اردو بیاض

اردو بیاض - نئی جگہ

2007-01-21T00:51:00.000+05:00

السلام و علیکم کچھ دن قبل میں نے اردو بیاض کو ورڈ پریس پہ منتقل کر دیا ہے۔ سو آپ اب بیاض کو یہاں پائیں گے۔ والسلام مزید تفصیل کے لئیے آپ مجھے ای میل کرسکتے ہیں

ناممکن

2006-11-07T00:54:00.000+05:00

وہ کہہ رہی تھی کہ سب کچھ ہے ساعتِ موجود مناؤ شوق سے جو بھی خوشی میسر ہو وہ کہہ رہی تھی کہ ماضی کا غم بھلا ڈالو نہ لب پہ آہ نہ آنکھوں میں ‌اشک ہو وہ کہہ رہی تھی کہ کرو تم نہ فکرِ مستقبل فلک جو رنگ دکھائے گا دیکھا جائے گا وہ کہہ رہی تھی ۔۔۔ مگر میں عمل نہ کر پایا کہ میرا خاطرِ حساس میرے بس میں نہیں مجھے ہے ربطِ غمِ دوش و فکرِ فردا سے میں اپنا گزرا زمانہ بھلا نہیں سکتا !!!میں فکرِ فردا سے دامن چھڑا نہیں سکتا ۔۔۔ ظہور احمد فاتح ۔۔۔ عکس کے دشتِ تنہائی سے

فرض کرو

2006-11-02T01:06:00.000+05:00

فرض کرو ہم تارے ہوتے اک دوجے کو دور دور سے دیکھ دیکھ کر جلتے بجھتے اور پھر اک دن شاخِ فلک سے گرتے اور تاریک خلاؤں میں کھو جاتے دریا کے دو دھارے ہوتے اپنی اپنی موج میں بہتے اور سمندر تک اس اندھی، وحشی اور منہ زور مسافت کے جادو میں تنہا رہتے فرض کرو ہم بھور سمے کے پنچھی ہوتے اڑتے اڑتے اک دوجے کو چھوتے اور پھر کھلے گگن کی گہری اور بے وفا آنکھوں میں کھو جاتے ,اور باہر کے جھونکے ہوتے موسم کی اک بے نقش سے خواب میں ملتے ملتے اور جدا ہو جاتے خشک زمینوں کے ہاتھوں پر سبز لکیریں کندا کرتے اور ان دیکھے سپنے بوتے اپنے اپنے آنسو رو کر چین سے سوتے، !فرض کرو ہم جو کچھ اب ہیں وہ نہ ہوتے ۔۔۔ ۔۔۔ امجد اسلام امجد ۔۔۔ عکس کے دشتِ تنہائی سے

میری تیری نگاہ میں

2006-10-28T00:40:00.000+05:00

میری تیری نگاہ میں جو لاکھ انتظار ہیں جو میرے تیرے تن بدن میں لاکھ دل فگار ہیں جو میری تیری انگلیوں کی بے حسی سے سب قلم نزار ہیں جو میرے تیرے شہر کی ہر اک گلی میں میرے تیرے نقشِ پا کے بے نشاں مزار ہیں جو میری تیری رات کے ستارے زخم زخم ہیں جو میری تیری صبح کے گلاب چاک چاک ہیں یہ زخم سارے بے دوا یہ چاک سارے بے رفو کسی پہ راکھ چاند کی کسی پہ اوس کا لہو یہ ہے بھی یا نہیں ، بتا یہ ہے کہ محض جال ہے میرے تمھارے عنکبوتِ وہم کا بُنا ہوا جو ہے تو اسکا کیا کریں نہیں ہے تو بھی کیا کریں بتا، بتا بتا، بتا ۔۔۔ فیض احمد فیض ۔۔۔

قومی ترانہ

2006-10-09T13:03:00.000+05:00

پاک سرزمین شاد باد كشور حسين شاد باد تو نشان عزم عالی شان ارض پاکستان مرکز یقین شاد باد پاک سرزمین کا نظام قوت اخوت عوام قوم ، ملک ، سلطنت پائندہ تابندہ باد شاد باد منزل مراد پرچم ستارہ و ہلال رہبر ترقی و کمال ترجمان ماضی شان حال ! جان استقبال سایۂ خدائے ذوالجلال

ابھی دریا میں پانی ہے

2006-10-08T19:58:00.000+05:00

ابھی دریا میں پانی ہے فضائے بے یقینی کیوں اتر آئی ہے سانسوں میں ابھی تو اپنی مٹی میں نمو کا وصف زندہ ہے ابھی جھرنے سلامت ہیں ابھی دریا میں پانی ہے ابھی جھیلیں نہیں سوکھیں ابھی جنگل نہیں اجڑے فضاؤں میں ابھی تک بادلوں کا آنا جانا ہے ہواؤں میں نمی کا سلسلہ تادیر ہے قائم ابھی تک فصلِ گل کا دامن شاداب ہے باقی ابھی تک قطرہِ شبنم کی آب وتاب ہے باقی ہمارے نام کے دانے اگا کرتے ہیں کھیتوں میں ہماری سرزمیں کی پھول سے نسبت ابھی تک ہے ابھی تک تتلیاں پرواز کرتی ہیں گلستاں میں حرارت زندگی کی برف نے ابھی تک نہیں چھینی سلگتے مہر نے برسات کا موسم بنہیں چھینا ابھی صحراؤں کے عفریت سے محفوظ ہیں دریا ابھی نخلِ تمنا کی ہری شاخیں سلامت ہیں ابھی قدموں کے نیچے ماں صفت مٹی کی حدت ابھی جھرنے سلامت ہیں ابھی دریا میں پانی ہے ۔۔۔ رفیع الدین راز ۔۔۔

مارا جاؤں گا

2006-10-06T17:05:00.000+05:00

کہاں کسی کی قیامت میں مارا جاؤں گا میں کم شناس مروت ميں مارا جاؤں گا

میں مارا جاؤں گا پہلے کسی فسانے میں پر اس کے بعد حقیقت میں مارا جاؤں گا

مجھے بتایا ہوا ہے میری چھٹی حس نے میں اپنے عہدِ خلافت میں مارا جاؤں گا

میرا یہ خون میرے دشمنوں کے سر ہوگا میں دوستوں کی حراست ميں مارا جاؤں گا

یہاں کمان اٹھانا میری ضرورت ہے وگرنہ میں بھی شرافت میں مارا جاؤں گا

میں چپ رہا تو مجھے مار دے گا میرا ضمیر گواہی دی تو عدالت میں مارا جاؤں گا

فراغ میرے لۓ موت کی علامت ہے میں اپنی پہلی فراغت میں مارا جاؤں گا

نہیں مروں گا کسی جنگ میں یہ سوچ لیا میں اب کی بار محبت میں مارا جاؤں گا

رانا سعید دوشی، واہ کینٹ

میں اور میری آوارگی

2006-09-26T10:33:00.000+05:00

پھرتے ہیں کب سے دربدر، اب اس نگر اب اُس نگر اک دوسرے کے ہمسفر، میں اور میری آوارگی ناآشنا ہر رہگزر، نامہرباں ہر اک نظر جائیں تو اب جائیں کدھر، میں اور میری آوارگی ہم بھی کبھی آباد تھے ایسے ۔۔۔ کہاں برباد تھے بےفکر تھے، آزاد تھے، مسرور تھے، دلشاد تھے وہ چال ایسی چل گیا ہم بجھ گئے دل جل گیا نکلے جلا کے اپنا گھر، میں اور میری آوارگی جینا بہت آساں تھا، اک شخص کا احسان تھا ہم کو بھی اک ارمان تھا جو خواب کا سامان تھا اب خواب ہے نہ آرزو، ارمان ہے نہ جستجو یوں بھی چلو خوش ہیں مگر میں اور میری آوارگی وہ مہوش وہ ماہ رو، وہ ماہِ کامل ہوبہو تھیں جسکی باتیں کوبکو، اس سے عجب تھی گفتگو پھر یوں ہوا وہ کھو گئی تو مجھکو ضِد سی ہوگئی لائیں گے اسکو ڈھونڈ کر میں اور میری آوارگی یہ دل ہی تھا جو سہہ گیا وہ بات ایسی کہہ گیا کہنے کو پھر کیا رہ گیا، اشکوں کا دریا بہہ گیا جب کہہ کے وہ دلبر گیاترے لئیے میں مر گیا روتے ہیں اسکو رات بھر، میں اور میری آوارگی اب غم اٹھائیں کس کے لئیے، آنسو بہائیں کس کے لئیے یہ دل جلائیں کس کے لئیے، یوں جان گنوائیں کس کے لئیے پیشہ نہ ہو جسکا ستم، ڈھونڈیں گے اب ایسا صنم ہوں گے کہیں تو کارگر، میں اور میری آوارگی آثار ہیں سب کھوٹ کے، امکان ہیں سب چھوٹ کے گھر بند ہیں سب گھٹ کے، اب ختم ہیں سب ٹوٹ کے قسمت کا سب یہ پھیر ہے، اندھیر ہے اندھیر ہے ایسے ہوئے ہیں بےآثار، میں اور میری آوارگی جب ہمدم و ہمراز تھا تب اور ہی انداز تھا، اب سوز ہے تب سازتھا، اب شرم ہے تب ناز تھا اب مجھ سے ہو تو ہو بھی کیا، ساتھ ہو وہ تو وہ بھی کیا اک بے ہنر، اک بےثمر، میں اور میری آوارگی ۔۔۔ جاوید اختر ۔۔۔ عکس کے بلاگ سے

ٹیلی گرام -از جوگندر پال

2006-09-19T19:31:00.000+05:00

پچھلے بارہ برس سے شیام بابوتار گھر میں کام کررہا ہے ، لیکن ابھی تک یہ بات اس کی سمجھ میں نہیں آئی کہ یہ بے حساب الفاظ برقی تاروں میں اپنی اپنی پوزیشن میں جوں کے توں کیوں کربھاگتے رہتے ہیں ، کبھی بدحواس ہوکرٹکر کیوں نہیں جاتے ؟ ٹکراجائیں تو لاکھوں کروڑوں ٹکراتے ہی دم توڑدیں اورباقی کے لاکھوں کروڑوں کی قطاریں ٹوٹ جائیں تو وہ اپنی سمجھ بوجھ سے نئے رشتوں میں منسلک ہوکرکچھ اس حالت میں ری سیونگ سٹیشنوں پر پہنچیں ” بیٹے نے ماں کو جنم دیا ہے سٹاپ مبارک یاد !“یا”چوروں نے قانون کو گرفتار کرلیا ہے ۔“ یا ” افسوس کہ زندہ بچہ پیدا ہوا ہے ۔“یا ........ہاں اس میں کیا مضائقہ ہے ؟ ........شیام بابو مشین کی طرح بے لاگ ہوکر میکانکی انداز میں برقی پیغامات کے کوڈ کو رومن حروف میں لکھتا جارہا ہے لیکن اس مشین کے اندر ہی اندر ان بوکھلائی ہوئی انسانی سوچوں کا تالاب بھر رہا ہے ........کیا مضائقہ ہے ؟ جیسی زندگی ، ویسے پیغام ........” کرتا ہوں سٹاپ کشور “ اس نے کسی کشور کے تار کے کوڈ ے آخری الفاظ کاغذ پر اتار لئے ہیں اوروہ اس بات سے برآمد ہوتے ہوئے ایک ایک لفظ کوقلم بند کرتا جائے ۔ سوچنا سمجھنا اس کا کام ہے جس کے نام پیغام موصول ہوا جو ........دھیرج !.... دھیرج کو کوئی پکارے تو آواز کو تو سارا ہجوم سن لیتا ہے لیکن صرف دھیرج ہی مڑ کردیکھتا ہے کہ کیا ہے ........خلاف معمول نہ معلوم کیا سوچ کر شیام بابوتار کا مضمون پڑھنے لگا ہے ........”شادی روک لو سٹاپ میں تم سے بے انتہا محبت کرتا ہوں سٹاپ کشور “ وہ ہنس پڑا ہے ........و دوسرے ہنگامے میں ۔ بے چارہ تھوڑی سی محبت کرکے باقی محبت کرنا بھول گیا ہوگا ، مگر اب کوئی راہ نہیں سوجھ رہی ہے تو باقی سب کچھ چھوڑ چھاڑکر محبت ہی محبت کئے جانے کا اعلان کررہا ہے ۔محبت ہی محبت کرنے سے کیا ہوتا ہے بے بی ؟طلاق ، ڈارلنگ !طلاق ہوجائے مگر محبت قائم رہے ۔اور۔!........شیام بابو ای اور تار کا یہ مضمون پڑھنے لگا ہے ........میں آپ کو موت کی خبر پاکرمجھے بے حد دکھ ہوا ہے ........شیام بابو پھرہنس دیا ہے ۔ میں آپ کو یقین دلاتا ہوں ، اپنے باپ کی موت پر مجھے اتنا افسوس ہوا ہے کہ لفظوں میں بیان نہیں کرسکتا ۔تو کیوں کررہے ہو بھائی ؟تاکہ میرا رونا نکل آئے ۔ آئیے ،آپ بھی میرے ساتھ روئیے ۔سمجھ میں نہیںآرہا ہے کہ بندروں کو چپ کیسے کرایا جائے ۔ سب کے سب روتے ہی چلے جارہے ہیں ۔ارے بھائی ،کیوں رو رہے ہو ؟مجھے کیا پتہ ؟ اس سے پوچھو ۔تم ہی بتا دوبھائی ، کیوں رو رہے ہو ؟مجھے کیا پتہ ؟ اس سے پوچھو ۔تم ............؟مجھے کیا پتہ ؟تم تو آخری بندر ہو بھائی ....بتاؤ ، کیوں رو رہے ہو ؟۔ بس یوں ہی سوچا کہ ذرافرصت میسر آئی ہے تو ایک بارجی جان سے رولوں ۔ میرا ایک کام کیجئے ۔ آپ کو زحمت تو ہوگی ، مگر میرے رونے کو کسی تگڑی سی الم ناک خبر میں پیش کرنے کے لئے ایک ارجنٹ ٹیلی گرام کا ڈرافٹ تیار کردیجئے لکھئے ........میری ماں مرگئی ہے ........ٹھہرئیے ، وہ تو غریب اسی روز مرگئی تھی جب بیوہ ہوئی تھی اس دن سے ہم نے اس کی طرف دھیان ہی نہیں دیا ........لکھئے ، میرا بھائی مرگیا ہے ........ہاں ، یہی لکھئے ........مگر نہیں ، سب کو معلوم ہے کہ ہماری آپس میں بالکل نہیں نبتی ........میری بہن ........نہیں ،وہ تو پہلے ہی مرچکی ہے ........میں ........ارے ہاں ! یہی لکھئے ،میں ہی مرگیا ہوں ۔ مجھے سب کو فوری طورپر خبر کرنا ہے کہ میں ہی مرگیا ہوں ۔مبارک باد پیش کرتا ہوں سٹاپ ........شیام بابو کے خود کار قلم نے جلدی جلدی لکھا اوروہ اپنی تحریری سے بے خبر سا سوچ رہا ہے ، مجھے دیکھ کرکون کہہ سکتا ہے کہ میں زندہ ہوں ۔ میں زندہ ہوں تو یہ میز بھی زندہ ہے جس پرجھک کر میں اپنا کام کئے جارہا ہوں ۔ چونکہ یہ میز کھائے پئے سوئے بغیر زندہ رہ سکتی ہے ۔ اس لئے اس کی ڈیوٹی یہ ہے کہ ہمارے دفتر کے اس کمرے میں چوبیس گھنٹے خدمت بجا لانے کے لئے اپنی چاروں ٹانگوں پر کھڑی رہے ، اورمجھے چونکہ اپنی مشین کی ٹک ٹک کو بھی چلائے رکھنا ہوتا ہے اس لئے میرے لئے یہ آرڈر ہے کہ آٹھ گھنٹے یہاں ڈٹ کرکام کرو او ر باقی وقت میں اپنی مشین کی دیکھ بھال کے سارے دھندے سنبھالو ........ہاں ، یہی تو ہے ۔ میں جیتا کہاں ہوں ؟ دفتر میں تو صرف پروڈیکشن کا کام ہے ۔ مشین چلنا بند ہوجائے تو پروڈیکشن پر برا اثڑ پڑے گا ۔ اس لئے سارے دفتری ٹائم میں تو مشین یہاں چلتی رہتی ہے اوراس کے بعد مجھے ہر روز ساری مشین کو کھول کرصاف کرنا پڑتا ہے ، اس کی آئیلنگ گریزنگ کرنا پڑتی ہے ،اس کے ایک ایک ڈھیلے پرزے کو کسنا پڑتا ہے ........اور یہ سارا کام بھی مجھے اکیلے ہی انجام دینا ہوتا ہے ۔پچھلے ساڑھے سات برس سے،جب سے شیا م بابو کی شادی ہوئی ہے ،اس کی بیوی وہیں اپنے ماں باپ کے گاؤں میںان ہی کے ساتھ رہ رہی ہے ۔ شادی کے موقع پر وہ اس کی ڈولی اٹھواکر گاؤں سے باہر تولے آیاے ، لیکن پھر جب سمجھ میں نہ آیا کہ اسے کہاں لے جائے تو ڈولی کا مونسہ واپس گاؤں کی طرف مڑوالیا ........یہ تم نے بہت اچھا کیا بیٹا ........اس کی ساس نے کہا تھا ........کہ ایک بارہماری بیٹی کو گاؤں سے باہر لے گئے ۔ کم سے کم رسم تو پوری ہوگئی ۔ اب چاہو تو بے شک ساری عمر یہیں رہے ۔ یہ گھر بھی تو اسی کا ہے ........لیکن اس کا کوئی اپنا گھر کیوں نہیں جہاں اسے وہ لے آتا تو اس میں بوئی ہوئی انسانیت کی آبیاری ہوتی رہتی ۔شروع شروع میں تو شیام با بو کی بے چینی کا یہ عالم تھا کہ سوتے میں بھی بیوی کے گاؤں کا رخ کئے ہوتا ........تم گھبراؤ نہیں سنیہ دتی ۔ میں دن رات کرائے پر کوئی اچھا سا کمرہ لینے کی مہم میں جٹا ہوا ہوں ۔ جیسے ہی کوئی مل گیا ، تمہیںاسی دم یہاں لے آؤں گا ........مگر برا ہو اس بڑے شہر کا ،جو اپنے چھوٹے دل میں ایک کے اوپر ایک کئی کمرے بنائے ہوئے ہے مگر اتنی اونچائی پررہائش کے کرائے کے خیال سے اسے یہاں رہنے کی بجائے یہاں سے لڑھک کر خود کشی جءسوجھتی ہے ۔ پورے ساڑھے سات برس اسی طرح گزر گئے ہیں ۔ وہ میاں اور بیوی ساڑھے پانچ سو میں کے فاصلے پر وہاں ۔شیام بابو میں کم تین سو پینسٹھ دن تک اپنی بیس دن کی ارنڈ لیو کا انتظار کرتا رہتا اور وقت آنے پر گاڑیوں ، بسوں اور تانگوں کو بدل بدل کر وہ گویا اپنے دو پیروں سے سرپٹ بھاگتے ہوئے وہاں جا پہنچتا اوراس کی خواہش اتنی شدید ہوتی کہ اپنی تیار بیٹھ ہوئی بیوی پروہ بے اختیار کسی درندے کی طرح ٹوٹ پڑتا ۔ ایک ........دو ............تین سال تک تو وہ ہرسال گیا ، لیکن چوتھے سال عین چھٹی کے دنوں میں وہ بیمار ہوگیا ، پھر پانچویں سال جوجانا ہوا تو اس کے بعد ڈھائی سال میں ایک بار بھی نہیں جاسکا ۔ جو پیسے وہاں جانے میں ضائع ہوں گے ۔ان میں سے آدھے بھی منی آرڈر کرادوں گا تو بیسیوں کام نکال لے گی ........ہاں ، اس کا ایک دو سالہ لڑکا بھی ہے جس کے بارے میں اس کی بیوی نے اسے لکھاتھا کہ وہ اسے اپنی پانچویں سال کی چھٹی پر اس کی کوکھ میں ڈال آیا تھا ؒ۔ لیکن شیام بابو اپنا حساب کتاب کرکے اس نتیجے پر پہنچا تھا کہ اس کا بیٹا اس کا بیٹا نہیں ۔ شاید اسی وجہ سے ڈھائی سال کے اس عرصے میں وہ ایک بار بھی اس کے پاس نہیں گیا تھا ۔ لیکناس سلسلے میں اس نے بیوی کو کبھی کچھ نہیں لکھا ہے ........جوہے سو ٹھیک ہے ........وہ بھی کیا کرے ؟ اور میں بھی کیا کروں؟........کبھی اچھے دن آگئے تو سب اپنے آپ ٹھیک ہوجائے گا۔ اسے اور اس کے ........ہمارے بچے کو ........اس کا ہوا تو ہم دونوں کا ہی ہوا ........یہیں اپنے پاس لے آؤں گا ........اور پھر ہم چین سے رہیں گے ، بڑے چین سے رہیں گے ۔اس کے دفتر کا کوئی ساتھی اس کا کندھا جھٹک رہا ہے ۔ مشین میں شاید کوئی نقص پیدا ہوگیا ہے اور وہ رکی پڑی ہے ........شیام بابو!آں ............ں!........شیام بابو نے ہڑبڑا کر اپنی آنکھیں کھول لی ہیں ۔طبیعت خراب ہے تو گھرچلے جاؤ۔کون سا گھر؟ نہیں ٹھیک ہوں ، یوں ہی ذرا اونگھنے لگا تھا ........ٹک ٹک ........ٹک ........ٹک !میشن پھر چلنے لگی ہے ۔تمہارے لئے پانی منگواؤں ؟ارے بھائی ،کہہ دیا نا ، ٹھیک ہوں ۔اس کے ساتھی نے تعجب سے اس کے کام پر جھکے ہوئے سر کی طرف دیکھا ہے اور اپنے کام میں الجھ گیا ہے ۔شیام بابو کو اپنا جی اچانک بھر ابھراسا لگنے لگا ہے ۔ عام طور پر تو یہی ہوتا ہے کہ اسے اپنی خوشی کی خبر ہوتی ہے نہ اداسی کی ۔ اسے بس جو بھی ہوتا ہے بے خبری میں ہی ہوتا ہے ۔ اے معلوم ہی نہیں ہوتا کہ وہ کیا کررہا ہے اور یوں ہی سب کچھ بخوبی ہوتا چلا جاتا ہے ۔ وہ بے خبر سا اپنے آپ دفتر میں آپہنچتا ہے اور اسی حالت میں سارے دن قلم چلا چلا کر اپنے ٹھکانے پر لوٹ آتا ہے اورپھر دوسرے دن صبح کو عین ویسے کا ویسا ڈیوٹی پرآبیٹھتا ہے ۔ یعنی معلوم ہی نہیں ہوتا کہ وہ کون ہے ، کیوں ہے ، کیا ہے ؟ ............ کوئی ہو تو معلوم بھی ہو ........اس دن تو حد ہوگئی : وہ یہاں اپنی سیٹ پر بیٹھا ہے اور اس کا باس یہاں اس کے قریب ہی کھڑا پوچھ رہا ہے ، بھئی ، شیام بابو آج کہاں ہے ؟شیام بابو ........شیام بابو!........ شیام بابو یقینی طورپر اس کی آواز سن رہا ہے ، مگر سن رہا ہے تو فوراً ، جواب کیوںنہیں ہیں دیتا ........۔ س سر!........ایسے بھولے بھٹکے چہرے شاید ہماری آنکھوں میں ٹھہرنے کی بجائے روحوں میں لڑھک جاتے ہیں ۔ ان سے مخاطب ہونا ہو تو اپنے ہی اندر ہولو ، پنی ہی تھوڑی سے جان سے انہیں زندہ کرلو، ورنہ یہ تو جیسے ہیں ویسے ہی ہیں ۔گوشت کو رگوں میں خون دوڑنے کی اطلاع ملتی رہے تو یہ زندہ رہتا ہے ، ورنہ بے خبری میں مٹی ہوجاتا ہے ۔ جب شیام بابو کی اپنی زندگی بے پیغام ہے تو اسے کیسے محسوس ہوکہ ٹیلی گراموں کے ٹیکسٹ برقی کوڈ کی اوٹ میں کھلکھلا کر ہنس رہے ہیں ، یادھاڑیں مار مارکررو رہے ہیں ف، یا تجتس سے اکڑے پڑے ہیں ۔ سوکھی مٹی کے دل پر آپ کچھ بھی لکھ دیجئے ، اے اس سے کیا ؟ شیام بابو کو اسے سے کیا ، کہ کوئی کسے کیا پیغام بھیج رہا ہے ؟ اس کی قسمت میں تو کسی کا پیغام نہیں ، محبت کا یانفرت ، خوشی یا غم کا ........اسے کیا ؟ ................ٹیلی گراموں کے گرم گرم ٹیکسٹ کا کوڈ اس کے ٹھنڈے قلم سولی سے لٹک کر سپاٹ سی صورت لئے کاغذ پر ڈھیر ہوتا رہتا ہے ........یہ لو ، الفاظ تو نرے الفاظ ہیں ،بس الفاظ ہیں ، الفاظ کیوں ہنسیں یا روئیں گے ؟ ان کو پڑھ کے ہنسو ، روؤ، یا جو بھی کرو ، تم ہی کرو ............یہ لو !لیکن اس وقت یہ ہے کہ شیام بابو کو اپنا جی یک بارگی بہت بھرا بھرا لگنے لگا ہے ۔ سوچوں کا تالاب شاید بھر بھر کے اس کے دل تک آپہنچا ہے اور وہ انجانے میں تیرنے لگا ہے اور سوکھی مٹی میں جان پڑنے لگی ہے ۔............سٹاپ میں بدیس سے لوٹ آیا ہوں سٹاپ ........اور عین اس وقت صاحب کے چپراسی نے اس کی آنکھوں کے نیچے ہیڈ آفس کا ایک لیٹر رکھ دیا ہے ۔ اس نے لیٹر پر نظر ڈالی ہے اور پھر چونک کر خوشی سے کانپتے ہوئے اسے دوبارہ پرھنے لگا ہے ۔ اسے سرکاری طور پر اطلاع دی گئی ہے کہ تمہارے نام دو کمروں کا کوارٹر منظور ہوگیا ہے !کیدار بابو ........جمیل........کشن !........ادھر دیکھو دوستو ۔ دیکھو ، میرا کیا لیٹر آیا ہے ؟کیا کیا ہے؟ میرا کوارٹر منظور ہوگیا ہے !تو کیا ہوا ؟........بائیں ، کیا کہا ................کوارٹر منظور ہوگیا ہے ؟!ہاں !بہت اچھا !........بہت اچھا ! سب کے لئے چائے ہوجائے شیام بابو !ارے چائے ہی کیاع ، کچھ ادھارے دے سکتے ہوتو جو چاہو منگوالو۔ہاں ، تم فکر نہ کرو۔ میں سارا بندوبست کئے دیتا ہوں ........یہ تو بہت ہی اچھا ہوگیا شیا م بابو!........رامو........ادھر آؤ رامو، جاؤ ہوٹل والے کو بلالاؤ ........جاؤ........اب بھابی کو کب لارہے ہو شیام بابو؟آج چھٹی کی درخواست دے کرہی جاؤں گا کیدار بابو! ........شیا م بابو قصور میں اپنے کوارٹر میں بیٹھا کھانا کھا رہا ہے اور اس کے کندھوں پر اس کا لڑکا کھیل رہا ہے ........کیا نام ہے اس کا ؟........دیکھو ناع ، دماغ پر زورڈالے بغیر اپنے اکلوتے بچے کا ............اپنا ہی تو ہے ............نام بھی یاد نہیں آتا ۔ کوئی بات نہیں شکر اور دودھ کھلتے ملتے ہی گاڑھے اور میٹھے ہوجاتے ہیں ............اری سن رہی ہو بھلی لوگ ؟اگلی چپاتی کب بھیجوگی ؟ دفتر کے لئے دیر ہورہی ہے ۔لو ، شیام بابو ، ہوٹل والا توآگیا ہے ........بس ایک ایک چاٹ ، ایک ایک گلاب جامن اور کیا؟ ایک ایک سموسہ ........چلے گا ناشیا م بابو؟........ لکھو ہمارا آرڈر بھائی پر نانند!شیا م بابو کو پتہ ہی نہیں چلا ہے کہ دفتر میں باقی سارا وقت کیسے بیت گیا ہے ۔ وہاں سے اٹھنے سے پہلے اسنے سب ساتھیوں سے وعدہ کیا ہے کہ کل سویرے وہ ان سب کو ان کی بھابی کی تصویر دکھائے گا ۔اتنی بھولی ہے کہ ڈرتا ہوں اس شہر میں کیسے رہے گی ۔ڈرومت شیام بابو۔ بھابی کو لانا ہے تو اب شیربیر بن جاؤ ۔دفتر سے نکل کر تیز تیز قدم اٹھائے ہوئے شیام بابو چوراہے پر آگیا ہے اور پان اور سگریٹ لینے کے لئے رک گیا ہے ........ اور پھر تمباکو والے پان کا لعاب حلق سے اتارتے ہوئے نتھنوں سے سگریٹ کا دھواں بکھیرتے ہوئے ہلکی ہلکی سردی میں حدت محسوس کرتے وہ بڑے اطمینان سے اپنے رہائش کے اڈے کی طرف ہولیا ........ایک چھوٹی سی کھولی جس میں مشکل سے ایک چارپائی آتی ہے ۔ ابھی پچھلے ہی مہینے خان سیٹھ نے اسے دھمکی دی تھی بھاڑے کے دس روپے بڑھاؤ ، نہیں تو چلتے بنو ........ہاں !چوہے کے اس بل کا کرایہ پہلے ہی پچاس روپے وصول کرتے ہو خان سیٹھ ۔ اپنے خدا سے ڈرو !لیکن خان سیٹھ نے اپنے خدا کو ڈرانے کے لئے ایک بھیانک قہقہہ لگایا ........بلی شریف نہ ہوتی بابو ، تو بولو ، کیا ہوجاتا ؟ ........ ساٹھ روپے ، نہیں توخالی کرو ............ہاں !اسی مہینے خالی کردوں گا اور سیٹھ سے کہوں گا ، لو سنبھالو اپنی کھولی خان سیٹھ ۔ تمہاری قبر کی پورے سائز کی ہے ........ لو!........نہیں جھگڑے وگرے کا کیا فائدہ ؟ چپکے سے اس کی کھولی اس کے حوالے کرکے اپنی راہ لوں گا ۔بس سٹاپ آگیا ہے اور بس بھی کھڑی ہے ، لیکن بہت بھری ہوئی ہے ۔ شیام بابو نے فیصلہ کرلیا ہے کہ وہ پیدل ہی جائے گا ۔ یہاں سے تھوڑ ہی فاصلہ تو ہے ........ اس کا سگریٹ جل جل کر انگلیوں تک آپہنچا ہے ، لیکن ابھی اس کی خواہش نہیں مٹی ہے ۔اس نے ہاتھ کا ٹکڑا پھینک کر ایک اورسگریٹ سلگالیا ہے ............ساوتری کو میری سگریٹ پینا بالکل پسند نہیں ........ پیسے بھی جلاتے ہو اور پھیپھڑے بھی ۔ اس سے تو اچھا ہے میرا ہی ایک سرا جلا کر دوسرے کو ہونٹوں میں دبالو اور دھواں چھوڑتے جاؤ ! میرا مزہ کیا سگریٹ سے کم ہے ؟ ........اری بھلی لوگ ، ایک تمہارا ہی مزہ تو ہے ۔ سگریٹ و گریٹ کی لت کو گولی مارو ........آؤ!........اس نے خیال ہی خیال میںبیوی کو سینے سے لگالیا ہے۔ اور مخالف سمت سے آتی ہوئی ایک عورت سے ٹکرا گیا ہے ، گویااس کی ساوتری نے اس سے الگ ہونے کے لئے اپنے آپ کو جھٹکا ہو........ارے ! اس نے اندھے پن میں اپنا ہاتھ اس عورت کی طرف پھیلا دیا ہے ........ایڈی اٹ ! وہ عورت غصے سے پھنکارتی ہوئی آگے بڑھ گئی ہے ........ اور شیام بابو شرمنڈہ ہوجانے کے باوجود خوش خوش ہے اور عورت کی پیٹھ کی طرف مونہہ لٹکا کر اس نے بہ آواز بلند کہا ہے ۔ آئی ایم ساری میڈم ۔ لیکن اس عورت کی پھنکار پھر اس کے بند کانوں کے باہرٹکرائی ہے ۔ ایڈ اٹ !شیام بابو اپنے ذہن کو جھاڑ رہا ہے اور اڑتی ہوئی گرد میں اس کی بیوی زور زو ر سے ہنس رہی ہے ............اور ٹکراؤ پرائی عورتوں سے ! ایک میں ہوں جو بلا روک ٹوک ساری دراز دستیاں سہہ لیتی ہوں ۔ میں اور کی طرف ذرا نظر اٹھا کر دیکھوں ........کسی اور کی طرف ذرا نظر اٹھا کر تو دیکھوں............کسی اور کی طرف دیکھنے کی مجھے ضرورت ہی کیا ہئے ؟ میرے لئے تو بس جو بھی ہو تم ہو ........شیام بابو نے اپنے آپ کو ڈانٹ کر کہا ہے ........نیں ، تم نے اپنی بیوی کے ماتھے پرخواہ مخواہ کلنک کا ٹیکہ لگارکھا ہے ۔ تمہارا بچہ تمہارا ہی ہے........ اور اگر مان بھی لیں کہ وہ تمہارا نہیں ، تو اس میں ساوتری کا کیا دوش ؟اس کا ساراسال تمہاری ارنڈلیو کے دس بیس روز کاتو نہیں ........چل سب ٹھیک ہے ، میرا بچہ میرا ہی ہے ........ہمارے نیٹو کی آنکھیں کی طرح چھوٹی چھوٹی ہیں ۔ ماتھ مجھ پرگیا ہے ، مگر ناک ............میں بھی کیسا باپ ہوں کہ دو سال اوپر کاہولیا ہے مگر میں نے ابھی تک اسے ایک بار بھی نہیں دیکھا ۔ پچھلے سال مجھے ایک چکر کاٹ آنا چاہیے تھا ........آج چھٹی کی درخواست دینا بھی بھول گیا ہوں ۔ اب کل پہلا کام یہی کروں گا اور اس ہفتے کے آخر میں یہاں سے نکل جاؤں گا ............ساوتری کو چٹھی بھی نہ لکھوں گا اوراچانک اس کے سامنے جاکھڑاہوں گا ............ساوتری !............اوروہ آنکھیں مل جل کر میری طرف دیکھتی رہ جائے گی ............ساوتری ............وہ رودے گی ............یہ مجھے کس کی آواز سنائی دی ہے ............ہائے اب تو اٹھتے بیٹھتے تمہاری ہی صورت دکھائی دیتی ہے نیٹو کے بابو ۔ اب تو آجاؤ !............میں آگے بڑھ کر اسے گلے لگا لوں گا اور وہ میرے بازوؤں میں بے ہوش ہوجائے گی ۔ ساوتری ! ............ ساتری !............اپنی کھولی کے سامنے پہنچ کر اس نے بے اختیار اپنی بیوی کا نام پکارا ہے ۔ لیکن وہاں اس کے تارگھرکے رامونے آگے بڑھ کر اسے جواب دیا ہے ........بابوجی ؟ارے رامو، تم !کیسے آئے ؟............شیام بابو اپنے حواس درست کررہا ہے ۔باجوجی !........رامو کی آواز بھاری ہے اوروہ بولتے ہوئے تامل برت رہا ہے ۔اتنے اکھڑے اکھڑے کیوں ہو؟........بولونا!آپ کا تار لایا ہوں ۔میرا تار ؟ہاں بابوجی ، یہ تار آپ کے ہاتھ سے ہی لکھا ہوا ہے ، مگر آپ کا دھیان ہی نہیں کیا کہ آپ کا ہے ۔تار کا لفافہ ایک طرف سے کھلا ہے لیکن شیام بابو اسے دوسری طرف سے چاک کر رہا ہے ۔ڈسپیچ والے کشن سنگھ کو بھی خیال نہ آیا شیام بابو ، کہ یہ تار آپ کا ہے ۔ شیام بابو نے تار کا فارم کھول کر دونوں ہاتھوں سے اپنی آنکھوں کے سامنے فٹ کرلیا ہے ۔مجھے بھی آدھا راستہ طے کرکے اچانک خیال آیا بابوجی ، ارے ، یہ تار تو اپنے بابوجی کا ہے ............میں اسے پڑھ چکا ہوں : بہت افسوس ہے کہ ................ساوتری نے خودکشی کرلی ہے سٹاپ ............۔

چاند چہرہ ستارہ آنکھیں

2006-09-19T02:29:00.000+05:00

مرے خدایا! میں زندگی کے عذاب لکھوں کہ خواب لکھوں یہ میرا چہرہ، یہ میری آنکھیں بجھے ہوئے چراغ جیسے جو پھر سے جلنے کے منتظِر ہوں وہ چاند چہرہ ستارہ آنکھیں وہ مہرباں سایہ دار زلفیں جنھوں نے پیماں کئیے تھے مجھ سے رفاقتوں کے، محبتوں کے کہا تھا مجھ سے کہ اے مسافر رہِ وفا کے جہاں بھی جائیگا ہم بھی آئیں گے ساتھ تیرے بنیں گے راتوں میں چاند ہم تو دن میں سائے بکھیر دیں گے وہ چاند چہرہ ستارہ آنکھیں وہ مہرباں سایہ دار زلفیں وہ اپنے پیماں رفاقتوں کے محبتوں کے شکست کرکے نہ جانے اب کس کی رہ گزر کا منارہءِ روشنی ہوئے ہیں مگر مسافر کو کیا خبر ہے وہ چاند چہرا تو بجھ گیا ہے ستارہ آنکھیں تو سو گئی ہیں وہ زلفیں بے سایہ ہوگئی ہیں وہ سوشنی اور وہ سائے مری عطا تھے سو مری راہوں میں آج بھی ہیں کہ میں مسافر رہِ وفا ہوں وہ چاند چہرہ ستارہ آنکھیں وہ مہرباں سایہ دار زلفیں ہزاروں چہروں ہزاروں آنکھوں ہزاروں الفوں کا اک سیلابِ تند لے کر مرے تعاقب میں آرہے ہیں ہر ایک چہرہ ہے چاند چہرہ ہیں ساری آنکھیں ستارہ آنکھیں تمام ہیں مہرباں سایہ دار زلفیں میں کس کو چاہوں ، کس کو چوموں میں کس کے سائے میں بیٹھ جاؤں بچُوں کہ طوفاں میں ڈوب جاؤں کہ میرا چہرہ، نہ مری آنکھیں مرے خدایا! میں زندگی کے عذاب لکھوں کہ خواب لکھوں ۔۔۔ عبید اللہ علیم ۔۔۔ ١٩٦٦ء ۔۔۔

اتنی مدت بعد ملے ہو

2006-09-14T02:22:00.000+05:00

اتنی مدت بعد ملے ہو کن سوچوں میں گم پھرتے ہو؟ اتنے خائف کیوں رہتے ہو؟ ہر آہٹ سے ڈر جاتے ہو تیز ہوا نے مجھ سے پوچھا ریت پہ کیا لکھتے رہتے ہو؟ کاش کوئی ہم سے بھی پوچھے رات گئے تک کیوں جاگے ہو؟ میں دریا سے بھی ڈرتا ہوں تم دریا سے بھی گہرے ہو! کون سی بات ہے تم میں ایسی اتنے اچھے کیوں لگتے ہو؟ پیچھے مڑ کو کیوں دیکھا تھا پتھر بن کر کیا تکتے ہو؟ جاؤ جیت کا جشن مناؤ میں جھوٹا ہوں ، تم سچے ہو! اپنے شہر کے سب لوگوں سے میری خاطر کیوں الجھے ہو؟ کہنے کو رہتے ہو دل میں پھر بھی کتنے دور کھڑے ہو رات ہمیں کچھ یاد نہیں تھا رات بہت ہی یاد آئے ہو! ہم سے نہ پوچھو ہجر کے قصے اپنی کہو اب تم کیسے ہو؟ محسن تم بدنام بہت ہو جیسے ہو، پھر بھی اچھے ہو ۔۔۔ محسن نقوی ۔۔۔

اس طرح تو ٹوٹ کے بادل کبھی برسا نہ تھا

2006-09-12T13:01:00.000+05:00

وقت نے کیسے چٹانوں میں دراڑیں ڈال دیں رو دیا وہ بھی کہ جو پہلے کبھی رویا نہ تھا پیار کے اک بول نے آنکھوں میں ساون بھر دئیے اس طرح تو ٹوٹ کے بادل کبھی برسا نہ تھا جانے کیوں دل سے مرے اسکی کسک جاتی نہیں بات گو چھوٹی سی تھی اور وار بھی گہرا نہ تھا موسمِ گل میں تھا جس ٹہنی پہ پھولوں کا حصار جب خزاں آئی تو اس پہ ایک بھی پتا نہ تھا ۔۔۔ امتہ القدوس بیگم ۔۔۔

ہے دعا یاد مگر حرفِ دعا یاد نہیں

2006-09-11T01:20:00.000+05:00

ہے دعا یاد مگر حرفِ دعا یاد نہیں میرے نغمات کو اندازِ دعا یاد نہیں ہم نے جن کے لئیے راہوں میں بچھایا تھا لہو ہم سے کہتے ہیں وہی، عہدِ وفا یاد نہیں زندگی جبرِ مسلسل کی طرح کاٹی ہے جانے کس جرم کی پائی ہے سزا، یاد نہیں میں نے پلکوں سے درِ یار پہ دستک دی ہے میں وہ سائل ہوں جسے کوئی صدا یاد نہیں کیسے بھر آئیں سرِ شام کسی کی آنکھیں کیسے تھرائی چراغوں کی ضیاء یاد نہیں صرف دھندلاتے ستارے کی چمک دیکھی ہے کب ہوا، کون ہوا، مجھ سے جدا، یاد نہیں آؤ اک سجدہ کریں عالمِ مدہوشی میں لوگ کہتے ہیں کہ ساغر کو خدا یاد نہیں ۔۔۔ ساغر صدیقی ۔۔۔

کوئي زنجير ہو۔۔۔۔

2006-09-08T16:17:00.000+05:00

کوئي زنجير آہن کي چاندي کي روايت کي محبت توڑ سکتي ہے يہ ايسي ڈھال ہے جس پر زمانے کي کسي تلوار کا لوہا نہيں چلتا يہ ايسا شہر ہے جس ميں کسي آمر کسي سلطان کا سکہ نہيں چلتا اگر چشم تماشا ميں ذرا سي بھي ملاوٹ ہو يہ آئينہ نہيں چلتا يہ ايسي آگ ہے جس ميں بدن شعلون ميں جلتے ہيں تو روہيں مسکراتي ہيں يہ وہ سيلاب ہے جس کو دلوں کي بستياں آواز دے کر خود بلاتي ہيں يہ جب چاہے کسي بھي خواب کو تعبير مل جائے جو منظر بجھ چکے ہيں انکو بھي تنورير مل جائے دعا جو بے ٹھکانہ تھي اسے تاثير مل جائے کسي رستے ميں رستہ پوچھتي تقدير مل جائے محبت روک سکتي ہے سمے کے تيز دھارے کو کسي جلتے شرارے کو، فنا کے استعارے کو محبت روک سکتي ہے کسي گرتے ستارے کو يہ چکنا چور آئينے کے ريزے جوڑ سکتي ہے جدھر چاھے يہ باگيں موسموں کي موڑسکتي ہے کوئي زنجير ہو اس کو محبت توڑ سکتي ہے امجد اسلام امجد

۔۔ ماں کے نام ۔۔

2006-09-06T15:22:00.000+05:00

یہ کامیابیاں، یہ عزت، یہ نام تم سے ہے خدا نے جو بھی دیا ہے، مقام تم سے ہے تمہارے دم سے ہے مرے لہو میں خلعتِ گلاب مرے وجود کا سارا انتظام تم سے ہے کہاں بساطِ جاں اور میں کم سن و ناداں یہ میری جیت کا سب اہتمام تم سے ہے جہاں جہاں ہے میری دشمنی سبب میں ہوں جہاں جہاں ہے میرا احترام، تم سے ہے اپنی ماں کے نام ۔۔۔!

