا بنا ملبے میں اپنی امی کو تلاشتا تھا اور چیخ چیخ کے پکار رہا تھا امی جان، اب جان کہوں یا بے جان کہوں؟ امی جان کیا آپ ملبے کے اندر ہیں؟ امی مجھ کو ڈانٹ ہی دو پر مجھ کو تم آواز تو دو دیکھو مجھ کو ڈر لگتا ہے اے کاش، کہ یہ سب خواب سا ہو آنکھ کھولوں توگود ہو، بہنیں ہوں، اور آپکی پیاری باتیں ہوں پر ایسا کچھ بھی ہو نہ سکا اب اپنے ننھے ہاتھوں سے ملنے کو ہٹانا ہے اور اپنی امی جان کو شاید خود سے ہی اٹھانا ہے اور پھر اپنے ہی ہاتھوں سے انکو مٹی میں چھپانا ہے دیکھو پیاری امی جان میں چھوٹا سا ایک بچہ ہوں اور کام کر رہا ہوں بڑے بڑے ۔۔ عامر حسن ۔۔

Asma نے 11/17/2005 01:10:00 AM پر پوسٹ کیا