ياد

2006-09-05T15:28:00.000+05:00

اس موسم ميں جتنے پھول کھليں گے ان ميں تيري ياد کي خوشبو ہر سو روشن ہوگي پتہ پتہ بھولے بسرے رنگوں کي تصوير بناتا گزرے گا اک ياد جگاتا گزرے گا اس موسم ميں جتنے تارے آسمان پہ ظاہر ہوں گے ان ميں تيري ياد کا پيکر منظر عرياں ہوگا تيري جھل مل ياد کا چہرا روپ دکھاتا گزرے گا اس موسم ميں دل دنيا ميں جو بھي آہٹ ہوگي اس ميں تيري ياد کا سايا گيت کي صورت ڈھل جائے گا شبنم سے آواز ملا کر کلياں اس کو دوہرائيں گي تيري ياد کي سن گن لينے چاند ميرے گھر اترے گا آنکھيں پھول بچھائيں گي اپني ياد کي خوشبو کو دان کرو اور اپنے دل ميں آنے دو يا ميري جھولي کو بھر دو يا مجھ کو مرجانے دو امجد اسلام امجد

دیوسائی کی بستیاں

2006-09-02T10:18:00.000+05:00

بڑے پانی کے کناروں پر زرد گھاس، ڈھلتی جاتی دھوپ میں اپنی چمک کھو رہی تھی ۔۔۔ اور ہمارے جوگرز کے اوپر گھاس کے جو تنکے آتے تھے، زردی میں بجھے ہوئے تیر تھے، اور ہم جو موج میں تھے، ایک پَل میں ان بستیوں کی اداسی میں چلے گئے جو کبھی دیوسائی میں تھیں ۔۔۔ اگرچہ یہ قرین از قیاس نہیں لگتا تھا ۔۔۔ دیوسائی کی بلندی تو ہمیشہ سے اتنی ہی تھی، زیادہ تو نہیں ہوئی تھی، اور اتنی بلندی پر آبادی ممکن ہی نہ تھی ۔۔۔ ہو سکتا ہے کچھ لوگ کسی مجبوری کی وجہ سے یہاں کچھ عرصہ ٹھہرے ہوں اور پھر چلے گئے ہوں ۔۔۔ یہاں مہر گڑھ یا ہڑپہ کی طرح کوئی آثار نہ تھے ۔۔۔ صرف روایتیں تھیں ۔۔۔ حکایتیں تھیں کہ یہاں بستیاں تھیں جو اجڑ گئیں ۔۔۔ اور ان کا ماتم کرنے والا کوئی نہ تھا ۔۔۔ کیونکہ اتنی بلندی پر ماتم کرنے والے کا سانس پھول جاتا ہے اور وہ ماتم ترک کرکے نیچے سکردو میں اتر جاتا ہے ۔۔۔ ۔۔۔ مستنصر حسین تاڑر کی “دیوسائی“ سے اک اقتباس ۔۔۔ تصویر کے لئیے ہارٹکنز کا شکریہ

آنندی -از غلام عباس

2006-09-01T19:15:00.000+05:00

بلدیہ کا اجلاس زوروں پر تھا۔ ہال کھچا کھچ بھرا ہوا تھا اور خلاف معمول ایک ممبر بھی غیر حاضرنہ تھا۔ بلدیہ کے زیر بحث مسئلہ یہ تھا کہ زنان بازاری کو شہر بدر کردیا جائے کیونکہ ان کا وجودہ انسانیت، شرافت اور تہذیب کے دامن پر بد نما داغ ہے۔ بلدیہ کے ایک بھاری بھرکم رکن جو ملک و قوم کے بچے خیر خواہ اور دردمند سمجھے جاتے تھے۔ نہایت فصاحت سے تقریر کر رہے تھے۔ ”.... اور پھر حضرات آپ یہ بھی خیال فرمائیے کہ ان کا قیام شہر کے ایک ایسے حصے میں ہے جونہ صرف شہر کے بیچوں بیچ عام گزرگا ہ ہے بلکہ شہر کا سب سے بڑا تجارتی مرکز بھی ہے چنانچہ ہر شریف آدمی کو چار و ناچاراس بازار سے گزرنا پڑتا ہے۔ علاوہ ازیں شرفاءکی پاک دامن بہو بیٹیاں اس بازار کی تجارتی اہمیت کی وجہ سے یہاں آنے اور خرید و فروخت کرنے پر مجبور ہیں۔ صاحبان ! یہ شریف زادیاں ان آبرو باختہ، نیم عریاں بیسواو ¿ں کے بناو ¿ سنگار کودیکھتی ہیں تو قدرتی طور پرا ن کے دل میں بھی آرائش و دلربائی کی نئی نئی امنگیں اور ولولے پیدا ہوتے ہیں اور وہ اپنے غریب شوہروں سے طرح طرح کے غازوں، لونڈروں، زرق برق ساڑیوں اور قیمتی زیوروں کی فرمائشیں کرنے لگتی ہیں۔ نتیجہ یہ ہوتا ہے کہ ان کا پر مسرت گھر، ان کا راحت کدہ ہمیشہ کے لئے جہنم کا نمونہ بن جاتا ہے۔“ ”....اور صاحبان پھر آپ یہ بھی تو خیال فرمائیے کہ ہمارے نونہالان قوم جو درسگاہوں میں تعلیم پا رہے ہیں اوران کی آئندہ ترقیوں سے قوم کی امیدیں وابستہ ہیں اور قیاس چاہتا ہے کہ ایک نہ ایک دن قوم کی کشتی کو بھنور سے نکالنے کا سہرا ان ہی کے سر بندھے گا۔ انہیں بھی صبح شام اسی بازار سے ہو کر آنا جاتا پڑتا ہے۔ یہ قحبائیں ہر وقت ابھرن سولہ سنگار کئے راہرو پر بے حجانہ نکاہ و مژہ کے تیر و سناں برساتی اور اسے دعوت حسن دیتی ہیں۔ کیا انہیں دیکھ کر ہمار ے بھولے بھالے نا تجربہ کار جوانی کے نشے میں محو، سود و زیاں سے بے پرو اہ نو نہالان قوم اپنے جذبات و خیالات اور اپنی اعلیٰ سیرت کو معصیت کے مسموم اثرات سے محفوظ رکھ سکتے ہیں؟ صاحبان! کیا ان کا حسن زاہد فریب ہمارے نونہالان قوم کو جادہ مستقیم سے بھٹکا کر، ان کے دل میں گناہ کی پر اسرار لذتوں کی تشنگی پیداکر کے ایک بے کلی، ایک اضطراب، ایک ہیجان برپا نہ کردیتا ہو گا....“ اس موقع پر ایک رکن بلدیہ جو کسی زمانے میں مدرس رہ چکے تھے، اور اعداد و شمار سے خاص شغف رکھتے تھے بو اٹھے۔ ”صاحبان، واضح رہے کہ امتحانوں میں ناکام رہنے والے طلبہ کا تناسب پچھلے پانچ سال کی نسبت ڈیوڑھا ہو گیا ہے۔“ ایک رکن جو چشمہ لگائے تھے اور ہفتہ وار اخبار کے مدیر اعزازی تھے، تقریر کرتے ہوئے کہا ” حضرات ہمارے شہر سے روز بروز غیرت، شرافت، مردانگی، نکوکاری و پرہیز گاری اٹھتی جا رہی ہے اور اس کی بجائے بے غیرتی، نا مردی، بزدلی، بدمعاشی، چوری اور جعل سازی کا دور دورہ ہو تا جارہاہے۔، منشیات کا استعمال بڑھ گیا ہے۔ قتل و غارت گری، خود کشی اور دیوالیہ نکلنے کی وارداتیں بڑھتی جارہی ہیں۔ اس کا سبب محض ان زنان بازاری کا نا پاک وجود ہے کیونکہ ہمارے بھولے بھالے شہری ان کی زلف گرہ گیر کے اسیر ہو کر ہوش و خرد کھوبیٹھتے ہیں اور ان کی بارگاہ تک رسائی کی زیادہ سے زیادہ قیمت ادا کرنے کے لئے ہر جائز و ناجائز طریقہ سے زر حاصل کرتے ہیں۔ بعض اوقات وہ اس سعی و کوشش میں جامہ انسانیت سے باہر ہو جاتے اور قبیح افعال کا ارتکاب کر بیٹھتے ہیں نتیجہ یہ ہوتا ہے کہ وہ جان عزیزی سے ہاتھ دھو بیٹھتے ہیں یا جیل خانوں میں پڑے سڑتے ہیں۔“ ایک پنشن یافتہ معمر رکن جو ایک وسیع خاندان کے سرپرست تھے اور دنیا کا سرد و گرم دیکھ چکے تھے اور اب کش مکش حیات سے تھک کر باقی ماندہ عمر سستانے اور اپنے اہل و عیال کو اپنے سایہ میں پنپتے ہوا دیکھنے کے متمنی تھے۔ تقریر کرنے اٹھے۔ ان کی آواز لرزتی ہوئی تھی اور لہجہ فریاد کا انداز لئے ہوئے تھا۔ بولے صاحبان رات رات بھر ان لوگوں کے طبلے کی تھاپ، ان کی گلے بازیاں، ان کے عشاق کی دھینگا مشتی، گالی گلوچ، شور و غل ہا ہا ہا ہو ہو ہو، سن سن کر آس پاس کے رہنے والے شرفا کے کان پک گئے ہیں۔ رات کی نیند حرام ہے تو دن کا چین مفقود۔ علاوہ ازیں ان کے قرب سے ہماری بہو بیٹیوں کے اخلاق پر جو اثر پڑتا ہے اس کا اندازہ ہر صاحب اولاد خود کر سکتا ہے۔ آخری فقرہ کہتے کہتے ان کی آواز بھرا گئی اور وہ اس سے زیادہ کچھ نہ کہہ سکے۔ سب اراکین بلدیہ کو ان سے ہمدردی تھی کیونکہ بدقسمتی سے ان کا مکان اس بازار حسن کے عین وسط میں واقع تھا۔ ان کے بعد ایک رکن بلدیہ نے جو پرانی تہذیب کے علمبردار تھے اور آثار قدیمہ کو اولادسے زیادہ عزیز رکھتے تھے تقریر کرتے ہوئے کہا۔ ”حضرات! باہر سے جو سیاح اور ہمارے احباب اس مشہور اور تاریخی شہر کودیکھنے آتے ہیں جب وہ اس بازار سے گزرتے ہیں اور اس کے متعلق استفسار کرتے ہیں تو یقین کیجئے کہ ہم پر گھڑوں پانی پڑ جاتاہے۔“ اب صدر بلدیہ تقریر کرنے اٹھے۔ گو قد ٹھگنا، اور ہاتھ پاو ¿ں چھوٹے چھوٹے تھے مگر سر بڑا تھا۔ جس کی وجہ سے بردبار آدمی معلوم ہوتے تھے۔ لہجہ میں حد درجہ متانت تھی۔ بولے ”حضرات ! میں اس امر میں قطعی طور پر آپ سے متفق ہوں کہ اس طبقہ کا وجود ہمارے شہر اور ہمارے تہذیب و تمدن کے لئے باعث صد عار ہے لیکن مشکل یہ ہے کہ اس کا تدارک کس طرح کیا جائے۔ اگر ان لوگوں کو مجبور کیا جائے کہ یہ اپنا ذلیل پیشہ چھوڑ دیں تو سوال پیدا ہوتا ہے کہ یہ لوگ کھائیں گے کہاں سے؟“ ایک صاحب بو ل اٹھے۔ ”یہ عورتیں شادی کیوں نہیں کرلیتیں؟“ اس پر ایک طویل فرمائشی قہقہہ پڑا اور ہال کی ماتمی فضا میں یکبارگی شگفتگی کے آثار پیدا ہو گئے۔ جب اجلاس میں خاموشی ہوئی تو صاحب صدر بولے۔ ”حضرات یہ تجویز بارہا ان لوگوں کے سامنے پیش کی جا چکی ہے۔ اس کا ان کی طرف سے یہ جواب دیا جاتا ہے کہ آسودہ اور عزت دار لوگ خاندانی حرمت و ناموس کے خیال سے انہیں اپنے گھروں میں گھسنے نہ دیں گے اور مفلس اور ادنیٰ طبقہ کے لوگوں کو جو محض ان کی دولت کے لئے ان سے شادی کرنے پر آمادہ ہوں گے، یہ عورتیں خود منہ نہیں لگائیں گی۔“ اس پر ایک صاحب بولے۔ ”بلدیہ کوان کے نجی معاملوں میں پڑنے کی ضرورت نہیں۔ بلدیہ کے سامنے تو یہ مسئلہ ہے کہ یہ لوگ چاہے جہنم میں جائیں مگر اس شہر کو خالی کردیں۔“ صدر نے کہا ”صاحبان یہ بھی آسان کام نہیں ہے۔ ان کی تعداد دس بیس نہیں سینکڑوں تک پہنچتی ہے اور پھر ان میں سے بہت سی عورتوں کے ذاتی مکانات ہیں۔“ یہ مسئلہ کوئی مہینے بھر تک بلدیہ کے زیر بحث رہا اور بالآخر تمام اراکین کی اتفاق رائے یہ امر قرار پایا کہ زنان بازاری کے مملوکہ مکانوں کوخرید لینا چاہیے اور انہیںرہنے کے لئے شہر سے کافی دور کوئی الگ تھلگ علاقہ دے دینا چاہیے۔ ان عورتوں نے بلدیہ کے اس فیصلہ کے خلاف سخت احتجاج کیا۔ بعض نے نا فرمانی کرکے بھاری جرمانے اور قیدیں بھگتیں مگر بلدیہ کی مرضی کے آگے ان کی کوئی پیش نہ چل سکی اور چار و ناچار صبر کرکے رہ گئیں۔ اس کے بعد ایک عرصہ تک ان زنان بازاری کے مملوکہ مکانوں کی فہرستیں اور نقشے تیار ہو تے رہے اور مکانوں کے گاہک پیدا کئے جاتے رہے بیشتر مکانوں کوبذریعہ نیلام فروخت کرنے کا فیصلہ کیا گیا۔ ان عورتوں کو چھ مہینے تک شہر میں اپنے پرانے ہی مکانوں میں رہنے کی اجازت دے دی گئی تاکہ اس عرصہ میں وہ نئے علاقہ میں مکان وغیرہ بنوا سکیں۔ ان عورتوں کے لئے جو علاقہ منتخب کیا گیا وہ شہر سے چھ کوس دور تھا ۔ پانچ کوس تک پکی سڑک جاتی تھی اور اس سے آگے کوس بھر کا کچا راستہ تھا۔ کسی زمانہ میں وہاں کوئی بستی ہو گی مگر اب تو کھنڈروں کے سوا کچھ نہ رہا تھا۔ جن میں سانپوں اور چمگادڑوں کے مسکن تھے اور دن دہاڑے الو بولتا تھا۔ اس علاقے کے نواح میں کچے گھروندوں والے کئی چھوٹے چھوٹے گاو ¿ں تھے۔ کسی کا فیصلہ بھی یہاں سے دو ڈھائی میل سے کم نہ تھا۔ ان گاو ¿ں کے بسنے والے کسان دن کے وقت کھیتی باڑی کرتے، یا یونہی پھرتے پھراتے ادھر نکل آتے ورنہ عام طور پر اس شہر خموشاں میں آدم زاد کی صورت نظر نہ آتی تھی۔ بعض اوقات روز روشن ہی میں گیدڑ اس علاقے میں پھرتے دیکھے گئے تھے۔ پانچ سو کچھ اوپر بیسواو ¿ میں سے صرف چودہ ایسی تھیں جو اپنے عشاق کی وابستگی یا خود اپنی دلبستگی یا کسی اور وجہ سے شہر کے قریب آزادانہ رہنے پر مجبور تھیں اور اپنے دولت مند چاہنے والوں کی مستقل مالی سرپرستی کے بھروسے بادل نا خواستہ اس علاقہ میں رہنے پر آمادہ ہو گئی تھیں ورنہ باقی عورتوں نے سوچ رکھا تھا کہ وہ یا تو اسی شہر کے ہوٹلوں کو اپنا مسکن بنائیں گی یا بظاہر پارسائی کا جامہ پہن کرشہر کے شریف محلوں کی کونوں کھدروں میں جا چھپیں گی یا پھر اس شہر کو چھوڑ کر کہیں اور نکل جائیں گی۔ یہ چودہ بیسوائیں اچھی خاصی مالدار تھیں ۔ اس پر شہر میں ان کے جو مملوکہ مکان تھے ‘ ان کے دام انہیں اچھے وصول ہو گئے تھے اور اس علاقہ میں زمین کی قیمت برائے نام تھی اور سب سے بڑھ کر یہ کہ ان کے ملنے والے دل و جان سے اس کی مالی امداد کر نے کی لئے تیا ر تھے۔چنا نچہ انہوں نے اس علاقے میں جی کھول کر بڑے بڑے عالیشان مکان بنوانے کی ٹھانی ۔ ایک اونچی اور ہموار جگہ جو ٹوٹی پھوٹی قبروں سے ہٹ کر تھی ‘منتخب کی گئی زمین کے قطعے صاف کرائے اور چابک دست نقشہ نویسوں سے مکان کے نقشے بنوائے گئے اور چند ہی روز میں تعمیر کا کام شروع ہو گیا۔ دن بھر اینٹ ‘ مٹی ‘چونا ‘ شہتیر ‘گارڈر اور دوسرا عمارتی سامان گاڑیوں‘چھکڑوں ‘خچروں ‘گدھوں اور انسانوں پر لد کر اس بستی میں آ تا اور منشی صاحب حساب کتاب کی کاپیا ں بغلوں میں دبائے انہیں گنواتے اور کاپیوں میں درج کرتے میر صاحب معماروں کو کام کے متعلق ہدایات دیتے ۔ معمار مزدوروں کو ڈانٹتے ڈپتے مزدور ادھر ادھر دوڑتے پھرتے ۔ مزدور نیوں کو چلا چلا کر پکارتے اور اپنے ساتھ کام کرنے کے لیے بلاتے ۔ غرض سارا دن ایک شور ایک ہنگامہ رہتا ۔ اور سارا دن آ س پاس کے گاو ¿ں کے دیہاتی اپنے کھیتوں میں اور دیہاتنیں اپنے گھروں میں ہوا کے جھو نکوں کے ساتھ دور سے آ تی ہوئی کھٹ کھٹ کی دھیمی آ وازیں سنتی رہتیں ۔ اس بستی کے کھنڈروں میں ایک جگہ مسجدکے آ ثار تھے اور اس کے پاس ہی ایک کنواں تھا جو بند پڑا تھا ۔ راج مزدوروں نے کچھ تو پانی حاصل کرنے اور بیٹھ کر سستانے کی غرض سے ‘ اور کچھ ثواب کمانے اور اپنے نمازی بھائیوںکی عبادت گزاری کے خیال سے ‘سب سے پہلے اس کی مرمت کی چونکہ یہ فائدہ بخش اور ثواب کا کام تھا۔ اس لیے کسی نے کچھ اعتراض نہ کیا چنانچہ دو تین روز میں مسجد تیار ہو گئی۔ دن کو بارہ بجے ‘جیسے ہی کھانا کھانے کی چھٹی ہوئی دو ڈھائی سو راج‘ مزدور ‘ میر عمارت ‘ منشی اور ان بیسواو ¿ں کے رشتے دار یا کارندے جو تعمیر کی نگرانی پر مامور تھے‘ اس مسجد کے آ س پاس جمع ہو جاتے اور اچھا خاصا میلہ سا لگ جاتا ۔ ایک دن ایک دیہاتی بڑھیا جو پاس کے کسی گاو ¿ں میں رہتی تھی اور اس بستی کی خبر سن کر آ گئی ۔ اس کے ساتھ ایک خورد سال لڑکا تھا ۔ دونوں نے مسجد کے قریب ایک درخت کے نیچے گھٹیا سگریٹ ، بیڑی ،چنے اور گڑ کی بنی ہوئی مٹھائیوں کا خوانچہ لگا دیا ۔ بڑھیا کو آ ئے ابھی دو دن بھی نہ گزرے تھے کہ ایک بوڑھا کسان کہیں سے ایک مٹکا اٹھا لایا اور کنویں کے پاس اینٹوں کا ایک چھو ٹا سا چبوترابنایا، پیسے کے دو دو شکر کے شربت کے گلاس بیچنے لگا ۔ ایک کنجڑے کو جو خبر ہوئی وہ ایک ٹوکرے میں خربوزے بھر کر لے آ یا اور خوانچہ والی بڑھیا کے پاس بیٹھ کر لے لو خربوزے ، شہد سے میٹھے خربوزے ! کی صدا لگانے لگا ۔ ایک شخص نے کیا کیا ، گھر سے سری پائے پکا کر دیگچی میں رکھا، خوانچہ میں لگا،تھوڑی سی روٹیاں مٹی کے دو تین پیالے اور ٹین کا ایک گلاس لے کے آ موجود ہو ا اور اسی بستی کے کارکنوں کو جنگل میں گھر کی ہنڈیا کا مزا چکھانے لگا۔ ظہر اور عصر کے وقت ، میر عمارت ، منشی ، معمار اور دوسرے لوگ مزدوروں سے کنویں سے پانی نکلوا نکلوا کر وضو کرتے نظر آ تے ۔ ایک شخص مسجد میں جا کر اذان دیتا، پھر ایک کو امام بنا دیا جاتا اور دوسرے لوگ اس کے پیچھے کھڑے ہو کر نماز پڑھتے۔ کسی گاو ¿ں میں ایک ملا کے کان میں جو یہ بھنک پڑی کہ فلاں مسجد میں امام کی ضرورت ہے۔ وہ دوسرے ہی دن علی الصبح ایک سبز جزدان میں قرآن شریف ، پنجسورہ، رحل اور مسئلے مسائل کے چند چھوٹے چھوٹےرسالے رکھ آموجود ہوا۔ اور اس مسجد کی امامت باقاعدہ طورپر اسے سونپ دی گئی۔ ہر روز تیسرے پہر گاو ¿ں کا ایک کبابی پر اپنے سامان کا ٹوکرا اٹھا ئے آجاتااور خوانچہ والی بڑھیا کے پاس زمین پر چولھا بنا، کباب، کلیجی ، دل اور گردے سیخوں پر چڑھا، بستی والوں کے ہاتھ بیچتا۔ ایک بھٹیاری نے جو یہ حال دیکھا تو اپنے میاں کو ساتھ لے کر مسجد کے سامنے میدان میں دھوپ سے بچنے کے لئے پھونس کا ایک چھپر ڈال کر تنور گرم کرنے لگی۔ کبھی کبھی ایک نوجوان دیہاتی نائی، پھٹی پرانی کسبت گلے میں ڈالے جوتوں کی ٹھوکروں سے راستہ روڑوں کو لڑھکاتا ادھر ادھر گشت کرتا دیکھنے میں آجاتا۔ ان بیسواو ¿ں کے مکانوں کی تعمیر کی نگرانی ان کے رشتہ دار یا کارندے تو کرتے ہی تھے، کسی کسی دن وہ دوپہر کے کھانے سے فارغ ہو کر اپنے عشاق کے ہمراہ خود بھی اپنے اپنے مکانوں کو بنتا دیکھنے آ جاتیں اور غروب آفتاب سے پہلے یہاں سے نہ جاتیں۔ اس موقع پر فقیروں اور فقیرنیوں کی ٹولیوں کی ٹولیاں نہ جانے کہاں سے آ جاتیں اور جب تک خیرات نہ لے لیتیں اپنی صداو ¿ں سے برابر شور مچاتی رہتیں اور انہیں بات نہ کر نے دیتیں۔کبھی کبھی شہر کے لفنگے، اوباش و بیکار مباش کچھ کیا ، کے مصداق شہر سے پیدل چل کر بیسواو ¿ں کی اس نئی بستی کی سن گن لینے آجاتے اور اگر اس دن بیسوائیں بھی آئی ہوتیں تو ان کی عید ہو جاتی۔ وہ ان سے دور ہٹ کر ان کے گردا گرد چکر لگاتے رہتے۔ فقرے کستے ، بے تکے قہقہے لگاتے۔ عجیب عجیب شکلیں بناتے اور مجنونانہ حرکتیں کرتے۔اس روز کبابی کی خوب بکری ہوتی۔ اس علاقے میں جہاں پہلے ہی دن، پہلے ہو کا عالم تھا اب ہر طرف گہما گہمی اور چہل پہل نظر آنے لگی۔ شروع شروع میں اس علاقہ کی ویرانی میں ان بیسواو ¿ں کو یہاں آکر رہنے کے خیال سے جو وحشت ہوتی تھی، وہ بڑی حد تک جاتی رہی تھی اور اب وہ ہر مرتبہ خوش خوش اپنے مکانوں کی آرائش اور اپنے مرغوب رنگوں کے متعلق معماروں کو تاکیدیں کر جاتی تھیں۔ بستی میں ایک جگہ ایک ٹوٹا پھوٹا مزار تھا جو قرآئن سے کسی بزرگ کا معلوم ہوتا تھا۔ یہ مکان نصف سے زیادہ تعمیر ہو چکے تو ایک دن بستی کے راج مزدوروں نے کیا دیکھا کہ مزار کے پاس دھواں اٹھ رہا ہے اور ایک سرخ سرخ آنکھوں والا لمبا تڑنگا مست فقیر، لنگوٹ باندھے چار ابرو کا صفایاکرائے اس مزار کے ارد گرد پھر رہاہے اور کنکر پتھر اٹھا اٹھا کر پرے پھینک رہاہے۔ دوپہر کو وہ فقیر ایک گھڑا لے کر کنویں پر آیا، اور پانی بھر بھر کر مزار پر لے جانے اور اسے دھونے لگا۔ ایک دفعہ جو آیا تو کنویں پردوتین راج مزدور کھڑے تھے ۔ وہ نیم دیوانگی اور نیم فرزاندگی کے عالم میں ان سے کہنے لگا۔ ” جانتے ہو وہ کس کا مزار ہے؟ کڑک شاہ پیر بادشاہ کا! میرے باپ دادا، ان کے مجاور تھے۔“ اس کے بعد اس نے ہنس ہنس کر اور آنکھوں میں آنسو بھر بھر کر پیر کڑ شاہ کی کچھ جلالی کراماتیں بھی ان راج مزدوروں سے بیان کیں۔ شام کو یہ فقیر کہیں سے مانگ تانگ کر مٹی کے دو دئیے اور سرسوں کا تیل لے آیا اور پیر کڑک شاہ کی قبر کے سرہانے اور پائنتی چراغ روشن کردئیے۔ رات کو پچھلے پہرکبھی کبھی اس مزار سے اللہ ہو کا مست نعرہ سنائی دے جاتا۔ چھ مہینے گزرنے نہ پائے تھے کہ یہ چودہ مکان بن کر تیار ہو گئے۔ یہ سب کے سب دومنزلہ اور قریب قریب ایک ہی وضع کے تھے۔ سات ایک طرف اور سات دوسری طرف۔ بیچ میں چوڑی چکلی سڑک تھی۔ ہر ایک مکان کے نیچے چار چار دکانیں تھیں۔ مکان کی بالائی منزل میں سڑک کے رخ وسیع برآمدہ تھا۔ اس کے آگے بیٹھنے کے لئے کشتی نما نشین بنائی گئی تھی ۔ جس کے دونوں سروں پر یا تو سنگ مرمر کے مور رقص کر تے ہو ئے بنائے گئے تھے اور یا جل پریوں کے مجسمے تراشے گئے تھے ، جن کا آ دھا دھڑ مچھلی کا اور آ د ھا انسان کا تھا ۔ برآ مدہ کے پیچھے جو بڑا کمرہ بیٹھنے کے لیے تھا۔۔ اس میں سنگ مر مر کے نا زک نا زک ستون بنائے گئے تھے ۔دیواروں پر خوش نما پچی کاری کی گئی تھی ۔ فرش چمکدار پتھر کا بنایا گیا تھا ۔ جب سنگ مر مر کے ستونو ں کے عکس اس فرش زمردیں پر پڑتے تو ایسا معلوم ہوتا گویا سفید براق پروں والے راج ہنسوں نے اپنی لمبی لمبی گردنیں جھیل میں ڈبو دی ہیں۔ بدھ کا شبھ دن ، اسی بستی میں آنے کے لئے مقرر کیا گیا۔ اس روز اس بستی کی سب بیسواو ¿ں نے مل کر بہت بھاری نیاز دلوائی۔ بستی کے کھلے میدان میں زمین کو صاف کرا کر شامیانے نصب کر دئیے گئے۔ دیگیں کھڑکنے کی آواز اور گوشت اور گھی کی خوشبو، بیس بیس کوس سے فقیروں اور کتوں کو کھینچ لائی۔ دوپہر ہوتے ہوتے پیر کڑک شاہ کے مزار کے پاس جہاں لنگر تقسیم کیا جاتاتھا اس قدر فقیر جمع ہو گئے کہ عید کے روز کسی بڑے شہر کی جامع مسجد کے پا س بھی نہ ہوئے ہونگے۔ پیر کڑک شاہ کے مزار کو خوب صاف کروایا اور دھلوایا گیا اور اس پر پھولوں کی چادر چڑھائی گئی اور اس مست فقیر کو نیا جوڑا سلوا کر پہنایا گیا، جسے اس نے پہنتے ہی پھاڑ ڈالا۔ شام کو شامیانے کے نیچے دودھ سی اجلی چاندنی کا فرش کردیا گیا۔ گاو ¿ تکیے، پان دان، پیک دان، پیچواں دانی اور گلاب پاس رکھ لیے گئے اورراگ رنگ کی محفل سجائی گئی۔ دور دور سے بہت سی بیسواو ¿ں کو بلوایا گیا جو ان کی سہلیاں یا برادری کی تھیں۔ان کے ساتھ ان کے بہت سے ملنے والے بھی آئے جن کے لئے ایک الگ شامیانے میں کرسیوں کا انتظام کیا گیا اور ان کے سامنے کے رخ چقیں ڈال دی گئیں۔ بے شمار گیسوں کی روشنی سے یہ جگہ بقعہ نور بنی ہوئی تھی۔ ان بیسواو ¿ں کے توندل سیاہ فام سازندے زربفت اور کمخواب کی شیروانیاں پہنے، عطر میں بسے ہوئے پھوئے کانوں میں رکھے ، ادھر ادھر مونچھوں کو تاو ¿ دیتے پھرتے اور زرق برق لباسوں اور تتلی کے پرسے باریک ساڑیوں میں ملبوس، غازوں اور خوشبوو ¿ں میں بسی ہوئی نازنین اٹھکیلیوں سے چلتیں اور رات بھر رقص اور سرور کا ہنگامہ برپا رہا اور جنگل میں منگل ہو گیا۔ دو تین دن کے بعد جب اس جشن کی تھکاوٹ اتر گئی تو یہ بیسوائیں ساز و سامان کی فراہمی اور مکانوں کی آرائش میں مصروف ہوگئیں۔ جھاڑ، فانوس، ظروف، بلوری، قد آدم آئینے، نواڑی پلنگ، تصویریں اور قطعات سنہری، چوکٹھوں میں جڑے ہوئے لائے گئے اور قرینے سے کمروں میں لگائے گئے اور کوئی آٹھ روزمیں جا کر یہ مکان کیل کانٹے سے لیس ہوئے۔ یہ عورتیں دن کا بیشتر حصہ تو استادوں سے رقص و سرود کی تعلیم لینے، غزلیں یاد کرنے، دھنیں بٹھانے، سبق پڑھنے، تختی لکھنے، سینے پرونے، کاڑھنے، گراموفون سننے، استادوں سے تاش اور کیرم کھیلنے، ضلع جگت، نوک جھونک سے جی بہلانے یا سونے میں گزارتیں اور تیسرے پہر غسل خانوں میں نہانے جاتیں، جہاں ان کے ملازموں نے دستی پمپوں سے پانی نکال نکال کر ٹب بھر رکھے ہوتے۔ اس کے بعد وہ بناو ¿ سنگھار میں مصروف ہوجاتی۔ جیسے ہی رات کا اندھیرا پھیلتا، یہ مکان گیسوں کی روشنی سے جگمگا اٹھتے جو جا بجا سنگ مر مر کے آدھے کھلے ہوئے کنولوں میں نہایت صفائی سے چھپائی گئے تھے اور ان مکانوں کی کھڑکیوں اور دروازوں کے کواڑوں کے شیشے جو پھول پتیوں کی وضع کے کاٹ کر جڑے گئے تھے۔ ان کی قوس و قزح کے رنگوں کی سی روشنیاں دور سے جھلمل جھلمل کرتی ہوئی نہایت بھلی معلوم ہوتیں۔ یہ بیسوائیں، بناو ¿ سنگار کئے برآمدوں میں ٹہلتی، آس پاس والیوں سے باتیں کرتیں، ہنستیں کھکھلاتیں۔ جب کھڑے کھڑے تھک جاتیں تو اندر کمرے میں چاندنی کے فرش پر گاو ¿ تکیوں سے لگ کر بیٹھ جاتیں۔ ان کے سازندے ساز ملاتے رہتے اور یہ چھالیہ کترتی رہتیں۔ جب رات ذرا بھیگ جاتی تو ان کے ملنے والے ٹوکروں میں شراب کی بوتلیں، پھل پھلاری لیے اپنے دوستوں کے ساتھ موٹروں یا تانگوں میں بیٹھ کر آتے۔اس بستی میں جن کے قدم رکھتے ہی ایک خاص گہما گہمی اور چہل پہل ہونے لگتی۔نغمہ و سرود، ساز کے سر، رقص کرتی ہوئی نازنینوں کے گھنگھرو ¿ں کی آواز، فلفل مینا میں مل کر ایک عجیب سرور کی سی کیفیت پیدا کردیتی۔ عیش و مستی کے ان ہنگاموں میں معلوم بھی نہ ہوتا اور رات بیت جاتی۔ ان بیسواو ¿ں کو اس بستی میں آئے ہوئے چند روز ہی ہوئے تھے کہ دکانوں کے کرایہ دار پیدا ہو گئے۔ جن کا کرایہ اس بستی کو آباد کرنے کے خیال سے بہت ہی کم رکھا گیا تھا۔ سب سے پہلے جو دکان دار آیا وہ وہی بڑھیا تھی جس نے سب سے پہلے مسجد کے سامنے درخت کے نیچے خوانچہ لگایا تھا۔ دکان کو پر کرنے کے لئے بڑھیا اور اس کا لڑکا سگریٹوں کے بہت سے ڈبے اٹھا لائے اور اسے منبر کے طاقوں میں سجا کر رکھ دیا گیا۔ بوتلوں میں رنگ دار پانی بھر دیا گیا تاکہ معلوم ہو کہ شربت کی بوتلیں ہیں۔ بڑھیا نے اپنے بساط کے مطابق کاغذی پھولوں اور سگریٹ کی ڈبیوں سے بنائی ہوئی بیلوں سے دکان کی کچھ آرائش بھی کی، بعض ایکٹروں اور ایکٹرسوں کی تصویریں بھی پرانے رسالوں سے نکال کر لئی سے دیواروں پر چپکا دیں۔ دکان کا اصل مال دو تین قسم کے سگریٹ، تین تین چار چار پیکٹوں ، بیڑی کے آٹھ دس بنڈلوں یا دیا سلائی کی نصف درجن ڈبیوں، پانی کی ڈھولی، پینے کے تمباکو کی تین چار ٹکیوں اور موم بتی کے نصف بنڈل سے زیادہ نہ تھا۔ دوسری دکان میں ایک بنیا، تیسری میں حلوائی اور شیر فروش، چوتھی میں قصائی، پانچویں میں کبابی اور چھٹی میں ایک کنجڑا آبسے۔ کنجڑا آس پاس کے دیہات سے سستے داموں چار پانچ قسم کی سبزیاں لے آتا اور یہاں خاصے منافع پر بیچ دیتا۔ ایک آدھ ٹوکرا پھلوں کا بھی رکھ لیتا چونکہ دکان خاصی کھلی تھی۔ ایک پھول والا اس کا ساجھی بن گیا۔ وہ دن بھر پھولوں کے ہار، گجرے اور طرح طرح کے گہنے بناتا رہتا اور شام کو انہیں چنگیر میں ڈال کر ایک ایک مکان پر لے جاتا اور نہ صرف پھول ہی بیچ آتا بلکہ ہر جگہ ایک ایک دو دو گھڑی بیٹھ، سازندوں سے گپ شپ بھی ہانک لیتا اور حقے کے دم بھی لگا آتا۔ جس دن تماش بینوں کی کوئی ٹولی اس کی موجودگی میں ہی کوٹھے پر چڑھ آتی اورگانا بجانا شروع ہوجاتا تو وہ سازندوں کے ناک بھوں چڑھانے کے باوجود گھنٹوں اٹھنے کا نام نہ لیتا، مزے مزے سے گانے پر سر دھنتا اور بیوقوفوں کی طرح ایک ایک کی صورت تکتا رہتا۔ جس دن رات زیادہ گزر جاتی اور کوئی ہار بچ جاتا تو اسے اپنے گلے میں ڈال لیتا اور بستی کے باہر گلا پھاڑ پھاڑ کر گاتا پھرتا۔ ایک دن ایک بیسوا کا باپ اور بھائی جو درزیوں کا کام جانتے تھے۔ سینے کی ایک مشین رکھ کر بیٹھ گئے۔ ہوتے ہوتے ایک حجام بھی آگیا اور اپنے ساتھ ایک رنگریز کو بھی لیتا آیا۔ اس کی دکان کے باہر الگنی پر لٹکتے ہوئے طرح طرح کے رنگوں کے دوپٹے ہوامیں لہراتے ہوئے آنکھوں کو بھلے معلوم ہونے لگے۔ چند ہی روز گزرے تھے کہ ایک ٹٹ پونجئے بساطی نے جس کی دکان شہر میں چلتی نہ تھی، بلکہ اسے دکان کا کرایہ نکالنا بھی مشکل ہو جاتا تھا شہر کو خیر باد کہہ کر اس بستی کا رخ کیا۔ یہاں پر اسے ہاتھوں ہاتھ لیا گیا اور اس کے طرح طرح کے لونڈر، قسم قسم کے پاو ¿ڈر، صابن، کنگھیاں، بٹن، سوئی، دھاگا، لیس، فیتے، خوشبودار تیل، رومال، منجن کی خوب بکری ہونے لگی۔ اس بستی کے رہنے والوں کی سرپرستی اور ان کے مربیانہ سلوک کی وجہ سے اسی طرح دوسرے تیسرے روز کوئی نہ کوئی ٹٹ پونجیا دکاندار کوئی بزاز، کوئی پنساری، کوئی نیچہ بند، کوئی نانبائی مندے کی وجہ سے یا شہر کے بڑھتے ہوئے کرایہ سے گھبرا کر اس بستی میں آ پناہ لیتا۔ ایک بڑے میاں عطار، جو حکمت میں بھی کسی قدر دخل رکھتے تھے ان کا جی شہر کی گنجان آبادی اور حکیموں اور دوا خانوں کی افراط سے جو گھبرایا تو وہ اپنے شاگردوں کو ساتھ لے کر شہر سے اٹھ آئے اور اس بستی میں ایک دکان کرایہ پر لے لی۔ سارا دن بڑے میاں اور ان کے شاگرد دواو ¿ں کے ڈبوں، شربت کی بوتلوں اور مربے، چٹنی، اچار کے بویاموں کو الماریوں اور طاقوں میں اپنے اپنے ٹھکانے پر رکھتے رہے۔ ایک طاق میںطب اکبر، قرابادین قادری اور دوسری طبی کتابیں جما کررکھ دیں۔ کواڑوں کی اندرونی جانب اور دیواروں کے ساتھ جو جگہ خالی بچی وہاں انہوں نے اپنے خاص الخاص مجربات کے اشتہارات سیاہ روشنائی سے جلی لکھ کر اور دفیتوں سے چپکاکر آویزاں کر دئیے۔ہر روز صبح کو بیسواو ¿ں کے ملازم گلاس لے لے کر آموجود ہوتے اور شربت بزوری، شربت بنفشہ، شربت انار اور ایسے ہی نزہت بخش ، روح افزا شربت و عرق، خمیرہ گاو ¿ زبان اور تقویت پہنچانے والے مربے مع ورق ہائے نقرہ لے جاتے۔ جو دکانیں بچ رہیں، ان میں جن بیسواو ¿ں کے بھائی بندوں اور سازندوں نے اپنی چارپائیاں ڈال دیں۔ دن بھر یہ لوگ ان دکانوں میں تاش چوسر اور شطرنج کھیلتے ، بدن پر تیل ملواتے، سبزی گھوٹتے، بٹیروں کی پالیاں کراتے، تیتروں سے ”سبحان تیری قدرت“ کی رٹ لگواتے اور گھڑا بجا بجا کر گاتے۔ ایک بیسوا کے سازندے نے ایک دکان خالی دیکھ کر اپنے بھائی کو ساز بنانا جانتا تھا اس میں لا بٹھایا۔ دکان کی دیواروں کے ساتھ ساتھ کیلیں ٹھونک کر ٹوٹی پھوٹی مرمت طلب سارنگیاں، ستار، طنبورے، دلربا وغیرہ ٹانگ دئیے گئے۔ یہ شخص ستار بجانے میں بھی کمال رکھتا تھا۔ شام وہ اپنی دکان میں ستار بجاتا، جس کی میٹھی آواز سن کر آس پاس کے دکان دار اپنی دکانوں سے اٹھ اٹھ کر آجاتے اوردیر تک بت بنے ستار سنتے رہتے۔ اس ستار نوازکا ایک شاگرد تھا جو ریلوے کے دفتر میں کلرک تھا۔ اسے ستار سیکھنے کا بہت شوق تھا۔ جیسے ہی دفتر سے چھٹی ہوئی، سیدھا سائیکل اڑاتا ہوا اس بستی کا رخ کرتا اور گھنٹہ ڈیڑھ گھنٹہ دکان ہی میں بیٹھ کر مشق کیا کرتا، غرض اس ستار نواز کے دم سے بستی میں خاصی رونق رہنے لگی۔ مسجد کے ملاجی، جب تک تو یہ بستی زیر تعمیر رہی رات کو دیہات اپنے گھر چلے جاتے رہے۔ مگر اب جبکہ انہیں دونوں وقت مرغن کھانا با افراط پہنچنے لگا تو وہ رات کو بھی یہیں رہنے لگے۔ رفتہ رفتہ بعض بیسواو ¿ں کے گھروں سے بچے بھی مسجد میں پڑھنے آنے لگے، جس سے ملاجی کو روپے پیسے کی آمدنی بھی ہو نے لگی۔ ایک شہر شہر گھومنے والی گھٹیا درجہ کی تھیٹریکل کمپنی کو جب زمین کے چڑھتے ہوئے کرایہ اوراپنی بے مائیگی کے باعث شہرمیں کہیں جگہ نہ ملی تو اس نے اس بستی کا رخ کیا اور ان بیسواو ¿ں کے مکانوں سے کچھ فاصلہ پر میدان میں تنبو کھڑے کر کے ڈیرے ڈال دئیے۔ اس کے ایکٹر ایکٹری کے فن سے محض نا بلد تھے۔ ان کے ڈریس پھٹے پرانے تھے جن کے بہت سے ستار جھڑ چکے تھے اور یہ لوگ تماشہ بھی بہت پرانے اور دقیانوسی کرتے تھے مگر اس کے باوجود یہ کمپنی چل نکلی۔ اس کی وجہ یہ تھی کہ ٹکٹ کے دام بہت کم تھے۔شہر کے مزدور پیشہ لوگ،کارخانوں میں کام کرنے والے اور غریب غربا جودن بھر کی کڑی محنت مشقت کی کسر شور و غل، خر مستیوں اور ادنی عیاشیوں سے نکالنا چاہتے تھے۔ پانچ پانچ چھ چھ کی ٹولیاں بنا کر، گلے میں پھولوں کے ہار ڈالے،ہنستے بولتے، بانسری اور الغوزے بجاتے، راہ چلتوں پر آوازے کستے، گالی گلوچ بکتے، شہر سے پیدل چل کر تھیٹر دیکھنے آتے اور لگے ہاتھوں بازار حسن کی سیر بھی کر جاتے۔ جب تک ناٹک شروع نہ ہوتا تھیٹر کا ایک مسخرہ تنبو کے باہر ایک سٹول پر اکھڑا کبھی کولہو ہلاتا، کبھی منہ پھلاتا، کبھی آنکھیں مٹکاتا، عجیب عجیب حیا سوز حرکتیں کرتا جنہیں دیکھ کر یہ لوگ زور زور سے قہقہے لگاتے اور گالیوں کی صورت داد دیتے۔ رفتہ رفتہ دوسرے لوگ بھی اس بستی میں آنے شروع ہوئے۔ چنانچہ شہر کے بڑے بڑے چوکوں میں تانگے والے صدائیں لگانے لگے ”آو ¿، کوئی نئی بستی کو “ شہر سے پانچ کوس تک جو پکی سڑک جاتی تھی اس پر پہنچ کر تانگے والے سواریوں سے انعام حاصل کرنے کے لالچ میں یا ان کی فرمائش پر تانگوں کی دوڑیں کراتے۔ منہ سے ہارن بجاتے اور جب کوئی تانگہ آگے نکل جاتا تو اس کی سواریاں نعروں سے آسمان سر پر اٹھالیتیں۔ اس دوڑ میں غریب گھوڑوں کا برا حال ہوجاتا اور ان کے گلے میں پڑے ہوئے پھولوں کے ہاروں سے بجائے خوشبو کے پسینے کی بد بو آنے لگتی۔ رکشا والے، تانگے والوں سے کیوں پیچھے رہتے۔ وہ ان کی کم دام پر سواریاں بٹھا، طرارے بھرتے اور گھنگھرو بجاتے اس بستی کو جانے لگتے۔علاوہ ازیں ہر ہفتے کی شام کو اسکولوں اور کالجوں کے طلبہ ایک ایک سائیکل پر دو دو لدے، جوق در جوق اس پر اسرار بازار کی سیر دیکھنے آتے، جس سے ان کے خیال کے مطابق ان کے بڑوں نے خواہ مخواہ محروم کردیا تھا۔ رفتہ رفتہ اس بستی کی شہرت چاروں طرف پھیلنے اور مکانوں اور دکانوں کی مانگ ہونے لگی۔ وہ بیسوائیں جو پہلے اس بستی میں آنے پر تیار نہ ہوتی تھیں اب اس کی دن دگنی رات چوگنی ترقی دیکھ کر اپنی بیوقوفی پر افسوس کرنے لگیں۔ کئی عورتوں نے جھٹ زمینیں خریدیں ۔ ان بیسواو ¿ں کے ساتھ اسی وضع قطع کے مکان بنوانے شروع کردئیے۔ علاوہ ازیں شہر کے بعض مہاجنوں نے بھی اس بستی کے آس پاس سستے داموں زمینیں خرید خرید کر کرایہ پر اٹھانے کے لئے چھوٹے چھوٹے کئی مکان بنوا ڈالے۔ نتیجہ یہ ہوا کہ وہ فاحشہ عورتیں جو ہوٹلوں اور شریف محلوں میں روپو ش تھیں۔ مور و ملخ کی طرح اپنے نہال خانوں سے باہرنکل آئیں اور ان مکانوں میں آباد ہوگئیں۔ بعض چھوٹے چھوٹے مکانوں میں اس بستی کے وہ دکان دار آبسے جو عیال دار تھے اور رات کو دکانوں میں سو نہ سکتے تھے۔ اس بستی میں آبادی تو خاصی ہو گئی تھی مگر ابھی تک بجلی کی روشنی کاانتظام نہیں ہوا تھا۔ چنانچہ ان بیسواو ¿ں اور بستی کے تمام رہنے والوں کی طرف سے سرکار کے پاس بجلی کے لئے درخواست بھیجی گئی، جوتھوڑے دنوں بعد منظور کر لی گئی۔ اس کے ساتھ ہی ایک ڈاکخانہ بھی کھول دیا گیا۔ ایک بڑے میاں ڈاکخانہ کے باہر ایک صندوقچے میں لفافے، کارڈ اور قلم دوات رکھ، بستی کے لوگوں کے خط پتر لکھنے لگے۔ ایک دفعہ بستی میں شرابیوں کی دو ٹولیوں کا فسادہو گیا۔ جس میں سوڈا واٹر کی بوتلوں، چاقوو ¿ں اور اینٹوں کا آزادانہ استعمال کیا گیا اور کئی لوگ سخت مجروح ہو ئے۔ اس پر سرکارکو خیا ل آیا کہ اس بستی میں ایک تھانہ بھی کھول دینا چاہیے۔ تھیٹریکل کمپنی دہ مہینے تک رہی اور اپنی بساط کے مطابق خاصا کما لے گئی۔ اس شہر کے ایک سینما مالک نے سوچا کیوں نہ اس بستی میں بھی ایک سینما کھول دیاجائے۔ یہ خیال آنے کی دیر تھی کہ اس نے جھٹ ایک موقع کی جگہ چن کر خرید لی اور جلد جلد تعمیر کا کام شروع کرادیا۔ چند ہی مہینوں میں سینما ہال تیارہو گیا۔ اس کے اندر ایک چھوٹا سا باغیچہ بھی لگوایا گیا تاکہ تماشائی اگر بائیسکوپ شروع ہونے سے پہلے آجائیں تو آرام سے باغیچہ میں بیٹھ سکیں۔ ان کے ساتھ لوگ یونہی سستانے یا سیر دیکھنے کی غرض سے آکر آکر بیٹھنے لگے۔ یہ باغیچہ خاصی سیر گاہ بن گیا۔ رفتہ رفتہ سقے کٹورا بجاتے اس باغیچے میں آنے اور پیاسوں کی پیاس بجھانے لگے۔ سر کی تیل مالش والے نہایت گھٹیاقسم کے تیز خوشبو والے تیل کی شیشیاں واسکٹ کی جیبوں میں ٹھونسے، کاندھے پر میلا کچیلا تولیہ ڈالے، دل پسند ، دل بہار مالش کی صدا لگاتے درد سر کے مریضوں کو اپنی خدمات پیش کرنے لگے۔ سینماکے مالک نے سینما ہال کی بیرونی جانب دو ایک مکان اور کئی دکانیں بھی بنوائیں۔ مکان میں ہوٹل کھل گیا۔ جس میں رات کو قیام کرنے کے لئے کمرے بھی مل سکتے تھے اور دکانوں میں ایک سوڈا واٹر کی فیکٹری والا، ایک فوٹو گرافر ، ایک سائیکل کی مرمت والا، ایک لانڈری والا، دو پنواڑی، ایک بوٹ شاپ والا اور ایک ڈاکٹر مع اپنے دواخانہ کے آرہے۔ ہوتے ہوتے پاس ہی ایک دکان میں کلال خانہ کھلنے کی اجازت مل گئی۔ فوٹوگرافر کی دکان کے باہر ایک کونے میں ایک گھڑی ساز نے آ ڈیرا جمایا اور ہر وقت محدب شیشہ آنکھوں پر چڑھائے گھڑیوں کے کل پرزوں میں غلطاں و پیچاں رہنے لگا۔ اس کے کچھ ہی دن بعد بستی میں نل، روشنی اور صفائی کے باقاعدہ انتظام کی طرف توجہ کی جانے لگی۔ سرکاری کارندے سرخ جھنڈیاں، جرییں اور اونچ نیچ دیکھنے والے آلے لے کر آپہنچے اور ناپ ناپ کر سڑکوں اور گلی کوچوں کی داغ بیل ڈالنے لگے اور بستی کی کچی سڑکوں پر سڑک کوٹنے والا انجن چلنے لگا.... اس واقعہ کو بیس برس گزر چلے ہیں۔ یہ بستی اب ایک بھرا پرا شہر بن گئی ہے جس کا اپنا ریلوے سٹیشن بھی ہے اور ٹاو ¿ن ہال بھی، کچہری بھی اور جیل خانہ بھی، آبادی ڈھائی لاکھ کے لگ بھگ ہے۔ شہر میں ایک کالج، دو ہائی سکول ، ایک لڑکو ں کے لئے ، ایک لڑکیوں کے لئے اور آٹھ پرائمری سکول ہیں، جن میں میونسپلٹی کی طرف سے مفت دی جاتی ہے۔ چھ سینما ہیں اور چار بنک جن میں سے دودنیا کے بڑے بڑے بنکوں کی شاخیں ہیں۔ شہر سے دو روزانہ، تین ہفتہ وار اور دس ماہانہ رسائل و جرائد شائع ہوتے ہیں۔ ان میں چار ادبی، دو اخلاقی و معاشرتی و مذہبی، ایک صنعتی، ایک طبی، ایک زنانہ اور ایک بچوںکا رسالہ ہے۔ شہر کے مختلف حصوں میں بیس مسجدیں، پندرہ مندر اور دھرم شالے، چھ یتیم خانے ، پانچ اناتھ آشرم اور تین بڑے سرکاری ہسپتال ہیں جن میں سے ایک صرف عورتوں کے لئے مخصوص ہے۔ شروع شروع میں کئی سال تک یہ شہر اپنے رہنے والوں کے نام کی مناسبت سے ”حُسن آباد“کے نام سے موسوم کیا جاتا رہا مگر بعد میں اسے نا مناسب سمجھ کر اس میں تھوڑی سی ترمیم کر دی گئی۔ یعنی بجائے ”حُسن آباد“ کے ”حسن آباد“ کہلانے لگا۔ مگر یہ نام چل نہ سکاکیونکہ عوام حُسن اور حسن میں امتیاز نہ کرتے۔ آخر بڑی بڑی بوسیدہ کتابوں کی ورق گردانی اور پرانے نوشتوں کی چھان بین کے بعد اس کا اصلی نام دریافت کیا گیا جس یہ بستی آج سے سینکڑوں برس قبل اجڑنے سے پہلے موسوم تھی اور وہ نام ہے”آنندی“۔ یوں تو سارا شہر بھرا پرا، صاف ستھرا اور خوش نما ہے مگر سب سے خوبصورت، سب سے بارونق اور تجارت کا مرکز وہی بازار ہے جس میں زنان بازاری رہتی ہیں۔ آنندی بلدیہ کا اجلاس زوروں پر ہے، ہال کھچا کچھ بھرا ہوا ہے اور خلاف معمول ایک ممبر بھی غیر حاضر نہیں۔ بلدیہ کے زیر بحث مسئلہ یہ ہے کہ زنان بازاری کو شہر بدر کردیا جائے، کیونکہ ان کا وجود انسانیت، شرافت اور تہذیب کے دامن پر بد نما داغ ہے۔ ایک فصیح البیان مقرر تقریر کر رہے ہیں۔ ”معلوم نہیں، وہ کیا مصلحت تھی جس کے زیر ناپاک طبقے کو ہماری اس قدیمی اور تاریخی شہر کے عین بیچوں بیچ رہنے کی اجازت دی گئی....“ اس مرتبہ ان عورتوں کے لئے جو علاقہ منتخب کیا گیا وہ شہر سے بارہ کوس دور تھ۔

ماں جی - از قدرت اللہ شھاب

2006-08-30T20:44:00.000+05:00

ماں جی کی پیدائش کا صحیح سال معلوم نہیں ہو سکا۔ جس زمانے میں لائل پور کا ضلع نیا نیا آباد ہورہا تھا۔ پنجاب کے ہر قصبے سے غریب الحال لوگ زمین حاصل کرنے کے لئے اس نئی کالونی میں جوق در جوق کھینچے چلے آرہے تھے۔ عرف عام میں لائل پور، جھنگ، سرگودھا وغیرہ کو ”بار“ کا علاقہ کہا جاتا تھا۔ اس زمانے میں ماں جی کی عمر دس بارہ سال تھی۔ اس حساب سے ان کی پیدائش پچھلی صدی کے آخری دس پندرہ سالوں میں کسی وقت ہو ئی ہو گی۔ ماں جی کا آبائی وطن تحصیل روپڑ ضلع انبالہ میں ایک گاؤں منیلہ نامی تھا۔ والدین کے پاس چند ایکڑ اراضی تھی ۔ ان دنوں روپڑ میں دریائے ستلج سے نہر سرہند کی کھدائی ہو رہی تھی۔ نانا جی کی اراضی نہر کی کھدائی میں ضم ہو گئی۔ رو پڑ میں انگریز حاکم کے دفتر سے ایسی زمینوں کے معاوضے دئیے جاتے تھے۔ نا نا جی دو تین بار معاوضے کی تلاش میں شہر گئے۔ لیکن سیدھے آدمی تھے۔ کبھی اتنا بھی معلوم نہ کر سکے کہ انگریز کا دفتر کہاں ہے اور معاوضہ وصول کرنے کے لئے کیا قدم اٹھانا چاہیے۔ انجام کار صبر و شکر کرکے بیٹھ گئے اور نہر کی کھدائی کی مزدوری کرنے لگے۔ انہی دنوں پرچہ لگا کہ بار میں کالونی کھل گئی ہے اور نئے آباد کاروں کو مفت زمین مل رہی ہے۔ نا نا جی اپنی بیوی، دو ننھے بیٹوں اور ایک بیٹی کا کنبہ ساتھ لے کر لائل پور روانہ ہو گئے۔ سواری کی توفیق نہ تھی۔ اس لئے پا پیادہ چل کھڑے ہو ئے۔ راستے میں محنت مزدوری کر کے پیٹ پالتے۔ نا نا جی جگہ بہ جگہ قلی کا کام کرلیتے یا کسی ٹال پر لکڑیاں چیر دیتے۔ نانی اور ماں جی کسی کا سوت کات دیتیں یا مکانوں کے فرش اور دیواریں لیپ دیتیں۔ لائل پور کا صحیح راستہ کسی کو نہ آتا تھا جگہ جگہ بھٹکتے تھے اور پوچھ پاچھ کر دنوں کی منزل ہفتوںمیں طے کرتے تھے۔ ڈیڑھ دو مہینے کی مسافت کے بعد جڑانوالہ پہنچے۔ پا پیادہ چلنے اور محنت مزدوری کی مشقت سے سب کے جسم نڈھال اور پاؤں سوجے ہوئے تھے۔ یہاں پر چند ماہ قیام کیا۔ نا نا جی دن بھر غلہ منڈی میں بوریاں اٹھانے کا کام کرتے۔ نانی پرچہ کات کر سوت بیچتیں اور ماں جی گھر سنبھالتیں جو ایک چھوٹے سے جھونپڑے پر مشتمل تھا۔ انہی دنوں بقر عید کا تہوار آیا۔ نا نا جی کے پاس چند روپے جمع ہو گئے تھے۔ انہوںنے ماں جی کو تین پنے بطور عیدی دئیے۔ زندگی میں پہلی بار ماں جی کے ہاتھ اتنے پیسے آئے تھے۔ انہوںنے بہت سوچا لیکن اس رقم کا کوئی مصرف ان کی سمجھ میں نہ آسکا۔ وفات کے وقت ان کی عمر کوئی اسی برس کے لگ بھگ تھی۔ لیکن ان کے نزدیگ سو روپے، دس روپے، پانچ روپے کے نوٹوں میں امتیاز کرنا آسان کام نہ تھا عیدی کے تین آنے کئی روز ماں جی کے دوپٹے کے ایک کونے میں بندھے رہے۔ جس روز وہ جڑانوالہ سے رخصت ہو رہی تھیں ماں جی نے گیارہ پیسے کا تیل خرید کر مسجد کے چراغ میں ڈال دیا۔ باقی ایک پیسہ اپنے پاس رکھا۔ اس کے بعد جب کبھی گیارہ پیسے پورے ہو جاتے تو وہ فوراً مسجد میں تیل بھجوا دیتیں۔ ساری عمر جمعرات کی شام کو اس عمل پر بڑی وضعداری سے پابند رہیں۔ رفتہ رفتہ بہت سی مسجدوںمیں بجلی آگئی۔ لیکن لاہور اور کراچی جیسے شہروں میں بھی انہیں ایسی مسجدوں کا علم رہتا تھا جن کے چراغ اب بھی تیل سے روشن ہوتے تھے۔ وفات کی شب بھی ماں جی کے سرہانے ململ کے رومال میں بندھے ہوئے چند آنے موجود تھے۔ غالباً یہ پیسے بھی مسجد کوے تیل کے لئے جمع کر رکھے تھے۔ چونکہ وہ جمعرات کی شب تھی۔ ان چند آنوں کے علاوہ ماں جی کے پاس نہ کچھ اور رقم تھی اور نہ کوئی زیور۔ اسباب دنیا میں ان کے پاس گنتی کی چند چیزیں تھیں۔ تین جوڑے سوتی کپڑے، ایک جوڑا دیسی جوتا، ایک جوڑا ربڑ کے چپل، ایک عینک، ایک انگوٹھی جس میں تین چھوٹے چھوٹے فیروزے جڑے ہوئے تھے۔ ایک جائے نماز، ایک تسبیح اور باقی اللہ اللہ۔ پہننے کے لئے تین جوڑوں کو وہ خاص اہتمام سے رکھتی تھیں۔ ایک زیب تن، دوسرا اپنے ہاتھوں سے دھو کر تکیے کے نیچے رکھا رہتا تھا۔ تاکہ استری ہو جائے۔ تیسرا دھونے کے لئے تیار۔ ان کے علاوہ اگر چوتھا کپڑا ان کے پاس آتا تھا تو وہ چپکے سے ایک جوڑا کسی کو دے دیتی تھیں۔ اسی وجچہ سے ساری عمر انہیں سوٹ کیس رکھنے کی حاجت محسوس نہ ہوئی۔ لمبے سے لمبے سفر پرروانہ ہونے کے لئے انہیں تیاری میں چند منٹ سے زیادہ نہ لگتے تھے۔ کپڑوں کی پوٹلی کی بکل ماری اور جہاں کہے چلنے کو تیار۔ سفر آخرت بھی انہوںنے اسی سادگی سے اختیار کیا۔ میلے کپڑے اپنے ہاتھوں سے دھو کر تکیے کے نیچے رکھے ۔ نہا دھو کر بال سکھائے اور چند ہی منٹوں میں زندگی کے سب سے لمبے سفر پر روانہ ہو گئیں۔ جس خاموشی سے عقبیٰ سدھار گئیں۔ غالباً اس موقع کے لئے وہ اکثر یہ دعا مانگا کرتی تھیں کہ اللہ تعالیٰ ہاتھ چلتے چلاتے اٹھا لے۔ اللہ کبھی کسی کا محتاج نہ کرے۔ کھانے پینے میں وہ کپڑے لتے سے بھی زیادہ سادہ اور غریب مزاج تھیں۔ ان کی مرغوب ترین غذا مکئی کی روٹی، دھنیے پودینے کی چٹنی کے ساتھ تھی۔ باقی چیزیں خوشی سے تو کھا لیتی تھیں لیکن شوق سے نہیں۔ تقریباً ہر نوالے پر اللہ کا شکر ادا کر تی تھیں۔ پھلوں میں کبھی بہت مجبور کیاجائے تو کبھی کبھار کیلے کی فرمائش کرتی تھیں۔ البتہ ناشتے میں چائے دو پیالے اور تیسرے پہر سادہ چائے کا ایک پیالہ ضرور پیتی تھیں۔ کھانا صرف ایک وقت کھاتی تھیں۔ اکثر و بیشتر دوپہر کا۔ شاذو نادر رات کا ۔ گرمیوں میں عموماً مکھن نکائی ہوئی پتلی نمکین لسی کے ساتھ ایک آدھ سادہ چپاتی ان کی محبوب خوراک تھیں۔ دوسروں کو کوئی چیز رغبت سے کھاتے دیکھ کر خوش ہو تی تھیں اور ہمیشہ دعا کرتی تھیں۔ سب کا بھلا خاص اپنے یا اپنے بچوں کے لئے انہوںنے براہ راست کبھی کچھ نہ مانگا۔ پہلے دوسروں کے لئے مانگتی تھیں اور اس کے بعد مخلوق خدا کی حاجت روائی کے طفیل اپنے بچوں یا عزیزوں کا بھلا چاہتی تھیں۔ اپنے بیٹوں یا بیٹیوں کو انہوں نے اپنی زبان سے کبھی ”میرے بیٹے“ یا ”میری بیٹی“ کہنے کا دعویٰ نہیں کیا۔ ہمیشہ ان کو اللہ کا مال کہا کرتی تھیں۔ کسی سے بھی کوئی کام لینا ماں جی پر بہت گراں گزرتا تھا۔ اپنے سب کام وہ اپنے ہاتھوں خود انجام دیتی تھیں۔ اگر کوئی ملازم زبردستی ان کا کوئی کام کر دیتا تو نہیں ایک عجیب قسم کی شرمندگی کا احساس ہونے لگتا تھا اور وہ احسان مندی سے سارادن اسے دعائیں دیتی رہتی تھیں۔ سادگی اور درویشی کا یہ رکھ رکھاؤ کچھ تو قدرت نے ماں جی کی سرشت میں پیدا کیا تھا۔ کچھ یقینا زندگی کے زیر و بم نے سکھایا تھا۔ جڑانوالہ میں کچھ عرصہ قیام کے بعد جب وہ اپنے والدین اور خورد سال بھائیوں کے ساتھ زمین کی تلاش میں لائل پور کی کالونی کی طرف روانہ ہوئیں تو انہیں معلوم نہ تھا کہ انہیں کس مقام پر جانا ہے اور زمین حاصل کرنے کے لئے کیا قدم اٹھانا ہے۔ ماں جی بتایا کرتی تھیں کہ اس زمانے میں ان کے ذہن میں کالونی کا تصور ایک فرشتہ سیرت بزرگ کا تھا جو کہ کہیں سر راہ بیٹھا زمین کے پروانے تقسیم کر رہا ہو گا۔ کئی ہفتے یہ چھوٹا سا قافلہ لائل پور کے علاقے میں پا پیادہ بھٹکتا رہا۔ لیکن کسی راہ گزار پر انہیں کالونی کا خضر صورت رہنما نہ مل سکا۔ آخر تنگ آکر انہوں نے چک نمبر ۶۰۵ جو ان دنوں نیا نیا آباد ہو رہا تھا ڈیرے ڈال دئیے۔ لوگ جوق در جوق وہاں آکر آباد ہو رہے تھے۔ نانا جی نے اپنی سادگی میں یہ سمجھا کہ کالونی میں آباد ہونے کا شاید یہی ایک طریقہ ہو گا۔ چنانچہ انہوں نے ایک چھوٹا سا احاطہ گھیر کر گھاس پھونس کی جھونپڑی بنائی اور بنجر اراضی کا ایک قطعہ تلاش کر کے کاشت کی تیاری کرنے لگے ۔ انہی دنوں محکمہ مال کا عملہ پڑتال کے لئے آیا۔ نانا جی کے پاس الاٹ منٹ کے کاغذات نہ تھے۔ چنانچہ انہیں چک سے نکال دیا گیا اور سرکاری زمین پر نا جائز جھونپڑا بنانے کی پاداش میں ان کے برتن اور بستر قرق کرلئے گئے۔ عملے کے ایک آدمی نے چاندی کی دو بالیاں بھی ماں جی کے کانوں سے اتروالیں۔ ایک بالی اتارنے میں ذرا دیر ہوئی تو اس نے زور سے کھینچ لی۔ جس سے ماں جی کے کان کا زیریں حصہ بری طرح سے پھٹ گیا۔ چک ۶۰۵ سے نکل کر جو راستہ سامنے آیا اس پر چل کھڑے ہوئے۔ گرمیوں کے دن تھے۔ دن بھر لو چلتی تھی۔ پانی رکھنے کے لئے مٹی کا پیالہ بھی پاس نہ تھا۔ جہاں کہیں کوئی کنواں نظر آیا ماں جی اپنا دوپٹہ بھگو لیتیں تاکہ پیاس لگنے سے اپنے چھوٹے بھائیوں کی چساتی جائیں ۔ اس طرح وہ چلتے چلتے چک نمبر۷۰۵ میں پہنچے جہاں ایک جان پہچان کے آباد کار نے نا نا جی کو اپنا مزارع رکھ لیا۔ نا نا جی ہل چلاتے تھے۔ نانی مویشی چرانے لے جاتی تھیں۔ ماں جی کھیتوں سے گھاس اور چارہ کاٹ کر زمیندار کی بھینسوں اور گایوں کے لئے لایا کرتی تھیں۔ ان دنوں انہیں مقدور بھی نہ تھا کہ ایک وقت کی روٹی بھی پور ی طرح کھا سکیں۔ کسی وقت جنگلی بیروں پر گزارہ ہوتا تھا۔ کبھی خربوزے کے چھلکے ابال کر کھا لیتے تھے۔ کبھی کسی کھیت میں کچی انبیاں گری ہوئی مل گئیں تو ان کی چٹنی بنا لیتے تھے۔ اور کنٹھے کا ملا جلا ساگ ہاتھ آگیا ۔ نانی محنت مزدوری میں مصروف تھیں۔ ماں جی نے ساگ چولہے پر چڑھایا۔ جب پک کر تیار ہو گیا اور ساگ کا الن لگا کر گھوٹنے کا وقت آیا تو ماں جی نے ڈوئی ایسے زور سے چلائی کہ ہنڈیا کا پیندا ٹوٹ گیا اور سارا ساگ بہہ کر چولہے میں آپڑا۔ ماں جی کو نانی سے ڈانٹ پڑی اور مار بھی۔ رات کو سارے خاندان نے چولہے کی لکڑیوں پر گرا ہوا ساگ انگلیوں سے چاٹ چاٹ کر کسی قدر پیٹ بھرا۔ چک نمبر۷۰۵ نانا جی کو خوب راس آیا۔ چند ماہ کی محنت مزدوری کے بعد نئی آباد کاری کے سلسلے میں آسان قسطوں پر ان کو ایک مربع زمین مل گئی۔ رفتہ رفتہ دن پھرنے لگے اور تین سال میں ان کا شمار گاؤں کے کھاتے پیتے لوگوں میں ہونے لگا۔ جوں جوں فارغ البالی بڑھتی گئی توں توں آبائی وطن کی یاد ستانے لگی۔ چنانچہ خوشحالی کے چار پانچ سال گزارنے کے بعد سارا خاندان ریل میں بیٹھ کر منیلہ کی طرف روانہ ہوا۔ ریل کا سفر ماں جی کو بہت پسند آیا۔ وہ سارا وقت کھڑکی سے باہر منہ نکال کر تماشہ دیکھتی رہتیں۔ اس عمل میں کوئلے کے بہت سے ذرے ان کی آنکھوں میں پڑگئے۔ جس کی وجہ سے کئی روز تک وہ آشوب چشم میں مبتلا رہیں۔ اس تجربے کے بعد انہوںنے ساری عمراپنے کسی بچے کو ریل کی کھڑکی سے باہر منہ نکالنے کی اجازت نہ دی۔ ماں جی ریل کے تھرڈ کلاس ڈبے میں بہت خوش رہتیں۔ ہم سفر عورتوں اور بچوں سے فوراً گھل مل جاتیں۔ سفر کی تھکان اور راستے کے گرد و غبار کا ان پر کچھ اثر نہ ہوتا۔ اس کے برعکس اونچے درجوں میں بہت بیزار ہو جاتیں۔ ایک دو بار جب انہیں مجبوراً ائیرکنڈیشن ڈبے میں سفر کرنا پڑا تو وہ تھک کر چور ہوگئیں اور سارا وقت قید کی صعوبت کی طرح ان پر گراں گزرا۔ منیلہ پہنچ کر نانا جی نے اپنا آبائی مکان درست کیا۔ عزیز و اقارب کو تحاف دئیے۔ دعوتیں ہوئیں اور پھرماں جی کے لئے بر ڈھونڈنے کا سلسلہ شروع ہو گیا۔ اس زمانے میں لائل پور کے مربعہ داروں کی بڑی دھوم تھی۔ ان کا شمار خوش قسمت اور با عزت لوگوں میں ہو تا تھا۔ چنانچہ چاروں طرف سے ماں جی کے لئے پے در پے پیام آنے لگے۔ یوں بھی ان دنوں ماں جی کے ٹھاٹھ باٹھ تھے۔ برادری والوں پر رعب گانٹھنے کے لئے نانی جی انہیں ہر روز نت نئے کپڑے پہناتی تھیں اور ہر وقت دلہنوں کی طرح سجا کر رکھتی تھیں۔ کبھی کبھار پرانی یادوں کو تازہ کر نے لئے ماں جی بڑے معصوم فخر سے کہا کرتی تھیں۔ ان دنوں میرا تو گاؤں میں نکلنا دو بھر ہو گیا تھا۔ میں جس طرف سے گزر جاتی لوگ ٹھٹھک کر کھڑے ہو جاتے اورکہا کرتے۔ یہ خیال بخش مربعہ دار کی بیٹی جارہی ہے۔ دیکھئے کون خوش نصیب اسے بیاہ کر لے جائے گا۔ ”ماں جی! آپ کی اپنی نظر میں کوئی ایسا خوش نصیب نہیں تھا!“ ہم لوگ چھیڑنے کی خاطر ان سے پوچھا کرتے۔ ”توبہ توبہ پت“ ماں جی کانوں پر ہاتھ لگاتیں ” میر ی نظر میں بھلا کوئی کیسے ہو سکتا تھا۔ ہاں میرے دل میں اتنی سی خواہش ضرور تھی کہ اگر مجھے ایسا آدمی ملے جو دوحرف پڑھا لکھا ہو تو خدا کی بڑی مہربانی ہو گی“۔ ساری عمر میں غالباً یہی ایک خواہش تھی جو ماں جی کے دل میں خود اپنی ذات کے لئے پیدا ہوئی۔ اس کو خدا نے یوں پورا کردیا کہ اسی سال ماں جی کی شادی عبد اللہ صاحب سے ہو گئی۔ ان دنوں سارے علاقے میں عبد اللہ صاحب کا طوطی بول رہا تھا۔ وہ ایک امیر کبیر گھرانے کے چشم و چراغ تھے لیکن پانچ چھ برس کی عمر میں یتیم بھی ہوگئے اوربے حد مفلوک الحال بھی۔ جب باپ کا سایہ سر سے اٹھا تو یہ انکشاف ہوا کہ ساری آبائی جائیداد رہن پڑی ہے۔ چنانچہ عبد اللہ صاحب اپنی والدہ کے ساتھ ایک جھونپڑے میں اٹھ آئے۔ زر اور زمین کا یہ انجام دیکھ کر انہوں نے ایسی جائیداد بنانے کا عزم کرلیا جو مہاجنوں کے ہاتھ گروی نہ رکھی جا سکے۔ چنانچہ عبد اللہ صاحب دل و جان سے تعلیم حاصل کرنے میں منہمک ہو گئے۔ وظیفے پر وظیفہ حاصل کرکے اور دو سال کے امتحان ایک ایک سال میں پاس کرکے پنجاب یونیورسٹی کے میٹریکولیشن میں اول آئے ۔ اس زمانے میں غالباً یہ پہلا موقع تھا کہ کسی مسلمان طالب علم نے یونیورسٹی امتحان میں ریکارڈ قائم کیا ہو۔ اڑتے اڑتے یہ خبر سر سید کے کانوں میں پڑ گئی جو اس وقت علی گڑھ مسلم کالج کی بنیاد رکھ چکے تھے۔ انہوںنے اپنا خاص منشی گاؤں میں بھیجا اور عبد اللہ صاحب کو وظیفہ دے کر علی گڑھ بلا لیا۔ یہاں پر عبد اللہ خوب بڑھ چڑھ کر اپنا رنگ نکالا اور بی اے کرنے کے بعد انیس برس کی عمر میں وہیں پر انگریزی، عربی، فلسفہ اور حساب کے لیکچر ہو گئے۔ سرسید کو اس بات کی دھن تھی کہ مسلمان نوجوان زیادہ سے زیادہ تعداد میں اعلیٰ ملازمتوں پر جائیں۔ چنانچہ انہوںنے عبد اللہ صاحب کو سرکاری وظیفہ دلوایا تاکہ وہ انگلستان میں جا کر آئی سی ایس کے امتحان میں شریک ہوں۔ پچھلی صدی کے بڑے بوڑھے سات سمندر پار کے سفر کو بلائے ناگہانی سمجھتے تھے۔ عبد اللہ صاحب کی والدہ نے بیٹے کو ولایت جانے سے منع کردیا۔ عبد اللہ صاحب کی سعادت مندی آڑے آئی اور انہوںنے وظیفہ واپس کردیا۔ اس حرکت پر سر سید کے بے حد غصہ بھی آیا اور دکھ بھی ہوا۔ انہوںنے لاکھ سمجھایا، بجھایا، ڈرایا دھمکایا لیکن عبد اللہ صاحب ٹس سے مس نہ ہوئے۔ ”کیا تم اپنی بوڑھی ماں کو قوم کے مفاد پر ترجیح دیتے ہو؟“ سرسیدنے کڑک کر پوچھا۔ ”جی ہاں“ عبد اللہ صاحب نے جواب دیا۔ یہ ٹکا سا جواب سن کر سر سید آپے سے باہر ہوگئے۔ کمرے کا دروازہ بند کرکے پہلے انہوں نے عبد اللہ صاحب کو لاتوں، مکوں، تھپڑوں اور جوتوں سے خوب پیٹا اور کالج کی نوکری سے برخواست کرکے یہ کہہ کر علی گڑھ سے نکال دیا ”اب تم ایسی جگہ جا کر مرو جہاں سے میں تمہارا نا م بھی نہ سن سکوں“۔ عبد اللہ صاحب جتنے سعادت مند بیٹے تھے۔ اتنے ہی سعادت مند شاگرد بھی تھے۔ نقشے پر انہیں سب سے دور افتادہ اور دشوار گزار مقام گلگت نظر آیا۔ چنانچہ ناک کی سیدھ میںگلگت پہنچے اور دیکھتے ہی دیکھتے وہاں کی گورنری کے عہدے پر فائز ہو گئے۔ جن دنوں ماں جی کی منگنی کی فکر ہو رہی تھی انہی دنوں عبد اللہ صاحب بھی چھٹی پر گاؤں آئے ہوئے تھے ۔ قسمت میں دونوں کا سنجوگ لکھا ہوا تھا۔ ان کی منگنی ہو گئی اور ایک ماہ بعدشادی بھی ٹھہر گئی تاکہ عبد اللہ صاحب دلہن کو اپنے ساتھ گلگت لے جائیں۔ منگنی کے بعد ایک روز ماں جی اپنی سہیلیوں کے ساتھ پاس والے گاؤں میں میلہ دیکھنے گئی ہوئی تھیں۔ اتفاقاً یا شاید دانستہ عبد اللہ صاحب بھی وہاں پہنچ گئے۔ ماں جی کی سہیلیوں نے انہیں گھیرلیا اورہر ایک نے چھیڑ چھیڑ کر ان سے پانچ پانچ روپے وصول کرلئے۔عبد اللہ صاحب نے ماں جی کو بھی بہت سے روپے پیش کیے لیکن انہوںنے انکار کردیا۔ بہت اصرار بڑھ گیا تو مجبوراً ماں جی نے گیارہ پیسے کی فرمائش کی۔ ”اتنے بڑے میلے میں گیارہ پیسے لے کر کیا کروگی“ عبد اللہ صاحب نے پوچھا۔ اگلی جمعرات کو آپ کے نام سے مسجد میں تیل ڈال دوں گی۔ ما ں جی نے جواب دیا۔ زندگی کے میلے میں بھی عبد اللہ صاحب کے ساتھ ماں جی کا لین دین صرف جمعرات کے گیارہ پیسوں تک ہی محدود رہا۔ اس سے زیادہ رقم نہ کبھی انہوںنے مانگی نہ اپنے پاس رکھی۔ گلگت میں عبد اللہ صاحب کی بڑی شان و شوکت تھی۔ خوبصورت بنگلہ، وسیع باغ، نوکر چاکر دروازے پر سپاہیوں کا پہرہ۔ جب عبد اللہ صاحب دورے پر باہر جاتے تھے یا واپس آتے تھے تو سات توپوں کی سلامی دی جاتی تھی۔ یوں بھی گلگت کا گور نر خاص سیاسی انتظامی اور سماجی اقتدار کا حامل تھا لیکن ماں جی پر اس سارے جاہ و جلال کا ذرہ بھی اثر نہ ہوا۔ کسی قسم کا چھوٹا بڑا ماحول ان پر اثر انداز نہ ہوتا تھا۔ بلکہ ماں جی کی اپنی سادگی اور خود اعتمادی ہر ماحول پر خاموشی سے چھا جاتی تھی۔ ان دنوں سر مالکم ہیلی حکومت برطانیہ کی طرف سے گلگت کی روسی اور چینی سرحدو پر پولیٹیکل ایجنٹ کے طور پر مامور تھے۔ ایک روز لیڈی ہیلی اور ان کی بیٹی ماں جی سے ملنے آئیں۔ انہوں نے فراک پہنے ہوئے تھے اور پنڈلیاں کھلی تھیں۔ یہ بے حجابی ماں جی کو پسند نہ آئی۔ انہوںنے لیڈی ہیلی سے کہا ” تمہاری عمر تو جیسے گزرنی تھی گزرہی گئی ہے۔ اب آپ اپنی بیٹی کی عاقبت تو خراب نہ کرو۔“ یہ کہہ کر انہوںنے مس ہیلی کو اپنے پاس ملازم رکھ لیا اور چند مہینوں میں اسے کھانا پکانا، سینا پرونا، برتن مانجھنا، کپڑے دھونا سکھا کر ماں باپ کے پاس بھیج واپس بھیج دیا۔ جب روس میں انقلاب برپا ہوا تو لارڈ کچر سرحدوں کا معائنہ کرنے گلگت آئے۔ ان کے اعزاز میں گورنر کی طرف سے ضیافت کا اہتمام ہوا۔ ماں جی نے اپنے ہاتھ سے دس بارہ قسم کے کھانے پکائے۔ کھانے لذیذ تھے۔ لارڈ کچر نے اپنی تقریر میں کہا ” مسٹر گورنر، جس خانساماں نے یہ کھانے پکائے ہیں، براہ مہربانی میری طرف سے آپ ان کے ہاتھ چوم لیں“۔ دعوت کے بعد عبد اللہ صاحب فرحاں و شاداں گھر لوٹے تو دیکھا کہ ماں جی باورچی خانے کے ایک کونے میں چٹائی پر بیٹھی نمک اور مرچ کی چٹنی کے ساتھ مکئی کی روٹی کھارہی ہیں۔ ایک اچھے گورنر کی طرح عبد اللہ صاحب نے ماں جی کے ہاتھ چومے اور کہا ”اگر لارڈ کچر یہ فرمائش کرتا کہ وہ خود خانساماں کے ہاتھ چومنا چاہتا ہے تو پھر تم کیا کرتیں؟“ ”میں“ ماں جی تنک کر بولیں۔ ” میں اس کی مونچھیں پکڑ کر جڑ سے اکھاڑ دیتی۔ پھر آپ کیا کرتے ؟“ ”میں“ عبد اللہ صاحب نے ڈرامہ کیا۔ ”میں ان مونچھوں کو روئی میں لپیٹ کر وائسرائے کے پاس بھیج دیتا اور تمہیں ساتھ لے کر کہیں اور بھاگ جاتا، جیسے سرسید کے ہاں سے بھاگا تھا“۔ ماں جی پر ان مکالموں کا کچھ اثرنہ ہوتا تھا۔ لیکن ایک بار.... ماں جی رشک و حسد کی اس آگ میں جل بھن کر کباب ہو گئیں جو ہر عورت کا ازلی ورثہ ہے۔ گلگت میں ہر قسم کے احکامات ”گورنری“ کے نام پر جاری ہوتے تھے۔ جب یہ چرچا ماں جی تک پہنچا تو انہوںنے عبد اللہ صاحب سے گلہ کیا۔ ”بھلا حکومت تو آپ کرتے ہیں لیکن گورنری گورنری کہہ کر مجھ غریب کا نام بیچ میں کیوں لایا جاتا ہے خواہ مخواہ!“ عبد اللہ صاحب ”علی گڑھ کے پڑھے ہوئے تھے۔ رگ ظرافت پھڑک اٹھی اور بے اعتنائی سے فرمایا۔ بھاگوان یہ تمہارا نام تھوڑا ہے۔ گورنر تو در اصل تمہاری سوکن ہے جو دن رات میرا پیچھا کرتی رہتی ہے“۔ مذاق کی چوٹ تھی ۔ عبد اللہ صاحب نے سمجھا بات آئی گئی ہوگئی لیکن ماں جی کے دل میں غم بیٹھ گیا۔ اس غم میں وہ اندر ہی اندر کڑھنے لگیں۔ کچھ عرصہ کے بعد کشمیر کا مہاراجہ پرتاب سنگھ اپنی مہارانی کے ساتھ گلگت کے دورے پر گیا۔ ماں جی نے مہارانی سے اپنے دل کا حال سنایا۔ مہارانی بھی سادہ عورت تھی۔ جلال میں آگئی ”ہائے ہائے ہمارے راج میں ایسا ظلم۔ میں آج ہی مہاراج سے کہوں گی کہ وہ عبد اللہ صاحب کی خبر لیں“۔ جب یہ مقدمہ مہاراجہ پرتاب سنگھ تک پہنچا تو انہوں نے عبد اللہ صاحب کو بلا کر پوچھ گچھ کی۔ عبد اللہ اصاحب بھی حیران تھے کہ بیٹھے بٹھائے یہ کیا افتاد آپڑی۔ لیکن جب معاملے کی تہہ تک پہنچے تو دونوں خوب ہنسے۔آدمی دونوں ہی وضعدار تھے۔ چنانچہ مہاراجہ نے حکم نکالا کہ آئندہ سے گلگت کی گورنری کو وزارت اور گورنر کو وزیر وزارت کے نام سے پکاراجائے۔ ۷۴۹۱ءکی جنگ آزادی تک گلگت میں یہی سرکاری اصطلاحات رائج تھیں۔ یہ حکم نامہ سن کر مہارانی نے ماں جی کو بلاکر خوشخبری سنائی کہ مہاراج نے گورنری کودیس نکالا دے دیا ہے۔ ”اب تم دودھوں نہاؤ، پوتوں پھلو“۔ مہارانی نے کہا۔ ”کبھی ہمارے لئے بھی دعا کرنا۔“ مہاراجہ اور مہارانی کی کوئی اولاد نہ تھی۔ اس لئے وہ اکثر ماں جی سے دعا کی فرمائش کرتے تھے۔ اولاد کے معاملے میں ماں جی کیا واقعی خوش نصیب تھیں؟ یہ ایک ایسا سوالیہ نشان ہے جس کا جواب آسانی سے نہیں سوجھتا۔ ماں جی خود ہی تو کہا کرتی تھیں کہ ان جیسی خوش نصیب ماں دنیا میں کم ہی ہوتی ہیں۔ لیکن اگر صبر و شکر، تسلیم و رضا کی عینک اتار کر دیکھا جائے تو اس خوش نصیب کے پردے میں کتنے دکھ، کتنے غم، کتنے صدمے نظر آتے ہیں۔ اللہ میاں نے ماں جی کو تین بیٹیاں اور تین بیٹے عطا کئے۔ دو بیٹیاں شادی کے کچھ عرصہ بعد یکے بعد دیگرے فوت ہوگئیں۔ سب سے بڑا عین عالم شباب میں انگلستان جا کر گزر گیا۔ کہنے کو تو ماں جی نے کہہ دیا کہ اللہ کا مال تھا اللہ نے لے لیا۔ لیکن کیاوہ اکیلے میں چھپ چھپ کر خون کے آنسو رویانہ کرتی ہوگی! جب عبد اللہ صاحب کا انتقال ہوا تو ان کی عمر باسٹھ سال اور ماں جی کی عمر پچپن سال تھی۔سہ پہر کا وقت تھا۔ عبد اللہ صاحب بان کی کھردری چارپائی پر حسب معمول گاؤ تکیہ لگا کر نیم دراز تھے۔ ماں جی پائنتی بیٹھی چاقو سے گنا چھیل چھیل کر ان کو دے رہی تھیں۔ وہ مزے مزے سے گنا چوس رہے تھے اورمذاق کر رہے تھے۔ پھر یکا یک سنجیدہ ہو گئے اور کہنے لگے۔ ”بھاگوان شادی سے پہلے میلے میں میں نے تمہیں گیارہ پیسے دئیے تھے کیا ان کو واپس کرنے کا وقت نہیں آیا؟“ ماں جی نے نئی دلہنوں کی طرح سر جھکا لیا اور گنا چھیلنے میں مصروف ہو گئیں۔ ان کے سینے میں بیک وقت بہت خیال امڈ آئے۔ ” ابھی وقت کہاں آیا ہے۔ سرتاج شادی کے پہلے گیارہ پیسوں کی تو بڑی بات ہے۔ لیکن شادی کے بعد جس طرح تم نے میرے ساتھ نباہ کیا ہے اس پر میں نے تمہارے پاؤں دھو کر پینے ہیں۔ اپنی کھال کی جوتیاں تمہیں پہنانی ہیں۔ ابھی وقت کہاں آیا ہے میرے سرتاج۔ لیکن قضاو قدر کے بہی کھاتے میں وقت آچکا تھا۔ جب ماں جی نے سر اٹھایا تو عبد اللہ صاحب گنے کی قاش منہ میں لئے گاؤ تکیہ پر سو رہے تھے۔ ماں جی نے بہتیرا بلایا، ہلایا، چمکارا لیکن عبد اللہ صاحب ایسی نیند سو گئے تھے جس سے بیداری قیامت سے پہلے نہیں۔ ماں جی نے اپنے باقی ماندہ دو بیٹوں اور ایک بیٹی کو سینے سے لگا لگا کر تلقین کی ” بچہ رونا مت۔ تمہارے ابا جی آرام سے سو رہے تھے، اسی آرام سے چلے گئے۔ اب رونا مت۔ ان کی روح کو تکلیف پہنچے گی“۔ کہنے کو تو ماں جی نے کہہ دیاکہ اپنے ابا کی یاد میں نہ رونا، ورنہ ان کو تکلیف پہنچے گی لیکن کیا وہ خود چوری چھپے اس خاوند کی یاد میں نہ روئی ہو ں گی جس نے باسٹھ سال کی عمر تک انہیں ایک الہڑ دلہن سمجھا اور جس نے گورنری کے علاوہ اور کوئی سوکن اس کے سرپر لا کر نہیں بٹھائی۔ جب وہ خود چل دیں تو اپنے بچوں کے لئے ایک سوالیہ نشان چھوڑ گئیں، جو قیامت تک انہیں عقیدت کے بیابان میں سرگرداں رکھے گا۔ اگر ماں جی کے نام پرخیرات کی جائے تو گیارہ پیسے سے زیادہ ہمت نہیں ہوتی، لیکن مسجد کا ملا پریشان ہے کہ بجلی کا ریٹ بڑھ گیا ہے اور تیل کی قیمت گراں ہو گئی ہے۔ ماں جی کے نام پر فاتحہ دی جائے تو مکئی کی روٹی اور نمک مرچ کی چٹنی سامنے آتی ہے لیکن کھانے والا درویش کہتا ہے کہ فاتحہ درود میں پلاؤ اور زردے کا اہتمام لازم ہے۔ ماں جی کا نام آتا ہے تو بے اختیار رونے کو جی چاہتا ہے۔ لیکن اگر رویا جائے تو ڈر لگتا ہے کہ ان کی روح کو تکلیف نہ پہنچے اور اگر ضبط کیا جائے تو خدا کی قسم ضبط نہیں ہوتا۔

يونہی ہنسی ہنسی میں

2006-08-27T00:38:00.000+05:00

يونہی ہنسی ہنسی میں ہم دلوں سے کھیل جاتے ہیں کوئی چھوٹی سی تيکھی بات کوئی چبھتا ہوا جملہ کوئی زہر آلود لہجہ کوئی بے ضرر سي ذو معنی بات سننے والے کے دل پر گھاؤ لگا جاتی ہے پھر کتنی ہی تلافی کے مرہم لگاؤ قطرہ قطرہ خون ٹپکتا ہی رہتا ہے وہ آنسو جو آنکھ سے گِرتا ہی نہیں اندر ہی اندر جم جاتا ہے برف پہ گرے قطرے کی طرح اور برف تو شايد وقت کی گرمی سے پگھل جاتي ہے مگر وہ قطرہ جب بھی پگھلنے لگتا ہے پھیل جاتا ہے بڑھ جاتا ہے بس ختم نہیں ہوتا اور يونہی ہنسی ہنسی میں ہم دلوں سے کھیل جاتے ہیں

(گنڈاسا (احمد ندیم قاسمی

2006-08-26T14:47:00.000+05:00

اکھاڑہ جم چکا تھا۔ طرفین نے اپنی اپنی ”چوکیاں “ چن لی تھیں۔ ”پڑکوڈی“ کے کھلاڑی جسموں پر تیل مل کر بجتے ہوئے ڈھول کے گرد گھوم رہے تھے۔ انہو ں نے رنگین لنگوٹیں کس کر باندھ رکھی تھیں۔ ذرا ذرا سے سفید پھینٹھئے ان کے چپڑے ہوئے لانبے لابنے پٹوں کے نیچے سے گزر کر سر کے دونوں طرف کنول کے پھولوں کے سے طرے بنا رہے تھے۔ وسیع میدان کے چاروں طرف گپوں اورحقوق کے دور چل رہے تھے اور کھلاڑیوں کے ماضی اور مستقبل کو جانچا پرکھا جا رہا تھا۔ مشہور جوڑیاں ابھی میدان میں نہیں اتری تھیں۔ یہ نامور کھلاڑی اپنے دوستوں اور عقیدت مندوں کے گھیرے میں کھڑے اس شدت سے تیل چپڑوا رہے تھے کہ ان کے جسموں کو ڈھلتی دھوپ کی چمک نے بالکل تانبے کا سا رنگ دے دیا تھا، پھر یہ کھلاڑی بھی میدان میں آئے، انہوں نے بجتے ہوئے ڈھولوں کے گرد چکر کاٹے اور اپنی اپنی چوکیوں کے سامنے ناچتے کودتے ہوئے بھاگنے لگے اور پھر آناً فاناً سارے میدان میں ایک سرگوشی بھنور کی طرح گھوم گئی۔”مولا کہاں ہے؟“مولا ہی کا کھیل دیکھنے تو یہ لوگ دور دراز کے دیہات سے کھنچے چلے آئے تھے۔ ”مولا کا جوڑی وال تاجا بھی تو نہیں!“ دوسرا بھنور پیدا ہوا لوگ پوربی چوکوں کی طری تیز تیز قدم اٹھاتے بڑھنے لگے، جما ہوا پڑ ٹوٹ گیا۔ منتظمین نے لمبے لمبے بیدوں اور لاٹھیوں کو زمین پر مار مار کر بڑھتے ہوئے ہجوم کے سامنے گرد کا طوفان اڑانے کی کوشش کی کہ پڑ کا ٹوٹنا اچھا شگون نہ تھا مگر جب یہ سرگوشی ان کے کانوں میں سیروں بارود بھرا ہوا ایک گولا ایک چکرا دینے والے دھماکے سے پھٹ پڑا۔ ہر طرف سناٹا چھا گیا۔ لوگ پڑ کی چوکور حدوں کی طرف واپس جانے لگے۔ مولا اپنے جوڑی وال تاجے کے ساتھ میدان میں آگیا۔ اس نے پھندنوں اور ڈوریوں سے سجے اور لدے ہوئے ڈھول کے گرد بڑے وقار سے تین چکر کاٹے اور پھر ڈھول کو پوروں سے چھو کر یا علیؓ کا نعرہ لگانے کے لئے ہاتھ ہوا میں بلند کیا ہی تھا کہ ایک آواز ڈھولوں کی دھما دھم چیرتی پھاڑتی اس کے سینے پر گنڈاسا بن کر پڑی مولے“ ”اے مولے بیٹے۔ تیرا باپ قتل ہو گیا!“مولا کا اٹھا ہوا ہاتھ سانپ کے پھن کی طرح لہرا گیا اور پھر ایک دم جیسے اس کے قدموں میں نہتے نکل آئے۔ ”رنگے نے تیرے باپ کو ادھیڑ ڈالا ہے گنڈاسے سے!“ ان کی ماں کی آواز نے اس کا تعاقب کیا!پڑ ٹو ٹ گیا۔ ڈھول رک گئے۔ کھلاڑی جلد جلدی کپڑے پہننے لگے۔ ہجوم میں افرا تفری پیدا ہوئی اور پھر بھگدڑ مچ گئی۔مولا کے جسم کا تانبا گاؤں کی گلیوں میں کونڈتے بکھیرتا اڑا جا رہا تھا۔ بہت پیچھے اس کا جوڑی وال تاجا اپنے اورمولا کے کپڑوں کی گھٹڑی سینے سے لگائے آرہا تھا اور پھر اس کے پیچھے ایک خوف زدہ ہجوم تھا۔ جس گاؤں میں کسی شخص کو ننگے سر پھرنے کا حوصلہ نہ ہو سکتا تھا وہاں مولا صرف ایک گلابی لنگوٹ باندھے پہناریوں کی قطاروں، بھیڑوں، بکریوں کے ریوڑوں کو چیرتا ہوا لپکا جا رہا تھا اور جب وہ رنگے کی چوپال کے بالکل سامنے پہنچا تو سامنے ایک اور ہجوم میں سے پیر نورشاہ نکلے اور مولا کو للکار کر بولے۔ ”رک جا مولے!“مولا لپکا گیا مگر پھر ایک دم جیسے اس کے قدم جکڑ لئے گئے اور وہ بت کی طرح جم کر رہ گیا۔ پیر نور شاہ اس کے قریب آئے اور اپنی پاٹ دار آواز میں بولے۔ ”تو آگے نہیں جائے گا مولا!“ہانپتا ہوا مولا کچھ دیر پیر نور شاہ کی آنکھوں میں آنکھیں ڈالے کھڑا رہا۔ پھر بولا ”آگے نہیں جاؤں گا پیر جی تو زندہ کیوں رہوں گا؟“۔ ”میں کہہ رہا ہوں“ پیر جی ”پر زور دیتے ہوئے دبدبے سے بولے۔“مولا ہانپنے کے باوجود ایک ہی سانس میں بولتا چلا گیا۔ ”تو پھر میرے منہ پر کالک بھی مل ڈائے اور ناک بھی کاٹ ڈالئے میری، مجھے تو اپنے باپ کے خون کا بدلہ چکانا ہے پیر جی۔ بھیڑ بکریوں کی بات ہوتی تو میں آپ کے کہنے پر یہیں سے پلٹ جاتا۔“مولا نے گردن کو بڑے زور سے جھٹکا دے کر رنگے کے چوپال کی طرف دیکھا۔ رنگا اور اس کے بیٹے بٹھوں سر گنڈاسے چڑھائے چوپائے پر تنے کھڑے تھے۔ رنگے کا بڑا لڑکابولا۔”آؤ بیٹے آؤ۔ گنڈاسے کے ایک ہی وار سے پھٹے ہوئے پیٹ میں سے انتڑیوں کا ڈھیرا نہ اگل ڈالوں تو قادا نام نہیں، میرا گنڈاسا جلد باز ہے اور کبڈی کھیلنے والے لاڈلے بیٹے باپ کے قتل کا بدلا نہیں لیتے، روتے ہیں اور کفن کا لٹھا ڈھونڈنے چلے جاتے ہیں۔“مولا جیسے بات ختم ہونے کے انتظار میں تھا۔ ایک ہی رفتار میں چوپال کی سیڑھیوں پر پہنچ گیا۔ مگر اب کبڈی کے میدان کا ہجوم بھی پہنچ گیا تھا اور گاؤں کا گاؤں اس کے راستے میں حائل ہو گیا تھا۔ جسم پر تیل چپڑ رکھا تھا اس لئے وہ روکنے والوں کے ہاتھوں سے نکل نکل جاتا مگر پھر جکڑ لیا جاتا۔ ہجوم کا ایک حصہ رنگے اور اس کے تینوں بیٹوں کو بھی روک رہا تھا۔ چار گنڈاسے ڈوبتے ہوئے سورج کی روشنی میں جنوں کی طرح بار بار دانت چمکا رہے تھے کہ اچانک جیسے سارے ہجوم کو سانپ سو نگ گیا۔پیر نور شاہ قرآن مجید کو دونوں ہاتھوں میں بلند کئے چوپال کی سیٹرھیوں پر آئے اور چلائے۔”اس کلام اللہ کا واسطہ اپنے اپنے گھروں کو چلے جاؤ ورنہ بدبختو گاؤں کا گاؤں کٹ مرے گا۔جاؤ‘ تمہیں خدا اور رسولؑ کا واسطہ‘ قرآن پاک کا واسطہ‘جاؤ‘چلے جاؤ۔“لوگ سرجھکا کر ادھر ادھر بکھرنے لگے۔ مولانے جلدی سے تاے سے پٹکا لے کر ادب سے اپنے گھٹنوں کو چھپالیا اور سیٹرھیوں پر سے اتر گیا۔ پیر صاحب قرآن مجید کو بغل میں لئے اس کے پاس آئے اور بولے۔”اللہ تعالی تمہیں صبر دے اور آج کے اس نیک کام کا اجر دے۔“مولا آگے بڑھ گیا۔ تاجا اس کے ساتھ تھا اور جب وہ گلی کے موڑ پر پہنچے تو مولا نے پلٹ کر رنگے کی چوپال پر ایک نظر ڈالی۔”تم تو رو رہے ہو مولے؟“ تاجے نے بڑے دکھ سے کہا۔اور مولانے اپنے ننگے بازو کو آنکھوں پر رگڑ کر کہا۔ ” تو کیا اب روؤں بھی نہیں؟“”لوگ کیا کہیں گے؟“ تاجے نے مشورہ دیا۔”ہاں تاجے!“ مولا نے دوسری بار بازو آنکھوں پر رگڑا۔ ”میں بھی تو یہی سوچ رہا ہوں کہ لوگ کیا کہیں گے، میرے باپ کے خون کی مکھیاں اڑ رہی ہیں اور میں یہاں گلی میں ڈورے ہوئے کتے کی طرح دم دبائے بھاگا جا رہاہوں ماں کے گھٹنے سے لگ کر رونے کے لئے !“لیکن مولا ماں کے گھٹنے سے لگ کر رویا نہیں۔ وہ گھر کے دالان میں داخل ہوا تو رشتہ دار اس کے باپ کی لاش تھانے اٹھا لے جانے کا فیصلہ کر چکے تھے۔منہ پیٹتی اور بال نوچتی ماں اس کے پاس آئی اور ”شرم تو نہیں آتی“ کہہ کر منہ پھیر کر لاش کے پاس چلی گئی۔ مولا کے تیور اسی طرح تنے رہے۔ اس نے بڑھ کر باپ کی لاش کو کندھا دیا اور برادری کے ساتھ روانہ ہو گیا۔اور ابھی لاش تھانے نہیں پہنچی ہو گی کہ رنگے کی چوپال پر قیامت مچ گئی۔ رنگا چوپال کی سیڑھیوں پر سے اترکرسامنے اپنے گھر میں داخل ہونے ہی لگا تھا کہ کہیں سے ایک گنڈاسا لپکا اور انتڑیوں کا ایک ڈھیر اس کے پھٹے ہوئے پیٹ سے باہر ابل کر اس کے گھر کی دہلیز پر بھاپ چھوڑنے لگا۔ کافی دیر کو افرا تفری کے بعد رنگے کے بیٹے گھوڑوں پر سوار ہو کر رپٹ کے لئے گاؤں سے نکلے، مگر جب وہ تھانے پہنچے تو یہ دیکھ کر دم بخود رہ گئے کہ جس شخص کے خلاف وہ رپٹ لکھوانے آئے ہیں وہ اپنے باپ کی لاش کے پاس بیٹھا تسبیح پر قل ھوا اللہ کا ورد کر رہا تھا۔ تھانے دار انہوں نے بہت ہیر پھیر کی کوشش کی اور اپنے باپ کا قاتل مولا ہی کو ٹھہرایا مگر تھانیدار نے انہیں سمجھایا کہ ”خواہ مخواہ اپنے باپ کے قاتل کو ضائع کر بیٹھو گے، کوئی عقل کی بات کرو۔ ادھر یہ میرے پاس اپنے باپ کے قتل کی رپٹ لکھوا رہا ہے ادھرے تمہارے باپ کے پیٹ میں گنڈاسا بھی بھونک آیا ہے۔“آخر دونوں طرف سے چالان ہوئے ، لیکن دونوں قتلوں کا کوئی چشم دید ثبوت نہ ملنے کی بناءپر طرفین بری ہو گئے اور جس روز مولا رہا ہو کر گاؤں میں آیا تو اپنی ماں سے ماتھے پر ایک طویل بوسہ ثبت کرانے کے بعد سب سے پہلے تاجے کے ہاں گیا۔ اسے بھینچ کر گلے لگایا اور کہا ۔ ”اس روز تم اور تمہارا گھوڑا میرے کام نہ آتے تو آج میں پھانسی کی رسی میں توری کی طرح لٹک رہا ہوتا۔ تمہاری جان کی قسم جب میں نے رنگے کے پیٹ کو کھول کر رکاب میں پاؤں رکھا ہے، آندھی بن گیا خدا کی قسم.... اسی لئے تو لاش ابھی تھانے بھی نہیں پہنچی تھی کہ میں ہاتھ جھاڑ کر واپس بھی آگیا۔“سارے گاؤں کو معلوم تھا کہ رنگے کا قاتل مولا ہی ہے، مگر مولے کے چند عزیزوں اور تاجے کے سوا کوئی نہیں جانتا تھا کہ یہ سب کچھ ہوا کیسے پھر ایک دن گاؤں میں یہ خبر گشت کرنے لگی کہ مولا کا باپ تو رنگے کے بڑے بیٹے قادر کے گنڈاسے سے مرا تھا رنگا تو صرف ہشکار رہا تھا۔ بیٹوں کو رات کو چوپالوں اور گھروں میں یہ موضوع چلتا رہا اور صبح کو پتہ چلا کہ قادر اپنے کوٹھے کی چھت پر مردہ پایا گیا اور وہ بھی یوں کہ جب اس کے بھائیوں پھلے اور گلے نے اسے اٹھانے کی کوشش کی تو اس کا سر لڑھک کر نیچے گرا اور پرنالے تک لڑھکتا چلا گیا، رپٹ لکھوائی اور مولا پھر گرفتار ہو گیا۔ مرچوں کا دھواں پیا، تپتی دوپہروں میں لوہے کی چادر پر کھڑا رہا۔ کتنی راتیں اسے اونگھنے تک نہ دیا گیا مگر وہ اقبالی نہ ہوا اور آخر مہینوں کے بعد رہا ہو کر گاؤں میں آ نکلا اور جب اپنے آنگن میں قدم رکھا تو ماں بھاگی ہو ئی آئی۔ اس کے ماتھے پر طویل بوسہ اور بولی۔ ”ابھی دو اور باقی ہیں میرے لال۔ رنگے کا کوئی نام لیوا نہ رہے ، تو جبھی بتیس دھاریں بخشوں گی۔ میرے دودھ میں تیرے باپ کا خون تھا۔مولے اور تیرے خون میں میرادودھ ہے اور تیرے گنڈاسے پر میں نے زنگ نہیں چڑھنے دیا۔ ”مولا اب علاقے بھر کی ہیبت بن گیا تھا۔ اس مونچھوں میں دو دو بل آگئے تھے۔ کانوں میں سونے کی بڑی بڑی بالیاں، خوشبودار تیل اس کے لہرئیے بالوں میں آگ کی قلمیں سی جگائے رکھتا تھا۔ہاتھی دانت کا ہلالی کنگھا اتر کر اس کی کنپٹی پر چمکنے لگا تھا۔ وہ گلیوں میں چلتا تو پٹھے کے تہبند کا کم سے کم آدھا گز تو اس کے عقب میں لوٹتا ہوا جاتا۔ باریک ململ کا پٹکا اس کے کندھے پر پڑا رہتا اور اکثر اس کا سرا گر کر زمین پر گھسٹنے لگتا۔ اور گھسٹتا چلا جاتا۔ مولاکے ہاتھ میں ہمیشہ اس کے قد سے بھی لمبی تلی پلی لٹھ ہوتی اور جب وہ گلی کے کسی موڑ یا کسی چوراہے پر بیٹھتا تو یہ لٹھ جس انداز سے اس کے گھٹنے سے آلگتی اسی انداز سے لگی رہتی اور گلی میں سے گزرنے والوں کو اتنی جرا ¿ت نہ ہوتی کہ وہ مولا کی لٹھ ایک طرف سرکانے کے لئے کہہ سکیں۔ اگر کبھی لٹھ ایک دیوار سے دوسری دیوار تک تن گئی تو لو گ آتے، مولا کی طرف دیکھتے اور پلٹ کر کسی دوسری گلی میں چلے جاتے۔ عورتوں اور بچوں نے تو وہ گلیاں ہی چھوڑ دی تھیں جہاں مولا بیٹھنے کا عادی تھا۔ مشکل یہ تھی کہ مولا کی لٹھ پر سے الانگنے کا بھی کسی میں حوصلہ نہ تھا۔ ایک بار کسی اجنبی نوجوان کا اس گلی میں سے گزر ہوا۔ مولا اس وقت ایک دیوار سے لگا لٹھ سے دوسرے دیوار کو کریدے جا رہا تھا۔ اجنبی آیا اور لٹھ پر سے الانگ گیا۔ ایکا ایکی مولا نے بپھر کر ٹینک میں سے گنڈاسا نکالا اور لٹھ پر چڑھا کر بولا۔”ٹھہر جاؤ چھوکرے، جانتے ہو تم نے کس کی لٹھ الانگی ہے یہ مولا کی لٹھ ہے۔ مولے گنڈاسے والے کی۔“نوجوان مولا کا نام سنتے ہی یک لخت زرد پڑ گیا اور ہولے سے بولا۔ ”مجھے پتہ نہیں تھا، مولے۔“مولا نے گنڈاسا اتار کر ٹینک میں اڑس لیا اور لٹھ کے ایک سرے کو نوجوان کے پیٹ پر ہلکے سے دبا کر بولا۔ ”تو پھر جا کر اپنا کام کر۔“ اور پھروہ لٹھ کو یہاں سے وہاں تک پھیلا کر بیٹھ گیا۔مولا کا لباس، اس کی چال، اس کی مونچھیں اور سب سے زیادہ اس کا لا ابالی انداز، یہ سب پہلے گاؤں کے فیشن میں داخل ہوئے اور پھر علاقے بھر کے فیشن پر اثر انداز ہوئے۔ لیکن مولا کی جو چیز فیشن میں داخل نہ ہو سکی وہ اس کی لانبی لٹھ تھی۔ تیل پلی، پیتل کے کوکوں سے اٹی ہوئی، لوہے کی شاموں میں لپٹی ہوئی، گلیوں کے کنکروں پر بجتی اور یہاں سے وہاں تک پھیل کر آنے والوں کو پلٹا دینے والی لٹھ اور پھر وہ گنڈاسا جس کی میان مولا کی ٹینک تھی اور جس پر اس کی ماں زنگ کا ایک نقطہ تک نہیں دیکھ سکتی تھی۔ لوگ کہتے تھے کہ مولا گلیوںکے نکڑوں پر لٹھ پھیلائے اور گنڈاسا چھپائے گلے اور پھلے کی راہ تکتا ہے۔ قادرے کے قتل اور مولے کی رہائی کے بعد پھلا فوج میں بھرتی ہو کر چلا گیا تھا اور گلے نے علاقہ کے مشہور رسہ گیر چوہدری مظفر الٰہی کے ہاں پناہ لی تھی، جہاں وہ چوہدری کے دوسرے ملازموں کے ساتھ چناب اور راوی پر سے بیل اور گائیں چوری کر کے لاتا۔ چوہدری مظفر اس مال کو منڈیوں میں بیچ کر امیروں، وزیروں اور لیڈروں کی بڑی بڑی دعوتیں کرتا اور اخباروں میں نام چھپواتا اور جب چناب اور راوی کے کھوجی مویشیوں کے کھروں کے سراغ کے ساتھ ساتھ چلتے چوہدری مظفر کے قصبے کے قریب پہنچتے تو جی میں کہتے۔ ”ہمارا ماتھا پہلے ہی ٹھنکا تھا! انہیں معلوم تھا کہ اگر وہ کھروں کے سراغ کے ساتھ ساتھ چلتے چودھری کے گھر تک جا پہنچے تو پھر کچھ دیر بعد لوگ مویشیوں کی بجائے خود کھوجیوں کا سراغ لگاتے پھریں گے اور لگا نہ پائیں گے۔ وہ چوہدری کے خوف کے مارے قصبے کے ایک طرف سے نکل کر اور تھلوں کے ریتے میں پہنچ کر یہ کہتے ہوئے واپس آجاتے ”کھروں کے نشان یہاں سے غائب ہو رہے ہیں۔“مولا نے چوہدری مظفر اور اس کے پھیلے ہوئے بازؤں کے بارے میں سن رکھا تھا۔ اسے کچھ ایسا لگتا تھا کہ جیسے علاقہ بھر میں صرف یہ چوہدری ہی ہے جو اس کی لٹھ الانگ سکتا ہے لیکن فی الحال اسے رنگے کے دونوں بیٹوں کا انتظار تھا۔تاجے نے بڑے بھائیوں کی طرح مولے کوڈانٹا ” اور کچھ نہیں تو اپنی زمینوں کی نگرانی کرلیا کر، یہ کیا بات ہوئی کہ صبح سے شام تک گلیوں میں لٹھ پھیلائے بیٹھے ہیں اور میراثیوں، نائیوں سے خدمتیں لی جارہی ہیں۔ تو شاید نہیں جانتا پر جان لے تو اس میں تیرا ہی بھلا ہے کہ مائیں بچوں کو تیرا نام لے کر ڈرانے لگی ہیں، لڑکیاں تو تیرا نام سنتے ہی تھوک دیتی ہیں، کسی کو بد دعا دینی ہو تو کہتی ہیں اللہ کرے تجھے مولا بیاہ کر لے جائے۔ سنتے ہو مولے!“لیکن مولا تو جس بھٹی میں گودا تھا اس میں پک کر پختہ ہو چکا تھا۔ بولا ”ابے جا تاجے اپنا کام کر، گاؤں بھر کی گالیاں سمیٹ کر میرے سامنے ان کا ڈھیر لگانے آیا ہے؟ دوستی رکھنا بڑی جی داری کی بات ہے پٹھے، تیرا جی چھوٹ گیا ہے تو میری آنکھوں میں دھول کیوں جھونکتا ہے۔ جا اپنا کام کر، میرے گنڈاسے کی پیاس ابھی تک نہیں بجھی.... جا.... اس نے لاٹھی کو کنکروں پر بجایا اور گلی کے سامنے والے مکان میں میراثی کو بانگ لگائی۔ ”ابے اب تک چلم تازہ نہیں کر چکا الو کے پٹھے جا کر گھر والوں کی گود میں سو گیا چلم لا۔“تاجا پلٹ گیا مگر گلی کے موڑ پر رک گیا اور مڑ کر مولے کو کچھ یوں دیکھا جیسے اس کی جواں مرگی پر پھوٹ پھوٹ کر رودے گا۔مولا کنکھیوں سے اسے دیکھ رہا تھا اٹھا اور لٹھ کو اپنے پیچھے گھسیٹتا تاجے کے پاس آکر بولا دیکھ تاجے مجھے ایسا لگتا ہے تو مجھ پر ترس کھا رہا ہے اس لئے کہ کسی زمانے میں تیری یاری تھی پر اب یہ یاری ٹوٹ گئی ہے تاجے تو میرا ساتھ نہیں دے سکتا تو پھر ایسی یاری کو لے کر چاٹنا ہے ۔ میرے باپ کا خون اتنا سستا نہیں تھا کہ رنگے اور اس کے ایک ہی بیٹے کے خون سے حساب چک جائے، میرا گنڈاسا تو ابھی اس کے پوتے، پوتیوں، نواسے، نواسیوں تک پہنچے گا، اس لئے جا اپنا کام کر۔ تیری میری یار ختم ۔ اس لئے مجھ پر ترس نہ کھایا کر، کوئی مجھ پر ترس کھائے تو آنچ میرے گنڈاسے پر جا پہنچتی ہے جا۔“واپس آکر مولا نے میراثی سے چلم لے کر کش لگایا تو سلفہ ابھر کر بکھر گیا۔ ایک چنگاری مولا کے ہاتھ پر گری اور ایک لمحہ تک وہیں چمکتی رہی۔ میراثی نے چنگاری کو جھاڑنا چاہا تو مولانے اس کے ہاتھ پر اس زور سے ہاتھ مارا کہ میراثی بل کھا رہ گیا اور ہاتھ کو ران اور پنڈلی میں دبا کر ایک طرف ہٹ گیااور مولا گرجا۔ ”ترس کھاتا ہے حرامزادہ۔“اس نے چلم اٹھا کر سامنے دیوار پر پٹخ دی اور لٹھ اٹھا کر ایک طرف چل دیا۔ لوگوں نے مولا کو ایک نئی گلی کے چوراہے پر بیٹھے دیکھا تو چونکے اور سرگوشیاں کرتے ہوئے ادھر ادھر بکھر گئے۔ عورتیں سر پر گھڑے رکھے آئیں اور ”ہائیں“ کرتی واپس چلی گئیں۔ مولا کی لٹھ یہاں سے وہاں تک پھیلی ہوئی تھی۔ اورلوگوں کے خیال میں اس پر خون سوار تھا۔ مولا اس وقت دور مسجد کے مینار پر بیٹھی ہوئی چیل کو تکے جارہا تھا۔ اچانک اسے کنکروں پر لٹھ کے بجنے کی آواز آئی۔ چونک کراس نے دیکھا کہ ایک نوجوان لڑکی نے اس کی لٹھ اٹھا کر دیوار کے ساتھ رکھ دی ہے اور ان لانبی سرخ مرچوں کو چن رہی ہے جو جھکتے ہوئے اس کے سر پر رکھی ہوئی گھٹڑی میں سے گر گئی تھیں۔ مولا سناٹے میں آگیا لٹھ کو الانگنا تو ایک طرف رہا اس نے یعنی ایک عورت ذات نے لٹھ کو گندے چیتھڑے کی طرح اٹھا کر پرے ڈال دیا ہے اور اب بڑے اطمینان سے مولا کے سامنے بیٹھی مرچیں چن رہی ہے اور جب مولا نے کڑک کر کہا۔ ”جانتی ہو تم نے کس کی لاٹھی پر ہاتھ رکھا ہے جانتی ہو میں کون ہوں تو اس نے ہاتھ بلند کرکے چنی ہوئی مرچیں گھٹڑی میں ٹھونستے ہوئے کہا کوئی سڑی لگتے ہو۔“مولا مارے غصے کے اٹھ کھڑا ہوا ۔ لڑکی بھی اٹھی اور اس کی آنکھوں میں آنکھیں ڈال کر نرمی سے بولی اسی لئے تو میں نے تمہاری لٹھ تمہارے سر پر نہیں دے ماری ایسے لٹے لٹے سے لگتے تھے مجھے تو تم پر ترس آگیا تھا۔“”تر س آگیا تھا تمہیں مجھ پر؟ مولا دھاڑا۔”مولا!“لڑکی نے گھٹڑی کودونوں ہاتھوں سے تھام لیا اور ذرا سی چونکی۔”ہاں، مولا، گنڈاسے والا“ مولا نے ٹھسے سے کہا اور ذرا سی مسکر اکے گلی میں جانے لگی۔ مولا کچھ دیر وہاں چپ چاپ کھڑا رہا اورپھر ایک سانس لے کر دیواور سے لگ کر بیٹھ گیا۔ لٹھ کو سامنے کی دیوار تک پھیلا لیا تو پرلی طرف سے ادھیڑ عمر کی ایک عورت آتی دکھائی دی ۔ مولا کو دیکھ کر ٹھٹکی۔ مولانے لٹھ اٹھا کر ایک طرف رکھ دی اور بولا۔ ”آجاؤ ماسی، آجاؤ میں تمہیں کھا تھوڑی جاؤں گا۔“حواس باختہ عورت آئی اور مولے کے پاس سے گزرتے ہوئے بولی۔ ”کیسا جھوٹ بکتے ہیں لوگ، کہتے ہیںجہاں مولا بخش بیٹھا ہو وہاں سے باؤ کتا بھی دبک کر گزرتا ہے، پر تو نے میرے لئے اپنی لٹھ۔“”کون کہتا ہے؟“ مولا اٹھ کھڑا ہوا۔”سب کہتے ہیں، سارا گاؤں کہتا ہے، ابھی ابھی کنویں پر یہی باتیں ہو رہی تھیں، پر میں نے تو اپنی آنکھوں سے دیکھ لیا کہ مولا بخش۔“لیکن مولا اب تک اس گلی میں لپک کر گیا تھا جس میں ابھی ابھی نوجوان لڑکی گئی تھی۔ وہ تیز تیز چلتا گیا اور آخر دور لمبی گلی کے سرے پر وہی لڑکی جاتی نظرآئی،وہ بھاگنے لگا۔ آنگنوں میں بیٹھی ہوئی عورتیں دروازوں تک آگئیں اور بچے چھتوں پر چڑھ گئے۔ مولا کاگلی سے بھاگ کر نکلنا کسی حادثے کا پیش خیمہ سمجھا گیا۔ لڑکی نے بھی مولا کے قدموں کی چاپ سن لی تھی، وہ پلٹی اور پھر وہیں جم کر کھڑ ی رہ گئی۔ اس نے بس اتنا ہی کیا کہ گھٹڑی کودونوں ہاتھوں سے تھا م لیا، چند مرچیں دہکتے ہوئے انگاروں کی طرح اس کے پاؤں پر بکھر گئیں۔ ”میں تمہیں کچھ نہیں کہوں گا۔“ مولا پکارا۔ ”کچھ نہیں کہوں گا تمہیں۔“لڑکی بولی۔ ”میں ڈر کے نہیں رکی۔ ڈریں میرے دشمن۔“مولا رک گیا، پھر ہولے ہولے چلتا ہوا اس کے پاس آیا اور بولا۔ ”بس اتنا بتا دو تم ہو کون؟“لڑکی ذرا سا مسکرادی ۔عقب سے کسی بڑھیا کی آواز آئی۔ ”یہ رنگے کے چھوٹے بیٹے کی منگیتر راجو ہے، مولا بخش۔“مولا آنکھیں پھاڑ پھاڑ کر راجو کو دیکھنے لگا۔ اسے راجو کے پاس رنگا اور رنگے کا سارا خاندان کھڑا نظر آیا۔ اس کا ہاتھ ٹینک تک گیا اور پھر رسے کی طرح لٹک گیا۔ راجو پلٹ کر بڑی متوازن رفتار سے چلنے لگی۔ مولانے لاٹھی ایک طرف پھینک دی اور بولا۔ ”ٹھہرو راجو، یہ اپنی مرچیں لیتی جاؤ۔“راجو رک گئی۔ مولانے جھک کر ایک ایک مرچ چن لی اور پھر اپنے ہاتھ سے انہیں راجو کی گھٹڑی میں ٹھونستے ہوئے بولا۔ ”تمہیں مجھ پر تر آیا تھانا راجو؟“۔ لیکن راجو ایک دم سنجیدہ ہو گئی اور اپنے راستے پر ہولی۔ مولا بھی واپس جانے لگا کچھ دور ہی گیا تھا کہ بڑھیا نے اسے پکارا۔ ”یہ تمہاری لٹھ تو یہیں رکھی رہ گئی مولا بخش!“مولا پلٹا اور لٹھ لیتے ہوئے بڑھیا سے پوچھا۔ ”ماسی! یہ لڑکی راجو کیا یہی کی رہنے والی ہے؟ میں نے تو اسے کبھی نہیں دیکھا۔“”یہیں کی ہے بھی بیٹا اور نہیں بھی۔“ بڑھیا بولی۔ ”اس کے باپ نے لام میں دونوں بیٹوں کے مرنے کے بعد جب دیکھا کہ وہ روز ہل اٹھا کر اتنی دور کھیتوں میں نہیں جا سکتا تو گاتں والے گھر کی چھت اکھیڑی اور یہاں سے یوں سمجھو کہ کوئی دو ڈھائی کوس دور ایک ڈھوک بنالی۔ وہیں راجو اپنے باپ کے ساتھ رہتی ہے، تیسرے چوتھے دن گاؤں میں سودا سلف خریدنے آجاتی ہے اور بس۔“مولا جواب میں صرف ”ہوں کہہ کر واپس چلا گیا، لیکن گاؤں بھر میں یہ خبر آندھی کی طرح پھیل گئی کہ آج مولا اپنی لٹھ ایک جگہ رکھ کر بھول گیا۔ باتوں باتوں میں راجو کا ایک دوبار نام آیا مگر دب گیا۔ رنگے کے گھرانے اور مولا کے درمیان صرف گنڈاسے کا رشتہ تھا نا، اور راجو رنگے ہی کے بیٹے کی منگیتر تھی اور اپنی جان کسے پیاری نہیں ہوتی۔“اس واقعہ کے بعد مولا گلیوں سے غائب ہو گیا۔ سارا دن گھر میں بیٹھا لاٹھی سے دالان کی مٹی کریدتا رہتا اور کبھی باہر جاتا بھی تو کھیتوں چراگاہوں میں پھرپھراکر واپس آجاتا۔ ماں اس کے روئیے پر چونکی مگر صرف چونکنے پر اکتفا کی۔ وہ جانتی تھی کہ مولا کے سر پر بہت سے خون سوار ہیں، وہ بھی جو بہا دئیے گئے اور وہ بھی جو بہائے نے جا سکے۔ یہ رمضان کامہینہ تھا ۔ نقارے پٹ پٹا کر خاموش ہوگئے تھے ۔ گھروں میں سحری کی تیاریاں ہو رہی تھیں۔ دہی بلونے اور توے پر روٹیوں کے پڑنے کی آواز مندروں کی گھنٹیوں کی طرح پر اسرار معلوم ہو رہی تھیں ۔ مولا کی ماں بھی چولہا جلائے بیٹھی تھی اورمولان مکان کی چھت پر ایک چارپائی پر لیٹاآسمان کو گھورے جا رہا تھا۔ یکا یک کسی گلی میں ایک ہنگامہ مچ گیا۔ مولا نے فوراً لٹھ پر گنڈاسا چڑھایا اور چھت پر سے اتر کر گلی میں بھاگا۔ ہر طرف گھروں میں لالٹینیں نکلی آرہی تھیں اور شور بڑھ رہا تھا۔ وہاں پہنچ کر مولا کو معلوم ہوا کہ تین مسافر جو نیزوں، برچھیوں سے لیس تھے، بہت سے بیلوں اور گائے بھینسوں کو گلی میں سے ہنکائے لئے جا رہے تھے کہ چوکیدار نے انہیں ٹوکا اور جواب میں انہوں نے چوکیدار کو گالی دے کر کہا کہ یہ مال چوہدری مظفر الٰہی کا ہے، یہ گلی تو خیر ایک ذلیل سے گاؤں کی گلی ہے، چوہدری کا مال تولاہور کی ٹھنڈک سڑک پر سے بھی گزرے تو کوئی اف نہ کرے۔مولا کو کچھ ایسا محسوس ہوا جیسے چوہدری مظفر خود، بہ نفس نفیس گاؤں کی اس گلی میں کھڑا اس سے گنڈاسا چھیننا چاہتاہے، کڑک کر بولا۔ ” چوری کا یہ مال میرے گاؤں سے نہیں گزرے گا، چاہے یہ چوہدری مظفر کا ہو چاہے لاٹ صاحب کا۔ یہ مال چھوڑ کر چپکے سے اپنی راہ لو اور اپنی جان کے دشمن نہ بنو!“ اس نے لٹھ کر جھکا کر گنڈاسے کو لالٹینوں کی روشنی میں چمکایا۔ ”جاؤ۔“مولا گھرے ہوئے مویشیوں کو لٹھ سے ایک طرف ہنکانے لگا۔ ”جا کر کہہ دو اپنے چوہدری سے کہ مولا گنڈاسے نے تمہیں سلام بھیجا ہے اور اب جاؤ اپنا کام کرو۔“مسافروں نے مولا کے ساتھ سارے ہجوم کے بدلے ہوئے تیور دیکھے تو چپ چاپ کھسک گئے۔ مولا سارے مال کو اپنے گھر لے آیا اور سحری کھاتے ہوئے ماں سے کہا کہ ”یہ سب بے زبان ہمارے مہمان ہیں، ان کے مالک پرسوں تک آنکلیں گے کہیں سے، اور گاؤں کی عزت میری عزت ہے ماں۔“مالک دوسرے ہی دن دوپہر کو پہنچ گئے۔۔ یہ غریب کسان اور مزارعے کوسوں کی مسافتیں طے کرکے کھوجیوں کی ناز برداریاں کرتے یہاں تک پہنچے تھے اور یہ سوچتے آرہے تھے کہ اگر ان کا مال چوہدری کے حلقہ اثر تک پہنچ گیا تو پھر کیاہو گا اور جب مولا ان کا مال ان کے حوالے کر رہا تھا تو سارا گاؤں باہر گلی میں جمع ہو گیا تھا اور اس ہجوم میں راجو بھی تھی۔ اس نے اپنے سر پر اینڈوا جما کر مٹی کا ایک برتن رکھا ہوا تھا اور منتشر ہوتے ہوئے ہجوم میں جب راجو مولا کے پاس سے گزری تو مولا نے کہا۔ ”آج بہت دنوں بعد گاؤں میں آئی ہو راجو۔“”کیوں؟“ اس نے کچھ یوں کہا جیسے ”میں کسی سے ڈرتی تھوڑی ہوں“ کا تاثر پیدا کرنا چاہتی ہو۔ میں تو کل آئی تھی اور پرسوں اور ترسوں بھی۔ ترسوں تھوم پیار خریدنے آئی۔ پرسوں بابا کو حکیم کے پاس لائی، کل ویسے ہی آگئیں اور آج یہ گھی بیچنے آئی ہوں۔“”کل ویسے ہی کیوں آگئیں؟“ مولا نے بڑے اشتیاق سے پوچھا۔”ویسے ہی بس جی چاہا آگئے، سہیلیوں سے ملے اور چلے گئے ، کیوں؟“”ویسے ہی....“ مولا نے بجھ کرکہا، پھر ایک دم اسے ایک خیال آیا۔ ”یہ گھی بیچوگی؟“”ہاں بیچنا تو ہے، پر تیرے ہاتھ نہیں بیچوں گی۔“”کیوں؟“”تیرے ہاتھوں میں میرے رشتہ داروں کا خون ہے۔“مولا کو ایک دم خیال آیا کہ وہ اپنی لٹھ کو دالان میں اور گنڈاسے کو بستر تلے رکھ کر بھول آیا ہے۔ اس کے ہاتھوں میں چل سی ہو نے لگی۔ اس نے گلی میں ایک کنکر اٹھایا اور اسے انگلیوں میں مسلنے لگا۔راجو جانے کے لئے مڑی تو مولا ایک دم بولا۔ ”دیکھو راجو میرے ہاتھوں پر خون ہے ہی، اور ان پر ابھی جانے کتنا اور خون چڑے گا، پر تمہیں گھی بیچنا ہے اور مجھے خریدنا ہے، میرے ہاتھ نہ بیچو، میری ماں کے ہاتھ بیچ دو۔“راجو کچھ سوچ کر بولی....”چلو....آؤ....“مولا آگے آگے چلنے لگا۔ جاتے جاتے جانے اسے وہم سا گزرا کہ راجو اس کی پیٹھ اور پٹوں کو گھورے جا رہی ہے۔ ایک دم اس نے مڑ کردیکھا راجو گلی میں چگتے ہوئے مرغی کے چوزوں کو بڑے غور سے دیکھتی ہوئی آرہی تھی۔ وہ فوراً بولا”یہ چوزے میرے ہیں۔“”ہوں گے۔“ راجو بولی۔مولا اب آنگن میں داخل ہو چکا تھا ، بولا ”ماں یہ سب گھی خرید لو، میرے مہمان آنے والے ہیں تھوڑے دنوں میں۔“راجو نے برتن اتار کر اس کے دہانے پر سے کپڑا کھولا تاکہ بڑھیا گھی سونگھ لے، مگر وہ اندر چلی گئی تھی ترازو لینے اور مولا نے دیکھا کہ راجو کی کنپٹیوں پر سنہرے روئیں ہیں اور اس کی پلگیں یوں کمانوں کی طرح مڑی ہوئی ہیں جیسے اٹھیں گی تو اس کی بھنوؤں کو مس کرلیں گی اور ان پلکوں پر گرد کے ذرے ہیں اور اس کے ناک پر پسینے کے ننھے ننھے سوئی کے ناکے سے قطرے چمک رہے ہیں اور نتھنوں میں کچھ ایسی کیفیت ہے جیسے گھی کے بجائے گلاب کے پھول سونگھ رہی ہو۔ اس کے اوپر ہونٹ کی نازک محراب پر بھی پسینہ ہے اور ٹھوڑی اور نچلے ہونٹ کے درمیان ایک تل ہے جو کچھ یوں اچٹا ہوا لگ رہاہے جیسے پھونک مارنے سے اڑ جائے گا۔ کانوں میں چاندی کے بندے انگور کے خوشوں کی طرح لس لس کرتے ہوئے لرز رہے ہیں۔ اور ان بندوں میں اس کے بالوں کی ایک لٹ بے طرح الجھی ہوئی ہے۔ مولے گنڈاسے والے کا جی چاہا کہ وہ بڑی نرمی سے اس لٹ کو چھڑا کر راجو کے کانوں کے پیچھے جما دے یا چھڑاکر یونہی چھوڑ دے یا اسے اپنی ہتھیلی پر پھیلاکر ایک ایک بال کو گننے لگے یا....ماں ترازو لے کر آئی تو راجو بولی۔ ”پہلے دیکھ لے ماسی، رگڑ کے سونگھ لے۔ آج صبح ہی کو تازہ تازہ مکھن گرم کیا تھا۔ پر سونگھ لے پہلے!“”نہ بیٹی میں تو نہ سونگھوں گی“۔ ماں نے کہا ”میرا تو روزہ مکروہ ہوتا ہے!“۔ پھر وہ راجو کوگھور گھور کر دیکھنے لگی اور کچھ دیر کے بعد بولی۔”تو غلام علی کی بیٹی تو نہیں؟“”ہاں“”تو پھر جا“.... ماں نے ترازو اٹھا کر ایک طرف پٹخ دی....”تجھے حوصلہ کیسے ہوا میرے یہاں قدم دھرنے کا۔ رشتہ قتلوں کا اور سودے گھی کے ۔ جا!“پھر وہ مولا کی طرف مڑی۔ ”جن پرگنڈاسے چلانے ہیں ان سے گھی کا لین دین نہیں ہوتا میری جان۔ یہ گلے کی منگیتر ہے، گلے کی۔ رنگے کے بیٹے کی!“راجو جس کا چہرہ کانوں تک سرخ ہو گیا تھا جلدی سے برتن پر کپڑا باندھ کر اٹھی اور بولی۔ ”تمہارے سینوں میں دل ہیں یا خشخاش کے دانے۔“مولا کے منہ پر جیسے ایک طرف اس کی ماں نے اور دوسری طرف راجو نے تھپڑ مار دیاتھا۔ وہ بھنا کر رہ گیا اور جب راجو چلی گئی تو چلتی دوپہر میںاوپر چھت پر چڑھ گیا۔ اور چارپائی پر لیٹ گیا اور دیر تک یونہی دھوپ میں لیٹارہا۔ اور جب اس ماں اسے اٹھانے آئی تو رو رہا تھا۔”تو تم رو رہے ہو مولے؟“ اس نے حیران ہو کرپوچھا۔اور مولا بولا۔”اب روؤں بھی نہیں؟“ماں چکرا کر اس کے پاس بیٹھ گئی۔ وہ بیٹے کے سوال میں اپنے سوال کا جواب ڈھونڈ رہی تھی۔اب مولا گھر میں بھی نہیں بیٹھتا تھا۔ سارا سارا دن لاری کے اڈے پر نورے نائی کے ہاں پڑا رہتا۔ نورے نے وہاں چائے کی دکان کھول رکھی تھی۔ شام سے پہلے جب لاری آتی تو گاؤں بھر کے نوجوانوں اور بچوں کا وہاں ہجوم لگ جاتا.... سب نورے کی چائے پیتے اور ڈرائیور سے شہروں کی خبریں پوچھتے، اور مولا ان سب سے الگ ایک کھٹولے پر لیٹا آسمان کو گھورتا رہتا۔ لوگ اب مولا کے عادی ہو چکے تھے۔ وہ اس کے پاس سے حقہ تک اٹھا لاتے تھے مگر کسی کو اس کی لٹھ چھونے یا الانگنے کی جرا ¿ت نہ ہوتی جو وہاں کھٹولے کے ساتھ لگی لاری کے انجن تک تنی رہتی تھی۔پھر ایک روز جب شام سے پہلے لاری آکر رکی اور اس میں سے مسافر اترنے لگے تو ایکا ایکی جیسے سارے اڈے پر الو بول گیا۔ لاری میں سے رنگے کا بیٹا گلا اترا، اس کے پیچھے چار بڑے قد آور گبرو اترے اور پھر پانچویں ایک طرف جا کر باتیں کرنے لگے۔ مولا اس سناٹے سے چونکا اور چارپائی پر اٹھ کر بیٹھ گیا۔ اس نے ہجوم کودیکھا کہ ہجوم سمٹ کر نورے کی دیوار کے ساتھ لگ گیا ہے اور سامنے گلا کھڑا اس کی طرف اشارہ کر رہاہے۔ اس نے تیزی سے چارپائی پر سے پاؤں لٹکائے اور ٹینک میں سے گنڈاسا نکال کر لٹھ پر چڑھالیا....”حقہ لانا نورے۔“ وہ پکارا، اور زور رو نوراکانپتے ہوئے ہاتھوں اس کے پاس حقہ رکھ کر غڑاپ سے دکان کے اندر چلا گیا۔اب پانچویں نووارد لاری سے کچھ فاصلے میں کھڑے گھور گھور کر مولا کو دیکھنے لگے۔ جس نے بے پروائی سے ایک لمبا کش لگا کر دھواں آسمان کی طرف اڑا دیا۔”مولے“ گلے نے اسے للکارا۔”کہو“ مولے نے ایک اور کش لگا کر اب کے دھواں گلے کی طرف اڑا دیا۔”ہم تم سے کچھ کہنے آئے ہیں۔“....”کہو کہو....“”گنڈاسا ایک طرف رکھ دو، ہم بھی خالی ہواتھ ہیں۔“۔ ”لو“ مولا نے لٹھ کی ایک طرف گرا دیا۔ پانچوں آہستہ آہستہ ا س کی طرف بڑھنے لگے۔ ہجوم جیسے دیوار سے چمٹ رہ گیا ۔ بچے بہت پیچھے ہٹ کر کمہاروں کے آوے پر چڑھ گئے تھے۔”کیا بات ہے؟“ مولا نے گلے سے پوچھا۔گلا جواب اس کے پاس پہنچ گیا تھا بولا۔”تم نے چوہدری مظفر کا مال روکا تھا!“”ہاں“ مولا نے بڑے اطمینان سے کہا۔”پھر؟“گلے نے کنکھیوں سے اپنے ساتھیوں کو دیکھا اور گلا صاف کرتے ہوئے بولا۔ چوہدری نے تمہیں اس کا انعام بھیجا ہے اور کیا ہے کہ ہم یہ انعام ان سارے گاؤں والوں کے سامنے تمہارے حوالے کردیں۔“”انعام!“ مولا چونکا۔ ”آخر بات کیاہے؟“گلے نے تڑاخ سے ایک چانٹا مولا کے منہ پر مارا اور پھر بجلی کی سی تیزی سے پیچھے ہٹتے ہوئے بولا ۔ ”یہ بات ہے۔“تڑپ کر مولا نے لٹھ اٹھائی، ڈوبتے ہوسے سورج کی روشنی میں گنڈاسا شعلے کی طرح چمکا، پانچویں نووارد غیر انسانی تیزی سے واپس بھاگے، مگر گلا لاری کے پرلی طرف کنکروں پر پھسل کر گر گیا لپکتا ہوا مولا رک گیا، اٹھا ہوا گنڈاسا جھکا اور جس زاوئیے پر جھکا تھا وہیں جھکا رہ گیا.... دم بخود ہجوم دیوارسے اچٹ اچٹ کر آگے آرہا تھا۔ بچے آوے کی راکھ اڑاتے ہوئے اتر آئے، نورا دکان میں سے باہر آگیا۔گلے نے اپنی انگلیوں اور پنجوں کو زمین میں یو گاڑ رکھا تھا۔ جیسے دھرتی کے سینہ میں اتر جانا چاہتا ہے .... اور پھرمولا ، جو معلوم ہوتا تھا کچھ دیر کے لئے سکتے میں آگیا ہے، ایک قدم آگے بڑھا، لٹھ کو دور دوکان کے سامنے اپنے کھٹولے کی طرف پھینک دیا اور گلے کو بازو سے پکڑ کر بڑی نرمی سے اٹھاتے ہوئے بولا.... چوہدری کو میراسلام دینا اور کہنا کہ انعام مل گیا ہے، رسید میں خود پہنچانے آؤ ںگا۔“اس نے ہولے ہولے گلے کے کپڑے جھاڑے، اس کے ٹوٹے ہوئے طرے کو سیدھا کیا اور بولا۔ ”رسید تم ہی کو دے دیتا پر تمہیں تو دولہا بننا ہے ابھی.... اس لئے جاؤ، اپنا کام کرو....“گلا سر جھکائے ہولے ہولے چلتا گلی میں مڑ گیا....مولا آہستہ آہستہ کھاٹ کی طرف بڑھا، جیسے جیسے وہ آگے بڑھ رہا تھا ویسے ویسے لوگوں کے قدم پیچھے ہٹ رہے تھے اور جب اس نے کھاٹ پر بیٹھنا چاہا تو کمہاروں کے آوے کی طرف سے اس کی ماں چیختی چلاتی بھاگتی ہوئی آئی، اورمولا کے پاس آکر نہایت وحشت سے بولنے لگی۔” تجھے گلے نے تھپڑ مارا اور تو پی گیا چپکے سے! ارے تو تو میرا حلالی بیٹا تھا۔ تیرا گنڈاسا کیوں نہ اٹھا؟تونے....“ وہ اپنا سر پیٹتے ہوئے اچانک رک گئی اور بہت نرم آواز میں جیسے بہت دور سے بولی۔ ”تو تو رورہا ہے مولے؟“مولے گنڈاسے والے نے چارپائی پر بیٹھتے ہوئے اپنا ایک بازو آنکھوں پر رگڑا اور لرزتے ہوئے ہونٹوں سے بالکل معصوم بچوں کی طرح ہولے بولا”تو کیا اب روؤں بھی نہیں!“۔ (احمد ندیم قاسمی)

ابتدائي حساب

2006-08-26T10:05:00.000+05:00

حساب کے چار بڑے قاعدے ہيں جمع، تفريق، ضرب، تقسيم پہلا قاعدہ : جمع جمع کے قاعدے پر عمل کرنا آسان نہيں خصوصا مہنگائي کے دنوں میں سب کچھ خرچ ہوجاتا ہے کچھ جمع نہيں ہوپاتا جمع کا قاعدہ مختلف لوگوں کيلئے مختلف ہے عام لوگوں کيلئے ١+١ = 1 1/2 کيونکہ 1/2 انکم ٹيکس والے لے جاتے ہيں تجارت کے قاعدے سے جمع کرائيں تو 1+1 کا مطلب ہے گيارہ رشوت کے قاعدے سے حاصل جمع اور زيادہ ہوجاتا ہے قاعدہ وہي اچھا جس ميں حاصل جمع زيادہ آئے بشرطيکہ پوليس مانع نہ ہو ايک قاعدہ زباني جمع خرچ کا ہوتا ہے يہ ملک کے مسائل حل کرنے کا کام آتا ہے آزمودہ ہے ۔۔۔ ابن انشاء ۔۔۔

گُلوں ميں رنگ بھرے باد نو بہار چلے

2006-08-25T16:04:00.000+05:00

گُلوں ميں رنگ بھرے باد نو بہار چلے چلے بھي آؤ کہ گلشن کا کاروبار چلے قفس اداس ہے ياروں صبا سے کچھ تو کہو کہيں تو بہرِ خدا، آج ذکرِ يار چلے کبھي تو صبح ترے کنج لب سے ہو آغاز کبھي تو شب سرکا کل سے مشکبار چلے بڑا ہے درد کا رشتہ ،يہ دل غريب سہي تمہارے نام پہ آئيں گے غمگسار چلے جو ہم پہ گزري سو گزري مگر شب ہجراں ہمارے اشک تري عاقبت سنوار چلے حضور يار ہوئي دفتر جنوں کي طلب گرہ ميں لے کر گريبان کا تار تار چلے ۔۔۔ فيض احمد فيض ۔۔۔

يہ عالم شوق

2006-08-25T16:02:00.000+05:00

يہ عالم شوق کا ديکھا نہ جائے وہ بت ہے يا خدا، ديکھا نہ جائے يہ کن نظروں سے تو نے آج ديکھا کہ تيرا ديکھنا، ديکھا نہ جائے ہميشہ کيلئے مجھ سے بچھڑ جا يہ منظر بارہا ديکھا نہ جائے غلط ہے سنا پر آزما کر تجھے اے بے وفا ديکھا نہ جائے يہ محرومي نہيں پاس وفا ہے کوئي تيرے سوا ديکھا نہ جائے يہي تو آشنا بنتے ہيں آخر کوئي نا آشنا ديکھا نہ جائے فراز اپنے سوا ہے کون تيرا تجھے تجھ سے جدا ديکھا نہ جائے ۔۔۔ احمد فراز ۔۔۔

کب ياد ميں

2006-08-23T14:46:00.000+05:00

کب ياد ميں تيرا ساتھ نہيں، کب بات ميں تري بات نہيں صد شکر کہ اپني راتوں ميں اب ہجر کي کوئي رات نہيں مشکل ہيں اگر حالات وہاں، دل بيچ آئيں جان دے آئيں دل والوں کوچہ جاناں ميں کيا ايسے بھي حالات نہيں جس دھج سے کوئي مقتل ميں گيا، وہ شان سلامت رہتي ہے يہ جان تو آني جاني ہے، اس کي تو کوئي بات نہيں ميدان وفا دربار نہیں، ياں نام و نسب کي پوچھ کہاں عاشق تو کسي کا نام، کچھ عشق کسي کي ذات نہيں گربازي عشق کي بازي ہے، جو چاہو لگا دو ڈر کيسا گر جيت گئےتو کيا کہنا، ہارے بھي بازي مات نہيں ۔۔۔ فيض احمد فيض ۔۔۔

اتفاق ميں برکت ہے

2006-08-21T17:31:00.000+05:00

ايک بڑے مياں جنہوں نے اپني زندگي ميں بہت کچھ کمايا بنايا تھا۔ آخر بيمار ہوئے، مرض الموت ميں گرفتار ہوئے۔ ان کو اور تو کچھ نہیں، کوئي فکر تھي تو يہ کہ ان کے پانچوں بيٹوں کي آپس میں نہیں بنتي تھي۔ گاڑھي کيا پتلي بھي نہیں چھنتي تھي۔ لڑتے رہتے تھے کبھي کسي بات پر اتفاق نہ ہوتا تھا حالانکہ اتفاق ميں بڑي برکت ہے۔ آخر انہوں نے بيٹوں پر اتحاد و اتفاق کي خوبياں واضح کرنے کے لئے ايک ترکيب سوچي۔ ان کو اپنے پا س بلايا اور کہا ۔ ديکھو اب میں کوئي دم کا مہمان ہوں سب جا کر ايک ايک لکڑي لاؤ۔ ايک نے کہا۔ لکڑي؟ آپ لکڑيوں کا کيا کريں گے؟ دوسرے نے آہستہ سے کہا ۔بڑے مياں کا دماغ خراب ہو رہا ہے۔ لکڑي نہیں شايد ککڑي کہہ رہے ہیں، ککڑي کھانے کو جي چاہتا ہوگا۔ تيسرے نے کہا نہیں کچھ سردي ہے شايد آگ جلانے کو لکڑياں منگاتے ہوں گے ۔ چوتھے نے کہا بابو جي کوئلے لائيں؟ پانچويں نے کہا نہیں اپلے لاتا ہوں وہ زيادہ اچھے رہيں گے۔ باپ نے کراہتے ہوئے کہا ارے نالائقو میں جو کہتا ہوں وہ کرو۔ کہیں سے لکڑياں لاؤ جنگل سے۔ ايک بيٹے نے کہا۔ يہ بھي اچھي رہي، جنگل يہاں کہا؟ اور محکمہ جنگلات والے لکڑي کہاں کاٹنے ديتے ہيں۔ دوسرے نے کہا آپنے آپے ميں نہیں ہيں بابو جي بک رہے ہيں جنون ميں کيا کيا کچھ۔ تيسرے نے کہا بھئي لکڑيوں والي بات اپُن کي تو سمجھ میں نہیں آئي۔ چوتھے نے کہا۔ بڑے مياں نے عمر بھر ميں ايک ہي تو خواہش کي ہے اسے پورا کرنے ميں کيا حرج ہے؟ پانچويں نے کہا اچھا میں جاتا ہوں ٹال پر سے لکڑياں لاتا ہوں۔ چنانچہ وہ ٹال پرگيا، ٹال والے سے کہا خان صاحب ذرا پانچ لکڑياں تو دينا اچھي مضبوط ہوں۔ ٹال والے نے لکڑياں ديں۔ ہر ايک خاصي موٹي اور مضبوط ۔ باپ نے ديکھا اس کا دل بيٹھ گيا۔ يہ بتانا بھي خلاف مصلحت تھا کہ لکڑياں کيوں منگائي ہيں اور اس سے کيا اخلاقي نتيجہ نکالنا مقصود ہے۔ آخر بيٹوں سے کہا۔ اب ان لکڑيوں کا گھٹا باندھ دو۔ اب بيٹوں ميں پھر چہ ميگوئياں ہوئيں،گٹھا، وہ کيوں؟ اب رسي کہاں سے لائیں بھئي بہت تنگ کيا اس بڈھے نے ۔ آخر ايک نے اپنے پاجامے ميں سے ازار بند نکالا اور گھٹا باندھا۔ بڑے مياں نے کہا۔ اب اس گھٹے کو توڑو۔ بيٹوں نے کہا۔ تو بھئي يہ بھي اچھي رہي۔ کيسے توڑيں ۔ کلہاڑا کہاں سے لائيں ۔ باپ نے کہا کلہاڑي سے نہیں ۔ہاتھوں سے توڑو گھٹنے سے توڑو۔ حکم والد مرگ مفاجات ۔ پہلے ايک نے کوشس کي ۔پھر دوسرے نے پھر تيسرے نے پھر چوتھے نے پھر پانچويں نے۔ لکڑيوں کا بال بيکا نہ ہوا۔ سب نے کہا بابو جي ہم سے نہیں ٹوٹتا يہ لکڑيوں کا گھٹا۔ باپ نے کہا اچھا اب ان لکڑيوں کو الگ الگ کر دو ، ان کي رسي کھول دو۔ ايک نے جل کر کہا رسي کہاں ہے ميرا ازار بند ہے اگر آپ کو کھلوانا تھا تو گھٹا بندھوايا ہي کيوں تھا۔ لاؤ بھئي کوئي پنسل دينا ازار بند ڈال لوں پاجامے میں۔ باپ نے بزرگانہ شفقت سے اس کي بات کو نظر انداز کرتے ہوئے کہا اچھا اب ان لکڑيوں کو توڑو ايک ايک کر کے توڑو۔ لکڑياں چونکہ موٹي موٹي اور مضبوط تھيں۔ بہت کوشش کي کسي سے نہ ٹوٹيں آخر میں بڑے بھائي کي باري تھي۔ اس نے ايک لکڑي پر گھٹنے کا پورا زور ڈالا اور تڑاخ کي آواز آئي۔ باپ نے نصيحت کرنے کے لئے آنکھيں ايک دم کھول ديں، کيا ديکھتا ہے کہ بڑا بيٹا بے ہوش پڑا ہے۔ لکڑي سلامت پڑي ہے۔ آواز بيٹے کے گھٹنے کي ہڈي ٹوٹنے کي تھي۔ ايک لڑکے نے کہا يہ بڈھا بہت جاہل ہے۔ دوسرے نے کہا۔ اڑيل ضدي۔ تيسرے نے کہا، کھوسٹ ، سنکي عقل سے پيدل، گھا مڑ۔ چوتھے نے کہا۔ سارے بڈھے ايسے ہي ہوتے ہيں کمبخت مرتا بھي نہیں۔ بڈھے نے اطمينان کا سانس ليا کہ بيٹوں ميں کم از کم ايک بات پر تو اتفاق رائے ہوا۔ اس کے بعد آنکھيں بند کيں اور نہايت سکون سے جان دے دي۔ ۔۔۔ ابن انشاء ۔۔۔

بڑا پانی

2006-08-19T11:20:00.000+05:00

اگرچہ ۔۔۔ جھیلوں اور ایسے بڑے پانیوں کے دوسرے کنارے ہمیشہ زیادہ حسین اور دلفریب دکھائی دیتے ہیں لیکن اس بڑے پانی کا یہ کنارہ جہاں ہم تھے ۔۔۔ بقول یوسف بس “غدر“ تھا ۔۔۔ بڑے پانی کی گہری نیلگوں ندی سے بلند اس کنارے کی جو ہموار سطح تھی وہاں جو گھاس سرسراتی تھی ۔۔۔ وہ دوپہر کی دھوپ میں مایا زیوروں کے سنہری پن اور ساسانی جام کے سونے کی قدامت سے بھی بڑھ کر سنہری اور روشن تھی ۔۔۔ اس کی زرد خزاں رنگت ایسی تھی کہ اس پر دنیا کا سب سے بڑا مصور بھی اگر صرف ایک سٹروک لگا کر اس کے حسنِ کرشمہ ساز کو مکمل کرنا چاہے ۔۔۔ وہ بے شک چاند کے زرد تھال میں سے رنگ نکال لے ۔۔۔ ابھرتے سورج کی زردی میں اپنا برش ڈبو لے ۔۔۔ تب بھی اسے بڑے پانی کی اس سنہری گھاس میں کہیں سے ایک ایسا مقام نہیں ملے گا جس پر وہ یہ سٹروک لگا کر تصویر کو مکمل کرے ۔۔۔ کیونکہ تصویر تکمیل کی حدوں سے بھی آگے جا کر اپنی زردی اور سنہرے پن میں ۔۔۔ کسی بھی مصور کے بس سے باہر ہو چکی تھی ۔۔۔ ۔۔۔ مستنصر حسین تاڑر کی “دیوسائی“ سے اک اقتباس ۔۔۔ تصویر کے لئیے آوارہ کا شکریہ

چڑا اور چڑيا

2006-08-18T15:40:00.000+05:00

ايک تھي چڑيا، ايک تھا چڑا، چڑيا لائي دال کا دانا، چڑا لايا چاول کا دانا، اس سے کچھڑي پکائي، دونوں نے پيٹ بھر کر کھائي، آپس ميں اتفاق ہو تو ايک ايک دانے کي کچھڑي بھي بہت ہوتي ہے۔ چڑا بيٹھا اونگھ رہا تھا کہ اس کے دل ميں وسوسہ آيا کہ چاول کا دانا بڑا ہوتا ہے، دال کا دانا چھوٹا ہوتا ہے۔ پس دوسرے روز کچھڑي پکي تو چڑے نے کہا اس میں چھپن حصے مجھے دے، چواليس حصے تو لے، اے باگھوان پسند کر يا نا پسند کر ۔ حقائق سے آنکھ مت بند کر ، چڑے نے اپني چونچ ميں سے چند نکات بھي نکالے، اور بي بي نے آگے ڈالے۔ بي بي حيران ہوئي بلکہ رو رو کر ہلکان ہوئي کہ اس کے ساتھ تو ميرا جنم کا ساتھ تھا ليکن کيا کر سکتي تھي۔ دوسرے دن پھر چڑيا دال کا دانا لائي اور چڑا چاول کا دانا لايا۔ دونوں نے الگ الگ ہنڈيا چڑھائي ، کچھڑي پکائي ، کيا ديکھتے ہیں کہ دو ہي دانے ہيں، چڑے نے چاول کا دانا کھايا، چڑيا نے دال کا دانا اٹھايا ۔ چڑے کو خالي چاول سے پيچش ہوگئي چڑيا کو خالي دال سے قبض ہو گئي۔ دونوں ايک حکيم کے پاس گئے جو ايک بِلا تھا، اس نے دونوں کے سروں پر شفقت کا ہاتھ پھيرا اور پھيرتا ہي چلا گيا۔ ديکھا تو تھے دو مشت پر يہ کہاني بہت پرانے زمانے کي ہے۔ آج کل تو چاول ايکسپورٹ ہو جاتا ہے اور دال مہنگي ہے۔ اتني کہ وہ لڑکياں جو مولوي اسماعيل ميرٹھي کے زمانے ميں دال بگھارا کرتي تھيں۔ آج کل فقط شيخي بگھارتي ہيں۔ ۔۔۔ ابن انشاء ۔۔۔

میرا جنون، میری وفا

2006-08-18T00:58:00.002+05:00

کبھی کبھی میں جیتی بازی ہار جاتا ھوں مسافر ھوں منز ل سے منہ موڑ جاتا ھوں شبنم کے موتی قطرہ قطرہ جس میں جمع کیۓ صبح ہوتے ہی اکثر میں وہ پیالا توڑ جاتا ھوں وہ جس کے دیدار کی خاطر سویا نہیں تھا اب تک آج اس کے آنے پہ میں وہ شہر ہی چھوڑ آیا ھوں وہ جس کے نقوش سنوارتے، بیتے کئ دن بگڑے ہونٹوں کو مسکان دی یوں ہی بیتے کئ موسم وہ مورت بھی میں اکثر ادھوری چھوڑ آتا ھوں میں منہ موڑ جاتا ھوں

خدا کرے

2006-08-17T06:40:00.000+05:00

خدا کرے کہ میری ارض پاک پر اترے وہ فصل گل جسے اندیشہء زوال نہ ہو یہاں سے جو پھول کھلے، کھلا رہے صدیوں یہاں سے خزاں کو گزرنے کی مجال نہ ہو یہاں جو سبزا اُگے ہمیشہ سبز رہے اور ایسا سبز کہ جس کی کوئی مثال نہ ہو خدا کرے کہ نہ خم ہو سر وقار وطن اور اس کے حسن کو تشویش ماہ و سال نہ ہو ہر ایک فرد ہو، تہذیب و فن کا اوج کمال کوئی ملول نہ ہو، کوئی خستہ حال نہ ہو خدا کرے میرے ایک بھی ہم وطن کے لئے حیات جرم نہ ہو، زندگی وبال نہ ہو شعیب صفدر کے بلاگ سے ، شکریہ کے ساتھ

دل کی دنیا میں کبھی ایسا بھی سناٹا نہ تھا

2006-08-16T15:09:00.000+05:00

دل کی دنیا میں کبھی ایسا بھی سناٹا نہ تھا ہم ہی ساکت ہو گۓ تھےوقت تو ٹھہرا نہ تھا یہ بجا ! کہ وسوسے بھی دل میں اٹھتے تھے مگر یوں بھی ھوجاۓ گا ایسا تو کبھی سوچا نہ تھا وسوسے تھے، خوف تھا، ڈر بھی تھا، اندیشے بھی تھے اتنا روشن چاند پہلے ڈوبتے دیکھا تو نہ تھا ضرب کاری تھی بہت آخر شکستہ ہوگیا دل ہی تھا پہلو میں پتھر کا کوئ ٹکڑا نہ تھا اسکے سینے میں اگر ہو درد کی دنیا تو ہو اسکے چہرے پر کسی بھی کرب کا سایہ نہ تھا تھا بہاروں کا پیامی اس کے چہرے کا گلاب مشکلوں کے ریگزار میں بھی کملایا نہ تھا وہ ترو تازہ، شگفتہ، خنداں، روشن، دلربا بھول جاؤں میں جسے ایسا تو وہ چہرہ نہ تھا گرد جسکے کھینچ رکھا تھا حفاظت کا حصار چھوڑ کے کیسے اسے تنہا یہاں رخصت ہوا یا الہی کیا کروں دل حوصلہ پاتا نہیں جس کو نظریں ڈھونڈتی ہیں وہ نظر آتا نہیں

امید

2006-08-14T17:37:00.000+05:00

آؤ وعدہ کریں آج کے دن کی روشن گواہی میں ہم دیدہِ دل کی بے انت شاہی میں ہم زیرِ دامانِ تقدیسِ لوح و قلم اپنے خوابوں، خیالوں کی جاگیر کو فکر کے موءقلم سے تراشی ہوئی اپنی شفاف سوچوں کی تصویر کو اپنے بے حرف ہاتھوں کی تحریر کو، اپنی تقدیر کو یوں سنبھالیں گے، مثلِ چراغِ حرم جیسے آندھی میں بے گھر مسافر کوئی بجھتی آنکھوں کے بوسیدہ فانوس میں پہرہ داروں کی صورت چھپائے رکھے جانے والوں کے دھندلے سے نقشِ قدم آج کے دن کی روشن گواہی میں ہم - پھر ارادہ کریں جتنی یادوں کے خاکے نمایاں نہیں جتنے ہونٹوں کے یاقوت بے آب ہیں جتنی آنکھوں کے نیلم فروزاں نہیں جتنے چہروں کے مرجان زرداب ہیں جتنی سوچیں بھی مشعلِ بداماں نہیں جتنے گل رنگ مہتاب گہناگئے - جتنے معصوم رخسار مرجھا گئے جتنی شمعیں بجھیں ، جتنی شاخیں جلیں سب کو خوشبو بھری زندگی بخش دیں، تازگی بخش دیں بھر دیں سب کی رگوں میں لہو نم بہ نم مثلِ ابرِ کرم رکھ لیں سب کا بھرم دیدہ و دل کی بے انت شاہی میں ہم زخم کھائیں گے حسنِ چمن کے لئیے اشک مہکائیں گے مثلِ رخسارِ گل صرف آرائشِ پیرہن کے لئیے، مسکرائیں گے رنج و غم دہر میں اپنی ہنستی ہوئی انجمن کے لئیے طعنِ احباب، سرمایہ کج دل، بجز اغیار سہہ لیں گے فن کے لئیے آؤ وعدہ کریں سانس لیں گے متاعِ سخن کے لئیے جان گنوائیں گے ارضِ وطن کے لیے دیدہ و دل کی شوریدگی کی قسم آسمانوں سے اونچا رکھیں گے عَلم آؤ وعدہ کریں آج کے دن کی روشن گواہی میں ہم ۔۔۔ محسن نقوی ۔۔۔

ھم لوگ نہ تھے ایسے

2006-08-11T14:42:00.000+05:00

ھم لوگ نہ تھے ایسے ہیں جیسے نظر آتے اے وقت گواہی دے ھم لوگ نہ تھے ایسے یہ شہر نہ تھا ایسا یہ روگ نہ تھے ایسے دیوار نہ تھے رستے زندان نہ تھی بستی آزار نہ تھے رشتے خلجان نہ تھی ہستی یوں موت نہ تھی سستی یہ آج جو صورت ہے حالات نہ تھے ایسے یوں غیر نہ تھے موسم دن رات نہ تھے ایسے تفریق نہ تھی ایسی سنجوگ نہ تھے ایسے اے وقت گواہی دے ھم لوگ نہ تھے ایسے امجد اسلام امجد کی یہ نظم کافی عرصہ پہلے پڑھی تھی، اور مجھے بہت اچھی لگتی ہے۔

زندگی

2006-08-09T12:46:00.000+05:00

زندگی سے ڈرتے ہو؟ ,زندگی تو تم بھی ہو، زندگی تو ہم بھی ہیں آدمی سے ڈرتے ہو؟ آدمی تو تم بھی ہو، آدمی تو ہم بھی ہیں آدمی زبان بھی ہے، آدمی بیاں بھی ہے !اس سے تم نہیں ڈرتے ,حروف اور معنی کے رشتہِ ہائے آہن سے ,آدمی ہے وابستہ ,آدمی کے دامن سے زندگی ہے وابستہ !اس سے تم نہیں ڈرتے ,ان کہی“ سے ڈرتے ہو " جو ابھی نہیں آئی، اُس گھڑی سے ڈرتے ہو اس گھڑی کی آمد کی آگہی سے ڈرتے ہو ۔۔۔ پہلے بھی تو گزرے ہیں دور نارسائی کے، بے ریا خدائی کے پھر بھی یہ سمجھتے ہو، ہیچ آرزومندی یہ شبِ زباں بندی، ہے رہِ خداوندی تم مگر یہ کیا جانو لب اگر نہیں ہلتے، ہاتھ جاگ اٹھتے ہیں ہاتھ جاگ اٹھتے ہیں، راہ کا نشاں بن کر نور کی زباں بن کر ہاتھ بول اٹھتے ہیں، صبح کی اذاں بن کر روشنی سے ڈرتے ہو؟ روشنی تو تم بھی ہو، روشنی تو ہم بھی ہیں روشنی سے ڈرتے ہو شہر کی فصیلوں پر دیو کا جو سایا تھا پاک ہو گیا آخر رات کا لبادہ بھی چاک ہو گیا آخر، خاک ہو گیا آخر رات کا لبادہ بھی اژدھامِ انساں سے فرد کی نوا آئی ذات کی صدا آئی راہِ شوق میں جیسے راہرو کا خوں لپکے اک نیا جنوں لپکے آدمی چھلک اٹھے آدمی ہنسے ۔۔۔ دیکھو، شھر پھر بسے ۔۔۔ دیکھو تم ابھی سے ڈرتے ہو؟

پرانی کتاب میں رکھی تصریر سے باتیں

2006-08-08T12:11:00.000+05:00

پرانی کتاب میں رکھی تصریر سے باتیں آج برسوں کے بعد دیکھا ہے اب بھی آنکھوں کا رنگ گہرا ہے اور ماتھے کی سانولی سی لکیر دل میں کتنے دئیے جلاتی ہے تیری قامت کے سائے کی خوشبو گفتگو میں بہار کا موسم بے سبب اعتبار کا موسم کیوں مجھے سارے ڈھنگ یاد رہے کتنی حیراں ہو گئی خود پر میں تجھے آج تک نہیں بھولی پچھلے موسم کی یاد باقی ہے ۔۔۔ نوشی گیلانی ۔۔۔

کمرہِ امتحاں

2006-08-07T14:21:00.000+05:00

بے نگاہ آنکھوں سے دیکھتے ہیں ,پرچے کو بے خیال ہاتھوں سے اَن بنے سے لفظوں پر انگلیاں گھماتے ہیں !یا سوالنامے کو دیکھتے ہی جاتے ہیں ہر طرف کن انکھیوں سے بچ بچا کے تکتے ہیں دوسروں کے پرچے کو رہنما سمجھتے ہیں !شاید اس طرح کو ئی راستہ ہی مل جائے بے نشاں خوابوں کا کچھ پتہ ہی !مل جائے مجھ کو دیکھتے ہیں تو یوں جوابً کاپی پر، حاشیے لگاتے ہیں دائرے بناتے ہیں جیسے ان کو پرچے کے سب جواب !آتے ہیں ۔۔۔ اس طرح کے منظر میں امتحاں گاہوں میں، دیکھتا ہی رہتا تھا ,نقل کرنے والوں کو نِت نئے طریقوں سے آپ لطف لیتا تھا، دوستوں سے کہتا تھا کس طرف سے جانے یہ آج دل کے آنگن میں اِک خیال آیا ہے !سینکڑوں سوالوں سے اک سوال لایاہے وقت کی عدالت میں زندگی کی صورت میں ,یہ جو تیرے ہاتھوں میں اک سوالنامہ ہے کس نے بنایا ہے؟ کس لئیے بنایا ہے؟ کچھ سمجھ میں آیا ہے؟ زندگی کے پرچے میں سب سوال لازم ہیں !سب سوال مشکل ہیں بے نگاہ آنکھوں سے دیکھتا ہوں پرچے کو بے خیال ہاتھوں سے اَن بنے سے لفظوں پر انگلیاں گھماتا ہوں حاشیہ لگاتا ہوں ,دائرے بناتا ہوں یا سوالنامے کو !دیکھتا ہی جاتا ہوں ۔۔۔ امجد اسلام امجد ۔۔۔

فعل ديگر

2006-08-07T03:40:00.000+05:00

فعل کي بنيادي قسميں دو ہيں، جائز فعل، ناجائز فعل، ہم صرف جائز فعل کے افعال سے بحث کريں گے، کيونکہ قسم دوئم پر پنڈت کو آنجہاني اور جناب جوش مليح آبادي مبسوط کتابيں لکھ چکے ہيں۔ فعل کي دو قسميں فعل لازم اور فعل متعدي بھي ہيں، فعل لازم وہ ہے جو کرنا لازم ہو، مثلا افسر کي خوشامد، حکومت سے ڈرنا، بيوي سے جھوٹ بولنا وغيرہ۔ فعل متعدي عموما متعدي امراض کي طرح پھيل جاتا ہے ايک شخص کنبہ پروري کرتا ہے، دوسرے بھي کرتے ہيں، ايک رشوت ليتا ہے، دوسرے اس سے بڑھ کر ليتے ہيں، ايک بناسپتي گھي کا ڈبہ پچيس روپے ميں کرديتا ہے دوسرا گوشت کے ساڑھے بارہ روپے لگاتا ہے، لطف يہ ہے کہ دونوں اپنے فعل متعدي کو فعل لازم قرار ديتے ہيں، ان افعال ميں گھاٹے ميں صرف مفعل رہتا ہے، يعني عوام ، فائل کي شکايت کي جائے تو تو فائليں دب جاتي ہيں۔ ۔۔۔ ابن انشاء ۔۔۔

بھارت

2006-07-31T12:47:00.000+05:00

يہ بھارت ہے، گاندھي جي يہي پيدا ھوئے تھے، لوگ ان کي بڑي عزت کرتے تھے، ان کو مہاتما کہتے تھے، چناچہ مار کر ان کو يہي دفن کر ديا اور سمادھي بنا دي، دوسرے ملکوں کے بڑے لوگ آتے ہيں تو اس پر پھول چڑھاتے ھيں، اگر گاندھي جي نہ مرتے يعني نہ مارے جاتے تو پورے ھندوستان ميں عقيدت مندوں کيلئے پھول چڑھانے کي کوئي جگہ نہ تھي۔ يہي مسئلہ ہمارے يعني پاکستان والوں کے لئے بھي تھا، ہميں قائد اعظم کا ممنون ہونا چاہئيے کہ خود ہي مرگئے اور سفارتي نمائندوں کے پھول چڑھانے کي ايک جگہ پيدا کردي ورنہ شايد ہميں بھي ان کو مارنا ہي پڑتا۔ بھارت بڑا امن پسند ملک ہے جس کا ثبوت يہ ہے کہ اکثر ہمسايہ ملکوں کے ساتھ اس کے سيز فائر کے معاہدے ہوچکے ھيں،١٩٦٥ ميں ہمارے ساتھ ھوا اس سے پہلے چين کے ساتھ ھوا۔ بھارت کا مقدس جانورگائے ہے ، بھارتي اس کا دودھ پيتے ہيں، اسي کے گوبر سے چوکا ليپتے ہيں، اور اس کو قصائي کے ہاتھ بيچتے ہيں، اس لئيے کيونکہ وہ خود گائے کو مارنا يا کھانا پاپ سمجھتے ہيں۔ آدمي کو بھارت ميں مقدس جانور نہيں گنا جاتا۔ بھارت کے بادشاہوں ميں راجہ اشوک اور راجہ نہرو مشہور گزرے ہيں۔ اشوک سے ان کي لاٹ اور دھلي کا اشوکا ھوٹل يادگار ھيں، اور نھرو جي کي يادگار مسئلہ کشمير ہے جو اشوک کي تمام يادگاروں سے زيادہ مظبوط اور پائيدار معلوم ہوتا ہے ۔ راجہ نہرو بڑے دہر مہاتما آدمي تھے، صبح سويرے اٹھ کر شيرشک آسن کرتے تھے، يعني سر نيچے اور پير اوپر کرکے کھڑے ہوتے تھے، رفتہ رفتہ ان کو ہر معاملے کو الٹا ديکھنے کي عادت ہوگئي تھي۔ حيدر آباد کے مسئلہ کو انہوں نے رعايا کے نقطہ نظر سے اور کشمیر کو راجہ کے ۔ يوگ ميں طرح طرح کے آسن ہوتے ھيں، نا واقف لوگ ان کو قلابازياں سمجھتے ہيں، نہرو جي نفاست پسند بھي تھے دن ميں دو بار اپنے کپڑے اور قول بدلا کرتے تھے۔ ۔۔۔ ابن انشاء ۔۔۔

بارہواں کھلاڑی

2006-07-31T12:46:00.001+05:00

خوشگوار موسم میں ان گنت تماشائی اپنی اپنی ٹیموں کو داد دینے آتے ہیں اپنے اپنے پیاروں کا حوصلہ بڑھاتے ہیں میں الگ تھلگ سب سے بارہویں کھلاڑی کو ہوٹ کرتا رہتا ہوں بارہواں کھلاڑی بھی کیا عجب کھلاڑی ہے کھیل ہوتا رہتا ہے شور مچتا رہتا ہے داد پڑتی رہتی ہے اور وہ الگ سب سے انتظار کرتا رہتا ہے ایک ایسی ساعت کا ایک ایسے لمحے کا جس میں سانحہ ہوجائے پھر وہ کھیلنے نکلے تالیوں کے جھرمٹ میں ایک جملہءِ خوش کن ایک نعرہءِ تحسین اس کے نام پر ہوجائے سب کھلاڑیوں کے ساتھ وہ بھی معتبر ہوجائے پر یہ کم ہی ہوتا ہے پھر بھی لوگ کہتے ہیں کھیل سے کھلاڑی کا عمر بھر کا رشتہ ہے عمر بھر کا یہ رشتہ چھوٹ بھی تو سکتا ہے آخری وِسل کے ساتھ ڈوب جانے والا دل ٹوٹ بھی تو سکتا ہے تم بھی افتخار عارف بارہویں کھلاڑی ہو انتظار کرتے ہو ایک ایسے لمحے کا ایک ایسی ساعت کا جس میں حادثہ ہوجائے جس میں سانحہ ہوجائے تم بھی افتخار عارف تم بھی ڈوب جاؤ گے تم بھی ٹوٹ جاؤ گے ۔۔۔افتخار عارف ۔۔۔

ايک دعا

2006-07-31T12:46:00.000+05:00

يا اللہ کھانے کو روٹي دے پہننے کو کپڑا دے رہنے کو مکان دے عزت اور آسودگي کي زندگي دے مياں يہ بھي کوئي مانگنے کي چيزیں ہيں؟ کچھ اور مانگا کر بابا جي آپ کيا مانگتے ہيں؟ ميں؟ ميں يہ چيزيں نہيں مانگتا ميں تو کہتا ہوں اللہ مياں مجھے ايمان دے نيک عمل کرنے کي توفيق دے بابا جي آپ ٹھيک مانگتے ہيں انسان وہي چيز تو مانگتا ہے جو اس کے پاس نہيں ہوتي ۔۔۔ ابن انشاء ۔۔۔

دکھے ہوئے ہیں ہمیں اور اب دکھاؤ مت

2006-07-23T03:54:00.000+05:00

دکھے ہوئے ہیں ہمیں اور اب دکھاؤ مت جو ہوگئے ہو فسانہ تو ۔۔۔ یاد آؤ مت خیال و خواب میں پرچھائیاں سی ناچتی ہیں اب اس طرح تو مرے روح میں سماؤ مت زمیں کے لوگ تو کیا دو دلوں کی چاہت میں خدا بھی ہو تو اسے درمیان لاؤ مت تمہارا سَر نہیں طفلان رہ گزر کے لئیے دیارِسنگ میں گھر سے نکل کے جاؤ مت سوائے اپنے کسی کے بھی ہو نہیں سکتے ہم اور لوگ ہیں لوگو ہمیں ستاؤ مت ہمارے عہد میں یہ رسمِ عاشقی ٹھہری فقیر بن کے رہو اور صدا لگاؤ مت وہی لکھو جو لہو کی زباں سے ملتا ہے سخن کو پردہِ الفاظ میں چھپاؤ مت سپرد کر ہی دیا آتشِ ہنر کے تو پھر تمام خاک ہی ہوجاؤ کچھ بچاؤ مت ۔۔۔ عبید اللہ علیم ۔۔۔ ١٩٦٥ ۔۔۔

کوئی آس کہیں رہ جاتی ہے

2006-07-23T03:52:00.000+05:00

کوئی پیاس کہیں رہ جاتی ہے کوئی لاکھ سمندر پی جائے کوئی لاکھ ستارے چھو آئے کوئی پیاس کہیں رہ جاتی ہے کوئی آس کہیں رہ جاتی ہے کوئی زیست کا ساغر بھرتا ہے کوئی پھِر خالی ہو جاتا ہے کوئی لمحے بھر کو آتا ہے کوئی پل بھر میں کھو جاتا ہے کوئی پیاس کہیں رہ جاتی ہے کوئی آس کہیں رہ جاتی ہے ۔۔۔ عبیداللہ علیم ۔۔۔ ١٩٩٠ ۔۔۔

کسی اور کو یہ پتہ نہ ہو۔۔۔

2006-07-23T03:45:00.000+05:00

میرے ساتھ تم بھی دعا کرو ، یوں کسی کے حق میں برا نہ ہو کہیں اور ہو نہ یہ حادثہ ، کوئی راستے میں جدا نہ ہو میرے گھر سے راستے کی سیج تک ، وہ اک آنسو کی لکیر ہے ذرا بڑھ کے چاند سے پوچھنا ، وہ اسی طرف سے گیا نہ ہو سر شام ٹھری ہوئی زمیں ، آسماں ہے جھکا ہوا اسی موڑ پر مرے واسطے ، وہ چراغ لے کر کھڑا نہ ہو وہ فرشتے آپ ہی ڈھونڈیئے ، کہانیوں کی کتاب میں جو برا کہیں نہ برا سنیں ، کوئی شخص ان سے خفا نہ ہو وہ وصال ہو کہ فراق ہو ، تری آگ مہکے گی ایک دن وہ گلاب بن کے کھلے گا کیا، جو چراغ بن کے جلا نہ ہو مجھے یوں لگا کے خاموش خوشبو کے ہونٹ تتلی نے چھو لیے انہی زرد پتوں کی اوٹ میں کوئی پھول سویا ہوا نہ ہو اسی احتیاط میں میں رہا اسی احتیاط میں وہ رہا وہ کہاں کہاں میرے ساتھ ہے ، کسی اور کو یہ پتہ نہ ہو

ایک شخص

2006-07-23T03:38:00.000+05:00

کوئی ایک شخص تو یوں ملے کہ سکوں ملے کوئی ایک لفظ تو ایسا ہو کہ قرار ہو کہیں ایسی رت بھی ملے ہمیں جو بہار ہو کبھی ایسا وقت بھی آئے کہ ہمیں پیار ہو! کوئی ایک شخص تو یوں ملے ۔۔۔ کہ چراغِ جاں اسے نور دے، اسے تاب دے، بنے کہکشاں کائی غم ہو جس کو قبا کریں غمِ جاوداں کوئی یوں قدم کو ملائے کہ بنے کارواں کوئی ایک شخص تو یوں ملے ۔۔۔ کہ قرار ہو میری راہِ گزرِ خیال میں کوئی پھول ہو میں سفر میں ہوں مرے پاؤں پہ کبھی دھول ہو مجھے شوق ہے مجھ سے بھی کبھی کوئی بھول ہو !غمِ ہجر ہو، شبِ ناز ہو، بڑا طول ہو۔۔۔ کوئی ایک شخص تو یوں ملے ۔۔۔ کہ قرار ہو کہ جو عکسِ ذات ہو، ہو بہو میرا آئینہ، میرے رو برو کوئی ربط کہ جس میں نا مَیں، نہ تُو !سرِ خامشی کوئی گفتگو ۔۔۔ کوئی ایک شخص تو یوں ملے کہ سکوں ملے بشکریہ اُنائیزہ

ایک سوال

2006-07-23T03:19:00.000+05:00

میرے آباؤ اجداد نے حرمتِ آدمی کے لیے تاابد روشنی کے لیے کلمہِ حق کہا مقتلوں، قید خانوں، صلیبوں میں بہتا لہو ان کے ہونے کا اعلان کرتا رہا وہ لہو آدمی کی ضمانت بنا تاابد روشنی کی علامت بنا اور میں پابرہنہ سرِ کوچہِ احتیاج رزق کی مصلحت کا اسیر آدمی سوچتا رہ گیا جسم میں میرے ان کا لہو ہے تو پھر یہ لہو بولتا کیوں نہیں؟ ۔۔۔ افتخار عارف ۔۔۔

احمد نديم قاسمي کي ايک غزل

2006-07-11T04:26:00.000+05:00

مروں تو ميں کسي چہرے ميں رنگ بھر جاؤں نديم کاش يہي ايک کام کر جاؤں يہ دشتِ ترکِ محبت، يہ تيرے قرب کي پياس جو اذن ہو تو تيري ياد سے گزر جاؤں ميرا وجود ميري روح کو پکارتا ہے تيري طرف بھي چلوں تو ٹھر ٹھر جاؤں تيرے جمال کا پر تو ہے سب حسينوں پر کہاں کہاں تجھے ڈھونڈوں کدھر کدھر جاؤں ميں زندہ تھا کہ تيرا انتظار ختم نہ ہو جو تو ملا ہے تو اب سوچتا ہوں مر جاؤں يہ سوچتا ہوں کہ ميں بت پرست کيوں نہ ہوا تجھے قريب جو پاؤں تو خدا سے ڈر جاؤں کسي چمن ميں بس اس خوف سے گزر نہ ہوا کسي کلي پہ نہ بھولے سے پاؤں دھر جاؤں يہ جي ميں آتا ہے کہ تخليقِ فن کے لمحوں ميں کہ خون بن کے رگِ سنگ میں اتر جاؤں

دلِ محترم کوئی اور غم ؟

2006-07-06T13:37:00.000+05:00

اک دل کا درد ہے کہ رہا زندگی کے ساتھ اک دل کا چین تھا کہ سدا ڈھونڈتے رہے ہر جلوہ مقابل نظر آتا ہے مجھے ذرہ بھی تو منزل نظر آتا ہے مجھے فیضانِ غمِ یار کے قربان جاؤں ہر پھول میں اک دل نظر آتا ہے مجھے خدا کرے میری طرح تیرا کسی پہ آئے دل تو بھی جگر کو تھام کے کہتا پھرے کہ ہائے دل روندو نہ میری قبر کو اِس میں دبی ہیں حسرتیں رکھنا قدم سنبھال کے دیکھو کچل نہ جائے دل ظرف کی بات ہے کانٹوں کی خلش دل میں لئے لوگ ملتے ہیں ترو تازہ گلابوں کی طرح

ضرب المثل اشعار

2006-07-01T19:03:00.000+05:00

محاورہ عاشق کا جنازہ ہے ذرا دھوم سے نکلے ۔۔۔۔۔ چل ساتھ کہ حسرت دلِ محروم سے نکلے عاشق کا جنازہ ہے ذرا دھوم سے نکلے (فدوی عظیم آبادی) ========== محاورہ چلو تو سارے زمانے کو ساتھ لے کے چلو ۔۔۔۔۔ حیات لے کے چلو، کائینات لے کے چلو چلو تو سارے زمانے کو ساتھ لے کے چلو (مخدوم محی الدین) ========== محاورہ سارے جہاں کا درد ہمارے جگر میں ہے ۔۔۔۔۔ خنجر چلے کسی پہ تڑپتے ہیں ہم امیرؔ سارے جہاں کا درد ہمارے جگر میں ہے (امیر مینائی) ========== محاورہ غلامی میں بدل جاتا ہے قوموں کا ضمیر ۔۔۔۔۔ تھا جو ناخوب بتدریج وہی خوب ہوا کہ غلامی میں بدل جاتا ہے قوموں کا ضمیر (اقبال) ========== محاورہ جو چپ رہے گی زبان خنجر ، لہو پکارے گا آستین کا ۔۔۔۔۔ قریب ہے یارو روزِ محشر چھپے گا کشتوں کا خون کیوں کر جو چپ رہے گی زبانِ خنجر لہو پکارے گا آستیں کا (امیر مینائی) ==========

غزل

2006-06-25T23:05:00.000+05:00

جس سر کو غرور آج ہے ياں تاج وري کا کل اس پر يہيں شور ہے پھر نوحہ گري کا

آفاق کي منزل سے گيا کون سلامت اسباب لٹا راہ ميں ياں ہر سفري کا

زنداں ميں بھي شورش نہ گئ اپنے جنوں کي اب سنگ مداوا ہے اس آشفتہ سري کا

لے سانس بھي آہستہ کہ نازک ہے بہت کام آفاق کي اس کار گہ شيشہ گري کا

ٹک مير جگر سوختہ کي جلد خبر لے کيا يار بھروسہ ہے چراغ سحري کا

شجرہِ نسب

2006-06-14T01:01:00.000+05:00

پروفیسر محمد ایوب قادری ایک محقق آدمی ہیں۔ شجرہِ نسب مانگ رہے تھے۔ ہمارے ہاں کہاں سے آتا؟ ہم نے کہا کہ بزرگوں میں ہمیں اپنے والد کا نام یاد ہے یا ایک اور مورثِ اعلٰی کا کہ اپنے زمانے کے مشہور پیغمبر تھے۔ بولے کون؟ ہم نے حضرت آدم علیہ السلام کا نام بتایا تو عقیدت سے ادھ موئے ہو گئے۔ ۔۔۔ ابنِ انشاء ۔ “خمار گندم“ ۔۔۔

سلسلے خیالوں کے

2006-06-14T00:42:00.000+05:00

!گزرتے لمحوں مجھے بتاؤ زندگی کا اصول کیا ہے تمام ہاتھوں میں آئینے ہیں کون کس سے چھپتا ہے اگر صدا کا وجود کانوں سے منسلک ہے تو کون خوشبو بن کر بولتا ہے اگر سمندر کی حد ساحل ہے تو کون آنکھوں میں پھیلتا ہے تمام چیزیں اگر ملتی ہیں تو کون چیزوں سے ماورا ہے کِسے خبر ۔۔۔ بدلتی رُت نے پرانے پتوں سے کیا کہا یہ کون بادل سے پوچھے کہ اتنے سال کہاں رہا یہ جو آج دیکھا ہے وہ کل نہ ہوگا کوئی لمحہ اٹل نہ ہوگا !گزرتے ہوئے لمحوں مجھے بتاؤ زندگی کا اصول کیا ہے ۔۔۔ امجد اسلام امجد ۔۔۔

ایک خیال ، تین شاعر

2006-06-13T10:19:00.000+05:00

میں خیال ہوں کسی اور کا مجھے سوچتا کوئی اور ہے سرِ آئینہ میرا عکس ہے ، پسِ آئینہ کوئی اور ہے (سلیم کوثر) جسے چاہا نہیں تھا وہ مقدر بن گیا اپنا کہاں بنیاد رکھی تھی کہاں گھر بن گیا اپنا (اعتماد صدیقی) جسے چاہا تھا وہ ملا نہیں جو مجھے ملا وہ مرا نہیں مرا ہمسفر کوئی اور تھا کوئی دوسرا مرے ساتھ ہے (احمد کمال حشمی)

بارش

2006-06-12T02:10:00.001+05:00

بارش کی آواز کو سن کر ,پیڑوں کی آغوش میں سہمی شاخیں جھومنے لگتی ہیں گردِ ملال میں لپٹے پتے، جاگ اٹھتے ہیں اور ہوا کی پینگوں میں سرگوشیاں جھولنے لگتی ہیں کھڑکی کی شیشوں پر جس دم پہلی بوندیں پڑتی ہیں تو بارش کی آواز گھروں میں خوشبو بن کر در آتی ہے دنیا کے بے انت دکھ اور اندیشوں کی اُڑتی مٹی بیٹھتی ہے اور بجھے دلوں کی اقلیموں میں شمعیں جلنے لگتی ہیں راہیں چلنے لگتی ہیں بارش کی آواز کو سن کر سینے کے آنگن میں رکھے بوجھ کی ڈھیری ہولے ہولے گھٹتی ہے تو سانسیں ہلکی ہوجاتی ہیں رم جھم کی آواز میں جیسے سب آوازیں کھو جاتی ہیں بارش کی آواز کو سن کر جاگتی آنکھیں سپنوں کی دہلیز سے اپنے ریزہ ریزہ خواب اٹھائے اور انہیں ترتیب میں لانے لگتی ہیں مٹتی بنتی تصویریں، پھر دھیان میں آنے لگتی ہیں !بارش کی آواز کو سن کر ۔۔۔ امجد اسلام امجد ۔۔۔

تم نے بھی کونسا چاہا تھا مجھے

2006-06-12T02:10:00.000+05:00

تم نے بھی کونسا چاہا تھا مجھے میری باتیں بھی غلط، میرے ارادے بھی غلط بے وفائی کا یہ خعد ساختہ بہتان بھی تسلیم مجھے یہ بھی مانا کہ غم دہرجواں تھا‘ تو غم جواں کو مری آنکھ کے آنسو نہ ملے جب زمانوں کی یہ بے مہر ہوائیں مری سوچوں کو جلا دیتی ہیں میں سوچتا ہوں جب غم دہر کی پلکیں تری جانب مری شدت کو گھٹا دیتی ہیں میں سوچتا ہوں جب کبھی اپنی جفائیں مجھے خود اپنی نگاہوں میں گرا دیتی ہیں میں سوچتا ہوں تم نے بھی کون سا چاہا تھا مجھے ۔۔۔ خالد شریف ۔۔۔

موت کی تلاش میں

2006-06-07T06:15:00.000+05:00

موت کی تلاش میں ابھی اور جینا ہے ,زندگی سے ابھی روح کشید کرنی ہے ! ابھی مجھے جینا ہے اسی جینے کی کشمکش میں مجھے پِھر مرنا ہے میں کون ہوں؟ راہِ زیست کی طلب کیا ہے؟ ابھی مجھے یہ جاننا ہے اور اس کے لئیے خوف کو آنسوؤوں سے مٹانا ہے ماضی کو مٹا کر اپنا کَل چمکانا ہے موت کی تلاش میں ابھی اور جینا ہے اسی جینے کی کشمکش میں !مجھے پِھر مرنا ہے اسماء translated "In search of death".

چھيڑے کبھي ميں نے

2006-05-28T23:29:00.000+05:00

چھيڑے کبھي ميں نے لب و رخسار کے قصے گا ہےگل و بلبل کي حکايات کو نکھارا گا ہے کسي شہزادے کے افسانے سنائے گا ہے کيا دنيائے پرستاں کا نظارا ميں کھويا رہا جن و ملائک کے جہاں ميں ہر لحظہ اگر چہ مجھے آدم نے پکارا ۔۔۔ احمد فراز ۔۔۔

متاع لوح و قلم

2006-05-19T12:57:00.000+05:00

متاع لوح و قلم چھن گئی تو کیا غم ہے کہ خون دل میں ڈبو لی ہیں انگلیاں میں نے زبان پہ مہر لگی ہے تو کیا کہ رکھ دی ہے ہر ایک حلقہ زنجیر میں زباں میں نے فیض احمد فیض

تقسيم

2006-05-15T01:09:00.000+05:00

يہ حساب کا بڑا ضروري قاعدہ ہے، سب سے زيادہ جھگڑے اسي پر ہوتے ہيں۔ تقسيم کا مطلب بے بانٹنا اندھوں کا آپس ميں ريوڑياں بانٹنا بندر کا بليوں ميں روٹي بانٹنا چوروں کا آپس ميں مال بانٹنا اہلکاروں کا آپس ميں رشوت بانٹنا مل بانٹ کر کھانا اچھا ہوتا ہے دال تک جوتوںمیں بانٹ کر کھاني چاہئيے ورنہ قبض کرتي ہے تقسيم کا طريقہ کچھ مشکل نہيں ہے حقوق اپنے پاس رکھئيے فرائض دوسروں ميں بانٹ ديجئے روپيہ پيسہ اپنے کَھسے ميں ڈالئيے قناعت کي تلقين دوسروں کو کيجئے آپ کو مکمل پہاڑہ مع گر ياد ہو تو کسي کو تقسيم کي کانوں کان خبر نہيں ہوسکتي، آخر کو 12 کروڑ کي دولت کو 22 خاندانوں نے آپس ميں تقسيم کيا ہي ہے؟ کسي کو پتہ چلا؟ تفريق کے قاعدے سے دودھ ميں سے مکھي نکالو۔ آدمي ضرب مسلسل کي تاب کہاں تک لاسکتا ہے؟ جو اندھے نہيں وہ بھي ريوڑياں اپنوں ہي ميں کيوں بانٹتے ہيں؟ ۔۔۔ ابن انشاء - اردو کی آخری کتاب ۔۔۔

میری ماں

2006-05-15T01:00:00.000+05:00

ماں کی ممتا، چاند کی ٹھنڈک، شیتل شیتل نور اسکی چھایا میں تو جلتی دھوپ بھی ہو کافور بچپن سے یہ درس دئیے کہ دکھ نہ کسی کو دو اپنا درد چھپائے اس کا درد نہ جانے کو سُچی، صاف کھری اور سچی اس کی ہر اک بات رہ میں نور بکھیرے اس کی اجلی اجلی ذات وِیروں پہ قربان یہ اپنی بہنوں کی غمخوار کوئی کرے یا نہ پر اس کے دل میں گہرا پیار غم کی آندھی آئے یا ہو مشکل کا طوفان ہر بپتا کو ایسے جھیلے ھیسے ایک چٹان اس میں اَنا کا روپ بھی ہے خودداری کی بھی شان سر نہ جھکے بندے کے آگے اس کا ہے ایمان چہرہ ساکن سینے میں پر اٹھیں لاکھ ابال جانے والے چلے گئے پتھر میں دراڑیں ڈال مالک اس چھتناور پیڑ کی سدا رہے ہریالی اس بگیا کی خیر ہو داتا تو ہی اس کا والی ۔۔۔ صاحبزادی امتہ القدوس بیگم ۔۔۔

آسمان

2006-05-12T00:37:00.000+05:00

ذرا نظر اٹھا کر آسمان کي طرف ديکھو، کتنا اونچا ہے۔ يہي وجہ ہے کہ کوئي اس سے گرے تو بہٹ چوٹ آتي ہے ۔بعض لوگ آسمان سے گرے ہيں تو کھجور ميں اٹک جاتے ہيں ۔نہ نيچے اتر سکتے ہيں ، نہ دوبارہ آسمان پر چڑھ سکتے ہيں ۔وہيں بيٹھے کھجوريں کھاتے رہتے ہيں۔ليکن کھجوريں بھي تو کہيں کہیں ہوتي ہيں۔ ہر جگہ نہيں ہوتيں۔ کہتے ہيں پہلے زمانے ميں آسمان اتنا اونچا نہيں ہوتا تھا۔ غالب نام کا شاعر جو سو سال پہلے ہوا ہے ۔ايک جگہ کسي سے کہتا ے۔ کيا آسمان کے بھي برابر نہيں ہوں ميں؟ جوں جوں چيزوں کي قيمتيں اونچي ہوتي گئيں آسمان ان سے باتيں کرنے کے لئے اونچا اٹھتا چلا گيا۔ اب نہ چيزوں کي قيمتيں نيچے آئيں نہ آسمان نيچے اترے۔ايک زمانے ميں آسمان پر صرف فرشتے رہا کرتے تھے۔پھر ہمہ شما جانے لگے جو خود نہ جا سکتے تھے ان کا دماغ چلا جاتا تھا۔ يہ نيچے زمين پر دماغ کے بغير ہي کام چلاتے تھے ۔بڑي حد تک اب بھي يہي صورت ۔راہ چلتے ميں آسمان کي طرف نہيں ديکھنا چاھئيے تا کہ ٹھوکر نہ لگے جو زمين کي طرف ديکھ کر چلتا ہے اس کے ٹھوکر نہيں لگتي۔ ۔۔۔ ابن انشاء ۔۔۔

کٹھن ہے راہ

2006-05-06T03:19:00.000+05:00

کٹھن ہے راہ گزر تھوڑي دور ساتھ چلو بہت کڑا ہے سفر تھوڑي دور ساتھ چلو تمام عمر کہاں کوئي ساتھ ديتا ہے يہ جانتا ہوں مگر تھوڑي دور ساتھ چلو نشے ميں چور ہوں ميں بھي تمہيں ہوش نہيں بڑا مزہ ہو اگر تھوڑي دور ساتھ چلو يہ ايک شب کي ملاقات بھي غنيمت ہے کسے ہےکل کي خبر تھوڑي دور ساتھ چلو ابھي تو جاگ رہے ہيں چراغ راہوں کے ابھي ہے دور سحر تھوڑي دور ساتھ چلو طواف منزل جاناں ہميں بھي کرنا ہے فراز تم بھي اگر تھوڑي دور ساتھ چلو ۔۔۔ احمد فراز ۔۔۔

سزائے موت کا مژدہ

2006-05-02T03:50:00.000+05:00

یہ وہ ساحر ہے جن کے ہاتھ میں ہم سب کی جانیں ہیں یہاں سورج کے قاتل کو عدالت چھوڑ دیتی ہے سزائے موت کا مژدہ نہ کوئی قید ہوتی ہے جو سورج کو قتل کرتا ہے اس کو روشنی تقسیم کرنے کی وزارت سونپ دیتے ہیں یہ تاریکی کے سوداگر ہیں سورج بلیک کرتے ہیں انہیں ضد ہے ہوائیں، روشنی اور خواب خود بانٹیں یہ موسم قرض دیتے ہیں انہیں معلوم ہے کس کو کہاں مصروف رکھنا ہے کسے آزاد رکھنا ہے کہاں یہ جبر کا موسم، کہاں رت ہو حکومت کی یہ ساحر بند کمروں میں یہی اجلاس کرتے ہیں ۔۔۔ طلعت اخلاق ۔۔۔

تجھے مجھ سے مجھ کو تجھ سے جو بہت ہی پیار ہوتا

2006-04-28T17:08:00.000+05:00

تجھے مجھ سے مجھ کو تجھ سے جو بہت ہی پیار ہوتا نہ تجھے قرار ہوتا نہ مجھے قرار ہوتا تیرا ہر مرض الجھتا مری جانِ ناتواں سے جو تجھے زکام ہوتا تو مجھے بخار ہوتا جو میں تجھ کو یاد کرتا تجھے چھینکنا بھی پڑتا مرے ساتھ بھی یقیناً یہی بار بار ہوتا کسی چوک میں لگاتے کوئی چوڑیوں کا کھوکھا ترے شہر میں بھی اپنا کوئی کاروبار ہوتا غم و رنجِ عاشقانہ نہیں کیلکولیٹرانہ اسے میں شمار کرتا جو نہ بے شمار ہوتا وہاں زیرِ بحث آتے خط و خال و خائے خوباں غمِ عشق پر جو انور کوئی سیمینار ہوتا ۔۔۔ انور مسعود ۔۔۔

بول کے لب آزاد ہیں تیرے

2006-04-28T16:54:00.000+05:00

بول کے لب آزاد ہیں تیرے بول، زباں اب تک تیری ہے تیرا ستواں جسم ہے تیرا بول کہ جاں اب تک تیری ہے دیکھ کے آہن گر کی دکاں میں تند ہے شعل، سرخ ہے آہن کھلنے لگے قفلوں کے دہانے پھیلا ہر اک زنجیر کا دامن بول، یہ تھوڑا وقت بہت ہے جسم و زباں کی موت سے پہلے بول کہ سچ زندہ ہے اب تک بول، جو کچھ کہنا ہے کہہ لے! ۔۔۔ فیض احمد فیض ۔۔۔

آج جانے کی ضد نہ کرو

2006-04-11T02:17:00.000+05:00

آج جانے کی ضد نہ کرو یوں ہی پہلو میں بیٹھے رہو ہائے مر جائیں گے ہم تو لٹ جائیں گے ایسی باتیں کیا نہ کرو آج جانے کی ضد نہ کرو یوں ہی پہلو میں بیٹھے رہو تم ہی سوچو ذرا کیوں نہ روکين تمہیں جان جاتی جب اٹھ کہ جاتے ہو تم تم کو اپنی قسم جان جاں بات اتنی میری مان لو آج جانے کی ضد نہ کرو یوں ہی پہلو میں بیٹھے رہو وقت کی قید میں زندگی ہے مگر چند گھڑیاں یہی ہیں جو آزاد ہیں ان کو کھو کر میری جان جاں عمر بھر نہ ترستے رہو آج جانے کی ضد نہ کرو یوں ہی پہلو میں بیٹھے رہو کتنا ماسوم و رنگیں ہے یہ سما حسن اور عشق کی آج معراج ہے کل کی کس کو خبر جان جاں روک لو آج کی رات کو آج جانے کی ضد نہ کرو یوں ہی پہلو میں بیٹھے رہو

غزل

2006-04-03T05:43:00.000+05:00

جب بھي مجھے آمد ہوتي ہے بيگم ميري بجنگ آمد ہوتي ہے پتھر دلوں کو پل ميں موم کرے ہاۓ کيا چيز خوشامد ہوتي ہے محبت نہيں پابند کسي اصول کي يہ بن کسٹم کے برآمد ہوتي ہے بڑھاپے کي نشاني ياد رکھنا بيوي گھرميں خاوند ہوتي ہے ہوجاؤکمر بستہ واہ واہ کرنے والو محفل ميں شاعر کي آمد ہوتي ہے ميراپاکستان

پاني پت

2006-03-31T00:23:00.000+05:00

پاني پت ميں اس وقت تک صرف ايک لڑائي ہوئي تھي، پاني پت والوں کا اصرار تھا کہ ايک اور ہوني چاھئيے۔ چناچہ اکبر نے پہلي فرصت ميں بہيروبنگاہ کے ساتھ ادھر کا رخ کيا، ادھر سے ہيموں بقال لشکر جرار لے کر آيا، اس کے ساتھ توپيں بھي تھيں اور ہاتھي بھي تھے، ايک سے ايک سفيد، گھسمان کا رن پڑا، ہيموں کي جمعيت زيادہ تھي، ليکن اکبري لشکر نے تابڑ توڑ حملے کرکے کھلبلي مچادي، بعض ہمدردوں نے اس کے جدي وطن سے پيغام بھجوايا کہ تم اور ہيموں دونوں يہاں تاشقند آئو، صلح کرائے ديتے ہيں، ليکن اکبر نہ مانا، ہيموں ايک ہاتھي کے ہودے ميں بيٹھا روپے آنے پائي کاحساب لکھ رہاتھا کہ اس لڑائي کا مال غنيمت فروخت کرکے کس کاروبار ميں پيسہ لگايا جائے، ناگہاں ايک تير قضا کا پيغام لے کر اس کي آنکھ ميں آن لگا اور وہ بے سدھ ہو کر گر گيا، بقال کو ہم تاريخ کا پہلا موشے دايان کہہ سکتے ہيں۔ ابن انشاء

جی جان سے اے ارضِ وطن مان گئے ہم

2006-03-27T23:54:00.000+05:00

جی جان سے اے ارضِ وطن مان گئے ہم جب تو نے پکارا ترے قربان گئے ہم جو دوست ہو اس پہ محبت کی نظر کی دشمن پہ ترے صورتِ طوفان گئے ہم ہم ایسے وفادار و پرستار ہیں تیرے جو تو نے کہا تیرا کہا مان گئے ہم مرہم ہیں ترے ہونٹ مسیحا ہے تری زُلف ہم موجہِ گل تھے کہ پریشان گئے ہم افسوں نہ کوئی چلنے دیا حیلہ گراں کا ہر شکل عدو کی ترے پہچان گئے ہم خاکِ شہدائ نے ترے پرچم کو دعا دی لہرا کے جو پرچم نے کہا جان گئے ہم ۔۔۔ عبیداللہ علیم ۔۔۔ ١٩٦٥ ۔۔۔

ہم دیکھیں گے

2006-03-22T06:44:00.000+05:00

ہم دیکھیں گے، ہم دیکھیں گے لازم ہے کہ ہم بھی دیکھیں گے وہ دن کہ جس کا وعدہ ہے جو لوح ازل میں لکھا ہے جب ظلم و ستم کے کوہ گراں روئی کی طرح اڑ جائیں گے ہم محکوموں کے پائوں تلے یہ دھرتی دھڑدھڑدھڑکے گی اور اہل حکم کے سر اوپر جب بجلی کڑ کڑ کڑکے گی جب ارض خدا کے کعبے سے سب بت اٹھوائے جائیں گے ہم اہل سفا مردود حرم مسند پہ بٹھائے جائیں گے سب تاج اچھالے جائیں گے سب تخت گرائے جائیں گے بس نام رہے گا اللہ کا جو غائب بھی ہے حاضر بھی جو ناظر بھی ہے منظر بھی ااٹھے گا انا الحق کا نعرہ جو میں بھی ہوں اور تم بھی ہو اور راج کرے گی خلق خدا جو میں بھی ہوں اور تم بھی ہو

پہاڑ

2006-03-17T00:54:00.000+05:00

ان پہاڑوں کو ديکھوں ،بعضوں کي چوٹياں آسمان سے باتيں کرتي ہيں۔ کيا باتيں کرتي ہيں؟ يہ کسي نے نہيں سنا۔پہاڑوں کے اندر کيا ہوتا ہے؟ معلوم نہيں ۔بعض اوقات پہاڑ کو کھودو تو اندر سے چوہا نکلتا ہے۔بعض اوقات چوہا بھي نہيں نکلتا ۔جس پہاڑ ميں سے چوہا نکلے اسے غنيمت جاننا چاہئيے۔ جو لوگ پہاڑوں پر رہتے ہيں ان کو گرم کپڑے تو ضرور بنوائے پڑتے ہيں ليکن ويسے کئي فائدے بھي ہيں ۔پہاڑوں پر برف جمي ہے جو ان لوگوں کو مفت مل جاتي ہے۔جتنا جي چاہے پاني ميں ڈال کر پيئيں ۔برف ميں رہنے والوں کو ريفريجريٹر بھي نہيں خريدنے پڑتے پيسے بچتے ہيں۔ پہاڑ پتھروں کےبنے ہوتے ہيں۔ پتھر بہت سخت ہوتے ہيں ۔جس طرح محبوبوں کے دل سخت ہوتے ہيں ۔فرق يہ ہے کھ کبھي کبھي پتھر موم بھي ہو جاتے ہيں۔جو پہاڑ بہت بلندي دکھاتے ہيں ان کو کاٹتے ہيں اور کاٹ کر ان کے پتھر سڑکوں پر بچھاتے ہيں لوگ انہيں جوتوں سے پامال کرتے گزرتے ہيں ۔ جو پتھر زيادہ سختي دکھائيں وھ چکي ميں پستے ہيں ۔ سرمہ بن جاتے ہيں ۔سارا پتھر پن بھول جاتے ہيں۔ ابن انشاء

ايک سبق گرامر کا

2006-03-10T15:45:00.000+05:00

لفظوں کے الٹ پھر کے علم کو گرامر کہتے ہيں، لفظوں کا مجموعہ جملہ کہلاتا ہے، يہ مجموعہ زيادہ بڑا اور لمبا ہوجئاے تو اسے مير جملہ کہتے ہيں۔ اب چونکہ جملے بازي اور فقرے بازي لوگ اچھي نظر سے نہيں ديکھتے اس لئے گرامر کي طرف لوگوں کي توجہ کم ہوگئي ہے۔ شاعري کي گرامر کو عروض کہتے ہيں۔ پرانے لوگ عروض کے بغير شاعري کرتے تھے،، آجکل شاعرکے سامنے عروض کا نام ليجئے تو پوچھتا ہے وہ کيا چيز ہے، ہم نے ايک شاعر کے سامنے ضرافت کا نام ليا۔۔۔۔بولے خرافات؟مجھےپسند نہيں، بس غزل سنئيے اور جائيے۔ عروض ميں بہريں ہوتي ہيں جن ميں بعض بہت گہي ہوتي ہيں، نو مشق ان ميں اکثر ڈوب جاتے ہيں اسي لئے احتياط پسند لوگ اور عروض کے پاس نہيں جاتے، عمر بھر لکھتے رہتے ہيں۔ ابن انشاء

اب تک وہی خواب ہیں وہی میں

2006-03-10T15:42:00.000+05:00

اب تک وہی خواب ہیں وہی میں وہی میرے گلاب ہیں وہی میں آنکھوں میں وہی ستارہ آنکھیں وہی دل میں گلاب ہیں وہی میں یہ جسم کہ جاں کی تشنگی ہے وہی تازہ سراب ہیں وہی میں زندہ ہوں ابھی تو مات کیسی وہی جاں کے عذاب ہیں وہی میں کہتی ہے زباں خموشیوں کی وہی درد کے باب ہیں وہی میں پڑھتے ہوئے جن کو عمر گزری وہی چہرے کتاب ہیں وہی میں لکھتے ہوئے جن کو جان جائے وہی حرف نصاب ہیں وہی میں وہی رنجشیں اپنے دوستوں سے وہی دل کے حساب ہیں وہی میں آتے ہیں مگر نہیں برستے وہی تشنہ سحاب ہیں وہی میں دنیا کے سوال اور دنیا وہی میرے جواب ہیں وہی میں ۔۔۔ عبید اللہ علیم ۔۔۔ ١٩٧٣ ۔۔۔

ختم الرسل...

2006-02-22T06:53:00.000+05:00

وہ دانائے سبل ، ختم الرسل ، مولائے کل جس نے غبار راہ کو بخشا فروغ وادي سينا نگاہ عشق و مستي ميں وہي اول ، وہي آخر وہي قرآں ، وہي فرقاں ، وہي يسيں ، وہي طہ by Dr. Allama Muhammad Iqbal

دونوں جہاں

2006-02-08T16:14:00.000+05:00

دونوں جہاں تيري محبت ميں ہار کے وہ جا رہا ہے کوئي شب غم گزار کر ويراں ہے ميکدہ، گم و ساغر اداس ہيں تم کيا گئے کہ روٹھ گئے دن بہار کے اک فرصت گناہ ملئ، وہ بھي چار دن ديکھے ہيں ہم نے حوصلے پروردگار کے دنيا نے تيري ياد سے بيگانہ کرديا تجھ سے بھي دلفريب ہيں غم روزگار کے بھولے سے مسکرا تو ديے تھے وہ آج فيض مت پوچھ ولولے دل کا ناکردہ کار کے فيض احمد فيض

تيرگي ہے

2006-02-08T16:03:00.000+05:00

تيرگي ہے کہ امنڈتي ہي چلي آتي ہے شب کي رگ رگ سے لہو پھوٹ رہا ہو جيسے چل رہي ہے کچھ اس انداز سے نبض ہستي دونوں عالم کا نشہ ٹوٹ رہا ہو جيسے رات کا گرم لہو اور بھي بہ جانے دو يہي تاريکي تو ہے غازہ رخسار سحر صبح ہونے ہي کو ہے ار دل بيتاب ٹہر ابھي زنجير چھٹکتي ہے پس پردہ ساز مطلق الحکم ہے شيرازہ اسباب ابھي ساغر ناب ميں آنسو بھي ڈھلک جاتے ہيں لغزش پا ميں ہے پابندي آداز ابھي اپنے ديوانوں کو ديوانہ تو بن لينے دو اپنے ميخانوں کو ميخانہ تو بن لينے دو جلد يہ سطوت اسباب بھي اٹھ جائے گي يہ گرانباري آداب بھي اٹھ جائے گي خواہ زنجير چھٹکتي ہي، چھٹکتي ہي رہے فيض احمد فيض

کچھوا اور خرگوش

2006-02-03T23:57:00.000+05:00

ايک تھا کچھوا، ايک تھا خرگوش، دونوں نے آپس ميں دوڑ کي شرط لگائي۔ کوئي کچھوے سے پوچھے کہ تو نے کيوں لگائي؟ کيا سوچ کر لگائي؟ دنيا میں احمقوں کي کمي نہیں۔ ايک ڈھونڈو، ہزار ملتے ہیں ۔ طے يہ ہوا کہ دونوں میں سے جو نيم کے ٹيلے تک پہلے پہنچے وہ ميري سمجھا جائے۔ اسے اختيار ہے کہ ہارنے والے کے کان کاٹ لے۔ دوڑ شروع ہوئي۔ خرگوش تو يہ جا وہ جا۔ پلک جھپکنے ميں خاصي دور نکل گيا۔ مياں کچھوے وضع داري کي چال چلتے منزل کي طرف رواں ہوئے، تھوڑي دور پہنچے تو سوچا بہت چل لئے اب آرام بھي کرنا چاہئيے۔ ايک درخت کے نيچے بيٹھ کر اپنے شاندار ماضي کي يادوں میں کھوگئے جب اس دنيا میں کچھوے راج کيا کرتے تھے۔ سائنس اور فنون لطيفہ ميں بھي ان کا بڑا نام تھا۔ يونہي سوچتے ميں آنکھ لگ گئي۔ کيا ديکھتے ہيں کہ خود تو تخت شاہي پر بيٹھے ہيں۔ باقي زميني مخلوق، شير چيتے، خرگوش آدمي وغيرہ ہاتھ باندھے کھڑے ہيں يا فرشي سلام کر رہے ہيں۔ آنکھ کھلي تو ابھي سستي باقي تھي۔ بولے ابھي کيا جلدي ہے ؟ اس خرگوش کے بچے کي کيا اوقات ہے ميں بھي کتنے عظيم ورثے کا مالک ہوں؟ واہ بھئي واہ ميرے کيا کہنے۔ جانے کتنا زمانہ سوئے رہے تھے جب جي بھر کے سستالئے تو پھر ٹيلے کي طرف رواں ہوئے ، وہاں خرگوش کو نہ پايا بہت خوش ہوئے۔ اپنے کو داد دي کہ واہ رے مستعدي ميں پہلے پہنچ گيا۔ بھلا کوئي ميرا مقابلہ کر سکتا ہے؟ اتنے ميں ان کي نظر خرگوش کے ايک پلے پر پڑي جو ٹيلے کے دامن ميں کھيل رہا تھا۔ کچھوے نے کہا اے برخوردار تو خرگوش خاں کو جانتا ہے؟ خرگوش کے بچے نے کہا جي ہاں جانتا ہوں ميرے ابا حضور تھے معلوم ہوتا ہے ، آپ ہيں وہ کچھوے مياں جنہوں نے ابا جان سے شرط لگائي تھي ۔ وہ تو پانچ منٹ ميں يہاں پہنچ گئے تھے۔ اس کے بعد مدتوں آپ کا انتظار کرتے رہے۔ آخر انتقال کرگئے۔ جاتے ہوئے وصيت کر گئے تھے کہ کچھوے مياں آئیں تو ان کے کان کاٹ لينا۔ اب لائيے ادھر کان۔ کچھوے نے فورا اپنے کان اپنے سري خول کے اندر کر لي۔ آج تک چھپائے پھرتا ہے۔ ابن انشاء

آنکھ سے دور سہی

2006-01-31T02:47:00.000+05:00

آنکھ سے دور سہی دل سے کہاں جائے گا جانے والے تو ہمیں یاد بہت آئے گا خواب سا دیکھا ہے تعبیر نہ جانے کیا ہو زندگی بھر کوئی اب خواب ہی دوہرائے گا ٹوٹ جائیں نہ کہیں پیار کے نازک رشتے وقت ظالم ہے ہر اک موڑ پہ ٹکرائے گا عشق کو جرم سمجھتے ہیں زمانے والے جو یہاں پیار کرے گا وہ سزا پائے گا ۔۔۔ عبید اللہ علیم ۔۔۔ ١٩٦٤ ۔۔۔

کوئی پیاس کہیں رہ جاتی ہے

2006-01-30T00:54:00.000+05:00

کوئی لاکھ سمندر پی جائے کوئی لاکھ ستارے چھو آئے کوئی پیاس کہیں رہ جاتی ہے کوئی آس کہیں رہ جاتی ہے کوئی زیست کا ساغر بھرتا ہے کوئی پھِر خالی ہو جاتا ہے کوئی لمحے بھر کو آتا ہے کوئی پل بھر میں کھو جاتا ہے کوئی پیاس کہیں رہ جاتی ہے کوئی آس کہیں رہ جاتی ہے ۔۔۔ عبیداللہ علیم ۔۔۔ ١٩٩٠ ۔۔۔

خواہش ہو اگر تيری

2006-01-26T23:28:00.000+05:00

خواہش ہو اگر تيری کہ ہو کام فٹا فٹ اے دوست ميری ميز پر رکھ دام فٹا فٹ دولت بھي عجب چيز ہے اس دور ميں بھيا محبوب بھي آتا ہے لبِ بام فٹا فٹ جو يار فرمائش پوری نہيں کرتے وہ عشق ميں ہو جاتے ہيں ناکام فٹا فٹ گفتار کے غازي ہو تو بن سکتے ہو ليڈر تقريروں سے پبلک کو کرو رام فٹا فٹ کھانے ميں نمک کم ہو کہ ہو مرچ زيادہ ميں گھر ميں مچا ديتا ہوں کہرام فٹا فٹ عيد آئي کہ آئي ہے مري شامتِ اعمال ہر شخص طلب کرتا ہے انعام فٹا فٹ تنقيد تو کرتے ہو ضياء يہ بھي سمجھ لو ہو جائو گے تم شہر ميں بدنام فٹا فٹ ضياء الحق قاسمي

ہم پرورش لوح و قلم کرتے رہیں گے

2006-01-25T16:09:00.000+05:00

ہم پرورش لوح و قلم کرتے رہیں گے جو دل پہ گذری ھے رقم کرتے رہیں گے اسباب غم عشق بہم کرتے رہیں گے ویرانی دوراں پہ کرم کرتے رہیں گے ہاں تلخی ایام ابھی اور بڑھے گی ہاں اہل ستم مشق ستم کرتے رہیں گے منظور یہ تلخی یہ ستم ہم کو گوارہ دم ہے تو مداواء علم کرتے رہیں گے باقی ہےلہو دل میں تو ہر اشک سے پیدا رنگ لب و رخسار صنم کرتے رہیں گے اک طرز تغافل ہے سو وہ ان کو مبارک اک عرض تمنا ہے سو ہم کرتے رہیں گے فيض احمد فيض

تيرگي ہے

2006-01-25T00:33:00.000+05:00

تيرگي ہے کہ امنڈتي ہي چلي آتي ہے شب کي رگ رگ سے لہو پھوٹ رہا ہو جيسے چل رہی ہے کچھ اس انداز سے نبضِ ہستی دونوں عالم کا نشہ ٹوٹ رہا ہو جيسے رات کا گرم لہو اور بھي بَہ جانے دو يہی تاريکی تو ہے غازہِ رخسارِ سحر صبح ہونے ہی کو ہے اور دل بيتاب ٹہر ابھی زنجير چھٹکتی ہے پسِ پردہ ساز مطلق الحکم ہے شيرازہ اسباب ابھي ساغر ناب ميں آنسو بھي ڈھلک جاتے ہيں لغزش پا ميں ہے پابندی آداز ابھي اپنے ديوانوں کو ديوانہ تو بن لينے دو اپنے ميخانوں کو ميخانہ تو بن لينے دو جلد يہ سطوت اسباب بھي اٹھ جائے گی يہ گرانباري آداب بھي اٹھ جائے گی خواہ زنجير چھٹکتی ہي، چھٹکتی ہی رہے فيض احمد فيض

چڑا اور چڑيا

2006-01-22T02:10:00.000+05:00

برسوں کے بعد

2006-01-19T19:41:00.000+05:00

برسوں کے بعد ديکھا شخص دلربا سا اب ذہن ميں نہيں ہے پر نام تھا بھلا سا ابرو کِھچھے کِھچھے سے آنکھيں جھکي جھکي سي باتيں رکي رکي سي، لہجہ تھکا تھکا سا الفاظ تھے کہ جگنو آواز کے سفر ميں بن جائے جنگلوں ميں جس طرح راستہ خوابوں ميں خواب اس کے، يادوں ميں ياد اس کي نيندوں ميں گھل گيا ہو جيسے کہ رتجگا سا پہلے بھي لوگ آئے کتنے ہي زندگي ميں وہ ہر طرح سے ليکن اوروں سے تھا جدا سا اگلي محبتوں نے وہ نامرادياں ديں تازہ رفاقتوں سے دل تھا ڈرا ڈرا سا احمد فراز

يہ عالم شوق

2006-01-16T02:42:00.000+05:00

ادب کي سرپرستي وغيرہ

2006-01-14T18:12:00.000+05:00

انارکلي ايک کنيز تھي جس کي وجہ سے شہزادہ سليم کا اخلاق خراب ہونےکا انديشہ تھا،اکبر نے اسے ديوار ميں چنا وا ديا، ايک مصلحت اس ميں يہ تھي کہ سيد امتياز علي تاج اپنا معرکہ آرا ڈرامہ لکہ سکيں اور اردو ادب کے ذخيرے ميں ايک قيمتي اضافہ ہوسکے، درباري شاعري نظيري نيشا پوري نے ايک بار کہا کہ ميں نے لاکھ روپے کا ڈھير بھي نہيں ديکھا، بادشاہ نے ايک لاکھ خزانے سے نکلوا کر ڈھير لگا ديا، جب نظير اچھي طرح ديکہ چکا توروپے واپس خزانے ميں بھجوا دئيے، نظيري ديکھتے کا ديکھتا رہ گيا، اصل ميں نظيري يہ حرکت خانخاناں کے ساتھ پہلے بھي کر چکا تھا، خانخاناں نے شاعر کي نيت کو بھانپ کر کہہ ديا تھا کہ اچھااب يہ ڈھير تم اپنے گھر لے جائو، ليکن اکبر ايسا کچا آدمي نہ تھا۔ ابن انشاء

ميرے مولا جواني ميں

2006-01-13T23:28:00.000+05:00

ميرے مولا جواني ميں کيوں ہوتي ہيں تقصيريں کباڑا دل کا کرتي ہيں يہ چلتي پھرتي تصويريں اليکشن ميں ضمانت تک ہوئي تھي ضبط ميري بھي اگر چہ خوب وعدے اور کيں کتني ہي تقريريں سنا ہے جيل خانے سے نکل بھاگا ہے اک ڈاکو جو ہو ذوق يقيں پيدا تو کٹ جاتي ہيں زنجيريں ميرےمحبوب کي چھٹي کا دن اتوار ہوتا ہے ميرے کس کام کے ہفتے ميرے کس کام کي پيريں تو لنڈے کا پہن کر سوٹ کيوں مجھ سے اکڑتا ہے اسي ميں رہ دگر نہ پھاڑ کر دوں گا ميں ليريں جو آئے تيرے دفتر ميں دبا کر دے اسے رگڑا اسي خفيہ کمائي سے بدل جاتي ہيں تقديريں ترا بھي ايک دن ڈيفینس ميں بن جائے گا بنگلہ تجھے بھي مل ہي جائيں گي حسيں خوابوں کي تعبيريں کلاشنکوف لے کر ہاتھ ميں تو دندناتا پھر عجائب گھر کي الماري ميں رکھ دے اپني شمشيريں عمل سے زندگي بنتي ہے جنت بھي جہنم بھي جناب شيخ کے کام آئيں گے حلوے نہ يہ کھيريں ضياء الحق قاسمي

شعر

2006-01-12T01:29:00.000+05:00

اس نے کہا تھا تمہیں اپنا بنا کر چھوڑوں گا یہی کیا ، اس نے اپنا بنا کر چھوڑ دیا ۔۔۔

گاؤں کي ياد

2006-01-08T06:09:00.000+05:00

آکسيجن يہاں نہيں ملتي پھيپھڑوں کو دھوئيں سے بھرتا ہوں ياد کرتا ہوں گاؤں کو اپنے جب تيرے شہر سے گزرتا ہوں

انور مسعود

آج ميں کل کا دخل

2006-01-01T16:47:00.000+05:00

کھيل دھوپ چھاؤں کا بادلوں ہواؤں کا صحنِ صبح نو ميں ہے وہ قديم راستے شہر وہ خيال کے حسن جن کا دور سے تھا سفر ميں يار سا ان کي اک جھلک بھي ہے سامنے کي ديد ميں اس نويدِ عيد ميں آج کے قرار ميں آنے والے دور کے خوش نما غبار ميں ان کي اک مہک بھي ہے چاہتوں کے سال ميں حجلہء وصال سي آج کي بہار میں منير نيازي

يہ جو لمحے گلاب جيسے ہيں

2005-12-29T18:05:00.000+05:00

يہ جو لمحے گلاب جيسے ہيں آ کہ تجھ بن عذاب جيسے ہيں تو نہيں ہے تو ايسا لگتا ہے سارے منظر سراب جيسے ہيں يہ جو سپنے ادھر نہيں آتے ميرے خط کے جواب جيسے ہيں پاس جائيں تو ہم پہ کھلتا ہے لوگ سارے سراب جيسے ہيں گيت ناہيد کيا سناؤں ميں سٔر سبھي اضطراب جيسے ہيں ناہِيد ورک

بھول ہوئی ہے

2005-12-27T19:02:00.000+05:00

برگشتہء یزدان سے کچھ بھول ہوئی ہے بھٹکے ہوۓ انسان سے کچھ بھول ہوئی ہے تاحدِ نظر شعلے ہی شعلے ہیں چمن ميں پھولوں کے نگہبان سے کچھ بھول ہوئی ہے جس عہد میں لٹ جاۓ فقیروں کی کمائی اس عہد کے سلطان سے کچھ بھول ہوئی ہے حوروں کی طلب اور مہ و ساغر سے ہے نفرت زاہد تیرے عرفان سے کچھ بھول ہوئی ہے ساغر صدیقی

کب ياد ميں

2005-12-19T17:25:00.000+05:00

پہاڑ

2005-12-18T02:05:00.000+05:00

ان پہاڑوں کو ديکھوں ،بعضوں کي چوٹياں آسمان سے باتيں کرتي ہيں۔ کيا باتيں کرتي ہيں؟ يہ کسي نے نہيں سنا۔پہاڑوں کے اندر کيا ہوتا ہے؟ معلوم نہيں ۔بعض اوقات پہاڑ کو کھودو تو اندر سے چوہا نکلتا ہے۔بعض اوقات چوہا بھي نہيں نکلتا ۔جس پہاڑ ميں سے چوہا نکلے اسے غنيمت جاننا چاہئيے۔ جو لوگ پہاڑوں پر رہتے ہيں ان کو گرم کپڑے تو ضرور بنوائے پڑتے ہيں ليکن ويسے کئي فائدے بھي ہيں ۔پہاڑوں پر برف جمي ہے جو ان لوگوں کو مفت مل جاتي ہے۔جتنا جي چاہے پاني ميں ڈال کر پيئيں ۔برف ميں رہنے والوں کو ريفريجريٹر بھي نہيں خريدنے پڑتے پيسے بچتے ہيں۔ پہاڑ پتھروں کےبنے ہوتے ہيں۔ پتھر بہت سخت ہوتے ہيں ۔جس طرح محبوبوں کے دل سخت ہوتے ہيں ۔فرق يہ ہے کہ کبھي کبھي پتھر موم بھي ہو جاتے ہيں۔جو پہاڑ بہت بلندي دکھاتے ہيں ان کو کاٹتے ہيں اور کاٹ کر ان کے پتھر سڑکوں پر بچھاتے ہيں لوگ انہيں جوتوں سے پامال کرتے گزرتے ہيں ۔ جو پتھر زيادہ سختي دکھائيں وھ چکي ميں پستے ہيں ۔ سرمہ بن جاتے ہيں ۔سارا پتھر پن بھول جاتے ہيں۔ ۔۔۔کون ہو سکتا ہے ۔۔۔ابن انشاء ۔۔۔ کے علاوہ ۔۔۔

اس سے پہلے کہ بے وفا ہوجائيں

2005-12-18T01:57:00.000+05:00

اس سے پہلے کہ بے وفا ہوجائيں کيوں نہ اے دوست ہم جدا ہو جائيں تو بھي ہيرے سے بن گيا پتھر ہم بھي جانے کيا ہو جائيں تو کہ يکتا بے شمار ہوا ہم بھي ٹوٹيں تو جا بجا ہوجائيں ہم بھي مجبوريوں کا عذر کريں پھر کہيں اور مبتلا ہو جائيں ہم اگر منزليں نہ بن پائے منزلوں تک کا راستہ ہو جائيں دير سے سوچ ميں ہيں پروانے راکھ ہو جائيں يا ہوا ہوجائيں اب کے گر تو ملے تو ہم تجھ سے ايسے لپٹيں کہ قبا ہو جائيں بندگي ہم نے چھوڑ دي فراز کيا کريں جب لوگ خدا ہوجائيں احمد فراز

کراچي سے ہيتھرو تک

2005-12-18T01:46:00.000+05:00

يہ صورت اس وقت پيدا ہوتي ہے جب چھوٹي کار تيز اور بڑي کار کو آھستہ چلايا جائے بخش کے پاس بڑي کار ہے۔ مگر نہ وہ اسے آہستہ چلاتے ہيں اور نہ تيز چلاتے ہيں بس يہ ہے کہ جب بريک پر پاؤں رکھنا ہو بخش صاحب ايکسيليٹر پر پاؤں رکھ ديتے ہيں اور جب پاؤں ايکسيليٹر پر ھونا چائيے اس وقت بخش صاحب کا پاؤں بريک پر ہوتا ہے۔ تاہم بخش صاحب کا کمال فن يہ ہے کہ ان کا آج تک چالان نہيں ہوا جيسے آج تک ہمارے ملک کے صاحبان اقتدار کا کبھي چالان نہيں ہو سکا جو ملک اسي طرح چلاتے ہيں۔ جس طرح بخش لائل پوري کار چلاتے ہيں۔لندن کي پراني طرز کي سياہ عمارتوں اور تنگ گلي کوچوں سے گزرتے ہوئے اب ھم ٣٣٧ ميٹر روڈ ويٹ بانسلو کے سامنے کھڑے تھے ۔يہ گھر مجھے بہت عزيز ھے ۔ ميں نے گذشتہ برس بھي اس گھر میں دو ہفتے گذارے تھے ۔ سويٹي بيٹي، فرحانہ بيٹي ، شاہد ، شفقت ، بھابي شميم اور مور اوور کے طور پر بخش لائل پوري کي پر خلوص مہمانداري کے طفيل مجھے اپنے گھر سے ہزاروں ميل دور يہ گھر اپنا سا لگتا ہے۔ جاری ہے ۔۔۔ یہ میں کہہ رہی ہوں قاسمی صاحب نہیں-اسماء ۔۔۔ عطاء الحق قاسمي ۔۔ گوروں کے ديس ميں ۔۔۔

ایک محبت ایک افسانہ

2005-12-14T05:22:00.000+05:00

اکثر ایسے بھی ہوا کہ تم نے اپنی پسند پر میری مرضی کو قربان کردیا اور میں نے پتہ نہیں کیوں قربان ہونے دیا۔ میں بالوں میں ٹیڑھی مانگ نکالتا تھا لیکن تم نے کہا "مجھے درمیان میں پسند ہے"۔ میں نے کنگھی تمہارے آگے بڑھادی تو تم نے کہا "میں خود نہیں نکالوں گی۔" پھر میری مانگ خودبخود سیدھی نکلنے لگی۔ پر ان بالوں کو حسرت ہی رہی کہ کبھی تمہارے ہاتھوں سے منت پزیر شانہ ہوتے۔ ایک بار جب میں کرائے کی سائیکل لے کر سارا دن ادھر ادھر گھومتا رہا تھا اور شام کو دکان بند ہوگئی تھی اور میں سائیکل لے کر گھر آگیا تھا تو رات کو کھلی ہوئی چاندنی دیکھ کر تمہارا جی چرایا۔ تم سائیکل برآمدے سے باہر گلی میں نکال لے گئیں لیکن چلاتا کون! اس وقت اگر میں نہ ہوتا تو پتہ نہیں تم کتنی دیر ایسے ہی کھڑی رہتیں۔ پھر میں نے ہی تمہیں آگے بٹھا کر گلی کے اس سرے تک سیر کروائی لیکن اونچے نیچے گڑھوں والی زمین پر سائیکل اچھلتی رہی اور میری ٹھوڑی تمہارے سر سے ٹکراتی رہی اور واپسی پر جب میں نے یہ رائے دی کہ دکانوں کی قطار کا چکر کاٹ کر اپنے گھر کے پچھواڑے جا اتریں گے کیونکہ وہ راستہ ہموار تھا تو تم نے خود میری تجویز رد کردی تھی۔ اگر اس طرح ایک بار پھر میری ٹھوڑی تمہاری مانگ کو چھو رہی تھی تو میرا قصور؟ جب تم کالج سے دوپہر کو گھر آتی تھیں تو میں اپنی کھڑکی کھولے ہوئے بیٹھا ہوتا۔ ہمارے گھر کے عین سامنے ایک چھوٹی سی کھائی تھی جسے تم ہمیشہ پھلانگ کر گزرا کرتی تھیں۔ تمہارے ساتھ اور دو تین لڑکیاں بھی ہوتیں مگر وہ کھبی اس طرح نہ گزری تھیں یا تو اس سے کترا جاتیں یا ایک پاؤں اس میں اتار کر دوسرا اگلے کنارے پر رکھ دیتیں۔ میں یہی نظارہ کرنے کے لئیے کھڑکی کے پٹ کھولے رکھتا تھا۔ تھوڑے عرصے بعد وہ کھائی پر ہوگئی لیکن تم نے اپنا انداز نہ بدلا۔ تم اس تازہ ڈھلی ہوئی مٹی پر سے اسی طرح گزرتی رہیں جیسے کھائی پر سے گزرتی تھیں اور وہ نشیب پر ہونے کے باوجود میری کھڑکی بند نہ ہوئی۔ جب میں نےخدا کو ماننا چھوڑ دیا تو اوروں کے ساتھ تمہیں بھی رنج ہوا بھائی جان سے میری لمبی لمبی بحثیں سن کر تم نے مجھ سے پوچھا تھا۔ "آخر آپ خدا کو مانتے کیوں نہیں؟" تو میں نے کہا تھا کہ "اس کے ماننے یہ نہ ماننے سے انسانی زندگی پر کوئی فرق نہیں پڑتا۔" تو تم نے جواب دیا تھا کہ "میں تو سمجھتی تھی فلسفہ پڑھنے سے تمہارا دماغ روشن ہوجائے گا۔ پر…" "روشن ہی تو ہوا ہے۔" میں نے کہا تھا "جب وقت…" "وقت اور فاصلہ میں کچھ نہیں سمجھتی۔" تم نے بات کاٹ کر کہا۔ "آج سے خدا کو مانا کرو۔" "لیکن… " "لیکن کچھ نہیں۔ میں جو کہتی ہوں خدا ہے۔" "پر…" "اچھا تو جاکر اپنی کھڑکی بند کرلو۔ سمجھ لو آج سے وہ کھائی پر ہوچکی۔" میں تم سے تو شاید نہ ڈرتا لیکن تمہاری دھمکی سے ڈر گیا اور اس دن سے مجھے ہر شے میں خدا کا ظہور نظر آنے لگا۔ * * اشفاق احمد مرحوم کے افسانے 'رات بیت رہی ہے' سے اقتباس۔ یہ افسانہ ان کے مجموعے 'ایک محبت سو افسانے' میں شائع ہوا تھا۔

خوشبو

2005-12-07T10:14:00.000+05:00

خوشبو، ہوا، تتلیاں اور پھول۔ یہ الفاظ سن کر اردو شاعری کا جو چہرہ ذہن میں آتا ہے وہ خوبصورت چہرہ ہے پروین شاکر کا۔ پروین شاکر ایک شاعرہ سے بڑھ کر ایک رہنما ثابت ہوئیں۔ اردو شاعری میں جدید، پرکشش اور پراثر نسوانی طرز کی بنیاد ڈالنے والی یہ شاعرہ شہرت کی بلندیوں پر پہنچ کر ہم سے جدا ہوگئیں۔ لیکن ان کے کلام کی خوشبو ہوا کے ساتھ ساتھ پھیلتی رہی۔ ان کی شاعری نے پہلی مرتبہ پاکستانی عورتوں اور دنیا بھر کی خواتین کے جذبات اور احساسات کی اردو شاعری میں ترجمانی کی۔ پروین شاکر کی نظموں کی وہ لڑکی جو دریا کے کنارے پر بیٹھی اپنے بالوں میں چمکتی پانی کی بوندوں کو دیکھ کر کھو جاتی ہے۔ وہی لڑکی جہاں ایک طرف خوشبو اور پیار کے چند بولوں کی غلام نظر آتی ہے وہیں قربانی، وفا اور ایثار کا پیکر بھی۔ ان کی برسی چند دن پہلے منائی گئی اسی سلسلے میں پیش خدمت ہے ان کے کلام سے انتخاب۔ سب سے پہلے ایک غزل سے چند اشعار: مشکل ہے شہر میں نکلے کوئی گھر سے دستار پہ بات آگئی ہے ہوتی ہوئی سر سے برسا بھی تو کس دشت کے بے فیض بدن پر اک عمر میرے کھیت تھے جس ابر کو ترسے اس بار جو ایندھن کے لئیے کٹ کے گرا ہے چڑیوں کو بڑا پیار تھا اس بوڑھے شجر سے اب ایک نظم جس کا عنوان ہے 'پیار': ابر بہار نے پھول کا چہرہ اپنے بنفشی ہاتھ میں لیکر ایسے چوما پھول کے سارے دکھ خوشبو بن کر بہہ نکلے ہیں ایک اور نظم جس کا عنوان ہے توقع: جب ہوا دھیمے لہجوں میں کچھ گنگناتی ہوئی خواب آسا، سماعت کو چھوجائے، تو کیا تمہیں کوئی گزری ہوئی بات یاد آئے گی؟ ان کے آخری مجموعہ کلام کف آئینہ سے ایک نظم: یہ بارش خوبصورت ہے ایک عرصے بعد میری روح میں سیراب ہونے کی تمنا جاگ اٹھی ہے مگر بادل کے رستے میں بہت سے پیڑ آتے ہیں میں پل بھر کے لئیے شاداب ہوں اور اپنی باقی عمر پھر صحرا میں کاٹوں؟ میں اپنی پیاس پر راضی رہوں گی مرے آنسو مرے دل کی کفالت کے لئیے کافی رہیں گے اور آخر میں پیش خدمت ہیں ان کی ایک مشہور غزل کے چند اشعار: اپنی رسوائی ترے نام کا چرچا دیکھوں ایک ذرا شعر کہوں اور میں کیا کیا دیکھوں نیند آجائے تو کیا محفلیں برپا دیکھوں آنکھ کھل جائے تو تنہائی کا صحرا دیکھوں شام ہوگئی دھندلا گئ آنکھیں بھی مری بھولنے والے میں کب تک ترا رستہ دیکھوں پروین شاکر کے مجموعے ماہ تمام سے انتخاب اردو پوائنٹ پر یہاں پڑھا جاسکتا ہے۔ مزید کلام رومن اردو میں اردو پوئٹری ڈاٹ کام پر پڑھا جاسکتا ہے۔ اس کے علاوہ پروین شاکر کی مختصر پروفائل یہاں پڑھئیے۔

سویرے جو کل آنکھ میری کھلی

2005-12-05T01:21:00.000+05:00

گیدڑ کی موت آتی ہے تو شہر کی طرف دوڑتا ہے۔ ہماری جو شامت آئی تو ایک دن اپنے پڑوسی لالہ کرپا شنکرجی برہمچاری سے برسبیل تذکرہ کہہ بیٹھے کہ "لالہ جی امتحان کے دن قریب آتے جاتے ہیں، آپ سحرخیز ہیں، ذرا ہمیں بھی صبح جگادیا کیجیئے۔" وہ حضرت بھی معلوم ہوتا ہے نفلوں کے بھوکے بیٹھے تھے۔ دوسرے دن اُٹھتے ہی انہوں نے ایشور کا نام لے کر ہمارے دروازے پر مکابازی شروع کردی کچھ دیر تک تو ہم سمجھے کہ عالم خواب ہے۔ ابھی سے کیا فکر، جاگیں تو لاحول پڑھ لیں گے۔ لیکن یہ گولہ باری لمحہ بہ لمحہ تیز ہوتی گئی۔ اور صاحب جب کمرے کی چوبی دیواریں لرزنے لگیں، صراحی پر رکھا گلاس جلترنگ کی طرح بجنے لگا اور دیوار پر لٹکا ہوا کیلنڈر پنڈولم کی طرح ہلنے لگا تو بیداری کا قائل ہونا ہی پڑا۔ مگر اب دروازہ ہے کہ لگاتار کھٹکھٹایا جا رہا ہے۔ میں کیا میرے آباؤاجداد کی روحیں اور میری قسمت خوابیدہ تک جاگ اُٹھی ہوگی۔ بہتر آوازیں دیتا ہوں۔۔۔ "اچھا!۔۔۔ اچھا!۔۔۔ تھینک یو!۔۔۔ جاگ گیا ہوں!۔۔۔ بہت اچھا! نوازش ہے!" آنجناب ہیں کہ سنتے ہی نہیں۔ خدایا کس آفت کا سامنا ہے؟ یہ سوتے کو جگا رہے ہیں یا مردے کو جلا رہے ہیں؟ اور حضرت عیسیٰ بھی تو بس واجبی طور پر ہلکی سی آواز میں "قم" کہہ دیا کرتے ہوں گے، زندہ ہوگیا تو ہوگیا، نہیں تو چھوڑ دیا۔ کوئی مردے کے پیچھے لٹھ لے کے پڑجایا کرتے تھے؟ توپیں تھوڑی داغا کرتے تھے؟ یہ تو بھلا ہم سے کیسے ہوسکتا تھا کہ اُٹھ کر دروازے کی چٹخنی کھول دیتے، پیشتر اس کے کہ بستر سے باہر نکلیں، دل کو جس قدر سمجھانا بجھانا پڑتا ہے۔ اس کا اندازہ کچھ اہل ذوق ہی لگا سکتے ہیں۔ آخرکار جب لیمپ جلایا اور ان کو باہر سے روشنی نظر آئی، تو طوفان تھما۔ اب جو ہم کھڑکی میں سے آسمان کو دیکھتے ہیں تو جناب ستارے ہیں، کہ جگمگا رہے ہیں! سوچا کہ آج پتہ چلائیں گے، یہ سورج آخر کس طرح سے نکلتا ہے۔ لیکن جب گھوم گھوم کر کھڑکی میں سے اور روشندان میں سے چاروں طرف دیکھا اور بزرگوں سے صبح کاذب کی جتنی نشانیاں سنی تھیں۔ ان میں سے ایک بھی کہیں نظر نہ آئی، تو فکر سی لگ گئی کہ آج کہیں سورج گرہن نہ ہو؟ کچھ سمجھ میں نہ آیا، تو پڑوسی کو آواز دی۔ "لالہ جی!۔۔۔ لالہ جی؟" جواب آیا۔ "ہوں۔" میں نے کہا "آج یہ کیا بات ہے۔ کچھ اندھیرا اندھیرا سا ہے؟" کہنے لگے "تو اور کیا تین بجے ہی سورج نکل آئے؟" تین بجے کا نام سن کر ہوش گم ہوگئے، چونک کر پوچھا۔ "کیا کہا تم نے؟ تین بجے ہیں۔" کہنے لگے۔ "تین۔۔۔ تو۔۔۔ نہیں۔۔۔ کچھ سات۔۔۔ ساڑھے سات۔۔۔ منٹ اوپر تین ہیں۔" میں نے کہا۔ "ارے کم بخت، خدائی فوجدار، بدتمیز کہیں کے، میں نے تجھ سے یہ کہا تھا کہ صبح جگا دینا، یا یہ کہا تھا کہ سرے سے سونے ہی نہ دینا؟ تین بجے جاگنا بھی کوئی شرافت ہے؟ ہمیں تو نے کوئی ریلوے گارڈ سمجھ رکھا ہے؟ تین بجے ہم اُٹھ سکا کرتے تو اس وقت دادا جان کے منظور نظر نہ ہوتے؟ ابے احمق کہیں کے تین بجے اُٹھ کے ہم زندہ رہ سکتے ہیں؟ امیرزادے ہیں، کوئی مذاق ہے، لاحول ولاقوة"۔ دل تو چاہتا تھا کہ عدم تشدد وتشدد کو خیرباد کہہ دوں لیکن پھر خیال آیا کہ بنی نوع انسان کی اصلاح کا ٹھیکہ کوئی ہمیں نے لے رکھا ہے؟ ہمیں اپنے کام سے غرض۔ لیمپ بجھایا اور بڑبڑاتے ہوئے پھر سوگئے۔ اور پھر حسب معمول نہایت اطمینان کے ساتھ بھلے آدمیوں کی طرح اپنے دس بجے اُٹھے، بارہ بجے تک منھ ہاتھ دھویا اور چار بجے چائے پی کر ٹھنڈی سڑک کی سیر کو نکل گئے۔ شام کو واپس ہاِسٹل میں وارد ہوئے۔ جوش شباب تو ہے ہی اس پر شام کا ارمان انگیز وقت۔ ہوا بھی نہایت لطیف تھی۔ طبعیت بھی ذرا مچلی ہوئی تھی۔ ہم ذرا ترنگ میں گاتے ہوئے کمرےمیں داخل ہوئے کہ بلائیں زلف جاناں کی اگر لیتے تو ہم لیتے کہ اتنے میں پڑوسی کی آواز آئی۔ "مسٹر"۔ ہم اس وقت ذرا چٹکی بجانے لگے تھے۔ بس انگلیاں وہیں پر رک گئیں۔ اور کان آواز کی طرف لگ گئے۔ ارشاد ہوا "یہ آپ گا رہے ہیں؟" (زور "آپ" پر)میں نے کہا۔ "اجی میں کس لائق ہوں۔ لیکن خیر فرمائیے؟" بولے "ذرا۔۔۔ وہ میں۔۔۔ میں ڈسٹرب ہوتا ہوں ۔ بس صاحب۔ ہم میں جو موسیقیت کی روح پیدا ہوئی تھی فوراً مر گئی۔ دل نے کہا۔ "اونابکار انسان دیکھ پڑھنے والے یوں پڑھتے ہیں "صاحب، خدا کے حضور گڑگڑا کر دعا مانگی کہ "خدایا ہم بھی اب باقاعدہ مطالعہ شروع کرنے والے ہیں۔ہماری مدد کر اور ہمیں ہمت دے۔" آنسو پونچھ کر اور دل کو مضبوط کرکے میز کے سامنے آبیٹھے، دانت بھینچ لئے، نکٹائی کھول دی، آستینیں چڑھا لیں، لیکن کچھ سمجھ میں نہ آيا کہ کریں کیا؟ سامنے سرخ سبز، زرد سب ہی قسم کی کتابوں کا انبار لگا تھا۔ اب ان میں سے کوئی سی پڑھیں؟ فیصلہ یہ ہوا کہ پہلے کتابوں کو ترتیب سے میز پر لگادیں کہ باقاعدہ مطالعہ کی پہلی منزل یہی ہے۔ بڑی تقطیع کی کتابوں کو علیحدہ رکھ دیا۔ چھوٹی تقطیع کی کتابوں کو سائز کے مطابق الگ قطار میں کھڑا کردیا۔ ایک نوٹ پیپر پر ہر ایک کتاب کے صفحوں کی تعداد لکھ کر سب کو جمع کیا پھر ١٥ ۔اپریل تک کے دن گنے۔ صفحوں کی تعداد کو دنوں کی تعداد پر تقسیم کیا۔ ساڑھے پانچ سو جواب آیا، لیکن اضطراب کی کیا مجال جو چہرے پر ظاہر ہونے پائے۔ دل میں کچھ تھوڑا سا پچھتائے کہ صبح تین بجے ہی کیوں نہ اُٹھ بیٹھے لیکن کم خوابی کے طبی پہلو پر غور کیا۔ تو فوراً اپنے آپ کو ملامت کی۔ آخرکار اس نتیجے پر پہنچے کہ تین بجے اُٹھنا تو لغویات ہےالبتہ پانچ، چھ، سات بجے کے قریب اُٹھنا معقول ہوگا۔ صحت بھی قائم رہے گی، اور امتحان کی تیاری بھی باقاعدہ ہوگی۔ ہم خرماد ہم ثواب۔ یہ تو ہم جانتے ہیں کہ سویرے اُٹھنا ہو تو جلدی ہی سو جانا چاہیئے۔ کھانا باہر سے ہی کھا آئے تھے۔ بستر میں داخل ہوگئے۔ چلتے چلتے خیال آیا، کہ لالہ جی سے جگانے کے ليے کہہ ہی نہ دیں؟ یوں ہماری اپنی قوت ارادی کافی زبردست ہے جب چاہیں اُٹھ سکتے ہیں، لیکن پھر بھی کیا ہرج ہے؟ڈرتے ڈرتے آواز دی۔ "لالہ جی!" انہوں پتھر کھینچ مارا "یس!" ہم اور بھی سہم گئے کہ لالہ جی کچھ ناراض معلوم ہوتے ہیں، تتلا کے درخواست کی کہ لالہ جی، صبح آپ کو بڑی تکلیف ہوئی، میں آپ کا بہت ممنون ہوں۔ کل اگر ذرا مجھے چھ بجے یعنی جس وقت چھ بجیں۔۔۔" جواب ندارد۔ میں نے پھر کہا "جب چھ بج چکیں تو۔۔۔ سنا آپ نے؟" چپ۔ "لالہ جی!" کڑکتی ہوئی آواز نے جواب دیا۔ "سن لیا سن لیا چھ بجے جگا دوں گا۔ تھری گاما پلس فور ایلفا پلس۔۔۔" "ہم نے کہا ب۔۔۔ ب۔۔۔ ب۔۔۔ بہت اچھا۔ یہ بات ہے۔" توبہ! خدا کسی کا محتاج نہ کرے۔ لالہ جی آدمی بہت شریف ہیں۔ اپنے وعدے کے مطابق دوسرے دن صبح چھ بجے انہوں نے دروازو ں پر گھونسوں کی بارش شروع کردی۔ ان کا جگانا تو محض ایک سہارا تھا ہم خود ہی انتظار میں تھے کہ یہ خواب ختم ہولے تو بس جاگتے ہیں۔ وہ نہ جگاتے تو میں خود ایک دو منٹ کے بعد آنکھیں کھول دیتا۔ بہر صورت جیسا کہ میرا فرض تھا۔ میں نے ان کا شکریہ ادا کیا۔ انہوں نے اس شکل میں قبول کیا کہ گولہ باری بند کردی۔ اس کے بعد کے واقعات ذرا بحث طلب سے ہیں اور ان کے متعلق روایات میں کسی قدر اختلافات ہے بہرحال اس بات کا تو مجھے یقین ہے۔ اور میں قسم بھی کھا سکتا ہوں کہ آنکھیں میں نے کھول دی تھیں۔ پھر یہ بھی یاد ہے کہ ایک نیک اور سچے مسلمان کی طرح کلمہ شہادت بھی پڑھا۔ پھر یہ بھی یاد ہے کہ اُٹھنے سے پیشتر دیباچے کے طور پر ایک آدھ کروٹ بھی لی۔ پھر کا نہیں پتہ۔ شاید لحاف اوپر سے اتار دیا۔ شاید سر اس میں لپیٹ دیا۔ یا شاید کھانسایا خراٹا لیا۔ خیر یہ تو یقین امر ہے کہ دس بجے ہم بالکل جاگ رہے تھے۔ لیکن لالہ جی کے جگانے کے بعد اور دس بجے سے پیشتر خدا جانے ہم پڑھ رہے تھے یا شاید سو رہے تھے۔ نہیں ہمارا خیال ہے پڑھ رہے تھے یا شاید سو رہے تھے۔ بہرصورت یہ نفسیات کا مسئلہ ہے جس میں نہ آپ ماہر ہیں نہ میں۔ کیا پتہ، لالہ جی نے جگایا ہی دس بجے ہو۔ یا اس دن چھ دیر میں بجے ہوں۔ خدا کے کاموں میں ہم آپ کیا دخل دے سکتے ہیں۔ لیکن ہمارے دل میں دن بھر یہ شبہ رہا کہ قصور کچھ اپنا ہی معلوم ہوتا ہے۔ جناب شرافت ملاحظہ ہو، کہ محض اس شبہ کی بناء پر صبح سے شام تک ضمیر کی ملامت سنتا رہا۔ اور اپنے آپ کو کوستا رہا۔ مگر لالہ جی سے ہنس ہنس کر باتیں کیں ان کا شکریہ ادا کیا۔ اور اس خیال سے کہ ان کی دل شکنی ہو، حد درجے کی طمانیت ظاہر کی کہ آپ کی نوازش سے میں نے صبح کا سہانا اور روح افزا وقت بہت اچھی طرح صرف کیا ورنہ اور دنوں کی طرح آج بھی دس بجے اُٹھتا۔ "لالہ جی صبح کے وقت دماغ کیا صاف ہوتا ہے، جو پڑھو خدا کی قسم فوراً یاد ہوجاتا ہے۔ بھئی خدا نے صبح بھی کیا عجیب چیز پیدا کی ہے یعنی اگر صبح کے بجائے صبح صبح شام ہوا کرتی تو دن کیا بری طرح کٹا کرتا۔" لالہ جی نے ہماری اس جادوبیانی کی داد یوں دی کہ آپ پوچھنے لگے۔ "تو میں آپ کو چھ بجے جگا دیا کروں نا؟" میں نے کہا۔ "ہاں ہاں، واہ یہ بھی کوئی پوچھنے کی بات ہے۔ بےشک۔" شام کے وقت آنے والی صبح کے مطالعہ کے ليے دو کتابیں چھانٹ کر میزپر علیحدہ جوڑ دیں۔ کرسی کو چارپائی کے قریب سرکالیا۔ اوورکوٹ اور گلوبند کو کرسی کی پشت پر آویزاں کر لیا۔ کنٹوپ اور دستانے پاس ہی رکھ ليے۔ دیاسلائی کو تکیئے کے نیچے ٹٹولا۔ تین دفعہ آیت الکرسی پڑھی، اور دل میں نہایت ہی نیک منصوبے باندھ کر سوگیا۔ صبح لالہ جی کی پہلی دستک کے ساتھ ہی جھٹ آنکھ کھل گئی، نہایت خندہ پیشانی کے ساتھ لحاف کی ایک کھڑکی میں سے ان کو "گڈمارننگ" کیا، اور نہیات بیدارانہ لہجے میں کھانسا، لالہ جی مطمئن ہو کر واپس چلے گئے۔ ہم نے اپنی ہمت اور اولوالعزمی کو بہت سراہا کہ آج ہم فوراً ہی جاگ اُٹھے۔ دل سے کہا کہ "دل بھیا، صبح اُٹھنا تو محض ذرا سی بات ہے ہم یوں ہی اس سے ڈرا کرتے تھے"۔ دل نے کہا "اور کیا؟ تمہارے تو یوں ہی اوسان خطا ہوجایا کرتے ہیں"۔ ہم نے کہا "سچ کہتے ہو یار، یعنی اگر ہم سستی اور کسالت کو خود اپنے قریب نہ آنے دیں تو ان کی کیا مجال ہے کہ ہماری باقاعدگی میں خلل انداز ہوں۔ اس وقت لاہور شہر میں ہزاروں ایسے کاہل لوگ ہوں گے جو دنیا ومافیہا سے بےخبر نیند کے مزے اُڑاتے ہوں گے۔ اور ایک ہم ہیں کہ ادائے فرض کی خاطر نہایت شگفتگہ طبعی اور غنچہ دہنی سے جاگ رہے ہیں۔ "بھئی کیا برخوردار سعادت آثار واقع ہوئے ہیں۔" ناک کو سردی سی محسوس ہونے لگی تو اسے ذرا یو ں ہی سا لحاف اوٹ میں کر لیا اور پھر سوچنے لگے۔۔۔ "خوب۔ تو ہم آج کیا وقت پر جاگے ہیں بس ذرا اس کی عاد ت ہوجائے تو باقاعدہ قرآن مجید کی تلاوت اور فجر کی نماز بھی شروع کردیں گے۔ آخر مذہب سب سے مقدم ہے ہم بھی کیا روزبروز الحاد کی طرف مائل ہوتے جاتے ہیں نہ خدا کا ڈر اور نہ رسول کا خوف۔ سمجھتے ہیں کہ بس اپنی محنت سے امتحان پاس کرلیں گے۔ اکبر بیچارا یہی کہتا کہتا مرگیا لیکن ہمارے کان پر جوں تک نہ چلی۔۔۔ (لحاف کانوں پر سرک آیا)۔۔۔ تو گویا آج ہم اور لوگوں سے پہلے جاگے ہیں۔۔۔ بہت ہی پہلے۔۔۔ یعنی کالج شروع ہونے سے بھی چار گھنٹے پہلے۔ کیا بات ہے! خداوندان کالج بھی کس قدر سست ہیں ایک مستعد انسان کو چھ بجے تک قطعی جاگ اُٹھنا چاہئے۔ سمجھ میں نہیں آتا کہ کالج سات بجے کیوں نہ شروع ہوا کرے۔۔۔ (لحاف سر پر)۔۔۔ بات یہ ہے کہ تہذیب جدید ہماری تمام اعلیٰ قوتوں کی بیخ کنی کر رہی ہے۔ عیش پسندی روزبروز بڑھتی جاتی ہے۔۔۔ (آنکھیں بند)۔۔۔ تو اب چھ بجے ہیں تو گویا تین گھنٹے تو متواتر مطالعہ کیا جاسکتا ہے۔ سوال صرف یہ ہے کہ پہلے کون سی کتابیں پڑھیں۔ شیکسپیئر یا ورڈزورتھ؟ میں جانوں شیکسپیئر بہتر ہوگا۔ اس کی عظیم الشان تصانیف میں خدا کی عظمت کے آثار دکھائی دیتے ہیں۔ اور صبح کے وقت اللہ میاں کی یاد سے بہتر چیز کیا ہوسکتی ہے؟ پھر خیال آیا کہ دن کو جذبات کے محشرستان سے شروع کرنا ٹھیک فلسفہ نہیں۔ ورڈزورتھ پڑھیں۔ اس کے اوراق میں فطرت کو سکون واطمینان میسر ہوگا اور دل اور دماغ نیچر کی خاموش دلآویزیوں سے ہلکے ہلکے لطف اندوز ہوں گے۔۔۔ لیکن ٹھیک ہی رہے گا شیکسپیئر۔۔۔ نہیں ورڈزورتھ۔۔۔ لیڈی میکبتھ۔۔۔ دیوانگی۔۔۔ سبزہ زار۔۔۔ سنجر سنجر۔۔۔ بادبہاری۔۔۔ صید ہوس۔۔۔ کشمیر۔۔۔ میں آفت کا پرکالہ ہوں۔۔۔ یہ معمہ اب مابعد الطبعیات ہی سے تعلق رکھتا ہے کہ پھر جو ہم نے لحاف سے سر باہر نکالا اور ورڈزورتھ پڑھنے کا ارادہ کیا تو وہی دس بج رہے تھے۔ اس میں نہ معلوم کیا بھید ہے! کالج ہال میں لالہ جی ملے۔ "مسٹر! صبح میں نے آپ کو پھر آواز دی تھی، آپ نے جواب نہ دیا؟" میں نے زور کا قہقہہ لگا کر کہا۔ "اوہو۔ لالہ جی یاد نہیں۔ میں نے آپ کو گڈمارننگ کہا تھا؟ میں تو پہلے ہی سے جاگ رہا تھا"۔ بولے "وہ تو ٹھیک ہے لیکن بعد میں۔۔۔ اس کے بعد!۔۔۔ کوئی سات بجے کے قریب میں نے آپ سے تاریخ پوچھی تھی، آپ بولے ہی نہیں۔" ہم نے نہایت تعجب کی نظروں سے ان کو دیکھا۔ گویا وہ پاگل ہوگئے ہیں۔ اور پھر ذرا متین چہرہ بنا کر ماتھے پر تیوریاں چڑھائےغوروفکر میں مصروف ہوگئے۔ ایک آدھ منٹ تک ہم اس تعمق میں رہے۔ پھر یکایک ایک محجومانہ اور معشوقانہ انداز سے مسکراکے کہا۔ "ہاں ٹھیک ہے، ٹھیک ہے، میں اس وقت۔۔۔ اے۔۔۔ اے، نماز پڑھ رہا تھا۔" لالہ جی مرعوب سے ہو کر چل دیئے۔ اور ہم اپنے زہد واتقا کی مسکینی میں سر نیچا کئے کمرے کی طرف چلے آئے۔ اب یہی ہمارا روزمرہ کا معمول ہوگیا ہے۔ جاگنا نمبر ایک چھ بجے۔ جگانا نمبر دو دس بجے۔ اس دوران لالہ جی آواز دیں تو نماز۔ جب دل مرحوم ایک جہان آرزو تھا تو یوں جاگنے کی تمنا کیا کرتے تھے کہ "ہمارا فرق ناز محو بالش کمخواب" ہو اور سورج کی پہلی کرنیں ہمارے سیاہ پُرپیچ بالوں پر پڑ رہی ہیں۔ کمرے میں پھولوں کی بوئے سحری روح افزائیاں کر رہی ہو۔ نازک اور حسین ہاتھ اپنی انگلیوں سے بربط کے تاروں کو ہلکے ہلکے چھیڑ رہے ہوں۔ اور عشق میں ڈوبی ہوئی سریلی اور نازک آواز مسکراتی ہوئی گا رہی ہو! تم جاگو موہن پیارے خواب کی سنہری دھند آہستہ آہستہ موسیقی کی لہروں میں تحلیل ہوجائے اور بیداری ایک خوشگوار طلسم کی طرح تاریکی کے باریک نقاب کو خاموشی سے پارہ پارہ کردے چہرے کسی کی نگاہ اشتیاق کی گرمی محسوس کر رہا ہو۔ آنکھیں مسحور ہو کر کھلیں اور چار ہوجائیں۔ دلآویز تبسم صبح کو اور بھی درخشندہ کردے۔ اور گیت "سانوری صورت توری من کو بھائی" کے ساتھ ہی شرم وحجاب میں ڈوب جائے۔ نصیب یہ ہے کہ پہلے "مسٹر! مسٹر!" کی آواز اور دروازے کے دنادن سامعہ نوازی کرتی ہے، اور پھر چار گھنٹے بعد کالج کا گھڑیال دماغ کے ریشے ریشے میں دس بجانا شروع کردیتا ہے۔ اور اس چار گھنٹے کے عرصہ میں گڑویوں کے گر گرنے۔ دیگچیوں کے اُلٹ جانے، دروازوں کے بند ہونے، کتابوں کے جھاڑنے، کرسیوں کے گھسیٹنے، کُلیاں اور غرغرے کرنے، کھنکھارنے اور کھانسنے کی آوازیں تو گویا فی البدیہہ ٹھمریاں ہیں۔ اندازہ کرلیجیئے کہ ان سازوں میں سُرتال کی کس قدر گنجائش ہے! موت مجھ کو دکھائی دیتی ہے جب طبعیت کو دیکھتا ہوں میں ۔۔۔ پطرس بخاری ۔۔۔

ہارٹ اٹیک

2005-12-04T17:27:00.000+05:00

درد اتنا تھا کہ اس رات دلِ وحشی نے ہر رگِ جاں سے الجھنا چاہا ہر بن مو سے ٹپکنا چاہا اور کہیں دور تیرے صحن میں گویا پتا پتا مرے افسردہ لہو میں دھل کر حسنِ مہتاب سے آزردہ نظر آنے لگا مرے ویرانہِ تن میں گویا سارے دکھتے ہوئے ریشوں کی طنابیں کھل کر سلسلہ وار پتا دینے لگیں رخصتِ قافلہِ شوق کی تیاری کا اور جب یاد کی بجھتی ہوئی شمعوں میں نظر آیا کہیں ایک پل، آخری لمحہ تیری دلداری کا درد اتنا تھا کہ اس سے بھی گزرنا چاہا ہم نے چاہا بھی، مگر دل نہ ٹھہرنا چاہا ۔۔۔ فیض احمد فیض ۔۔۔

بلاگنگ

2005-11-22T01:55:00.000+05:00

بلاگنگ Blogging
اسے کیسے بھلاؤ گے؟ کیا بلاگنگ چھوڑ پاؤ گے؟
وہ دن بھر سوچنا	راتوں کو کوسنا
پھر بھی کچھ بن نہ پانا	دوسروں کےideasچرانا
اِک post کی خاطر	Studies کو داؤ پر لگانا
کچھ ذاتیات آکھنا	چند خبریں چھاپنا
msnپر دوستوں سے	Paknet کے نمبر مانگنا
لکھتے وقت الفاظ چننا	post پر کمنٹس گننا
نئے رابطے بنانا	buddy listکا bulkyہوجانا
اپنوں کے commentsاُڈیکنا	seniorsسے بہت کچھ سیکھنا
کچھ posts پر سر کُھجانا	آنکھیں سر پر چڑھانا
کسی بھَولے کا مذاق اُڑانا	کسی بُدھو سے impressہو جانا
تحریر سے عمروں کا اندازہ لگانا	حقیقت کُھلنے پر انگلیاں چبانا
اپنے templateکو بہتر بنانا	وہ Java, Html کے tag لگانا
postsسے اپنی دھاک جمانا	جیب خرچ کے لیۓgoogle adsلگانا
examsمیںbusyکاTickerلگانا	پھر بھی روزانہ onlineآنا
خود کو جرنلسٹ کہنا	ہر لمحہ "Blog post" دِکھنا
ہم عصروں سے رابطے بننا	اِک دوسرے سےدعاexchangeکرنا
Bloggingکو gameکہا	پھر بھی اس میں محو رہا
اسی سےمجھے fame ملا	حارث بن خرم کا nameملا
اسے کیسے بھلاؤ ں گا.... کیا بلاگنگ چھوڑ پاؤں گا؟

http://harris.co.nr